HE WHÁRIKI REO
Nä Ngähiwi Apanui
E MIHI ANA KI TE KAIRANGI
N
ä Te Wänanga o Aotearoa ngä kaumätua tokotoru o Ngäi Tühoe i whakawhiwhi ki te Tohu Kura Waka o Te Wänanga o Aotearoa mö tö rätau takohanga ki te whakaora i te reo Mäori.
Nä Kïngi Tuheitia räua ko Te Pouhere, a Bentham Ohia i tuku te tohu whakahirahira nei ki Te Ahorangi Tïmoti Käretu, Te Ahorangi Wharehuia Milroy me Te Ahorangi Pou Temara i te Huinga Toiroa i te marama o Pipiri i Kirikiriroa. E noho takohanga ana ngä tokotoru tapu nei mö te whakaaranga ake me te whakahaere o Te Panekiretanga o Te Reo Mäori, i raro i te mana o Te Wänanga o Aotearoa. Kei a Tïmoti te tukunga o te reo, kei a Wharehuia räua ko Pou te wähanga ki ä tätau tikanga. Mai i te wä i noho ai a Te Ahorangi Tïmoti Käretu i te poari o Te Taurawhiri i te Reo Mäori, i mau tonu ki tana moemoeä kia whakatüria he kura kairangi i te reo Mäori. Näna te akomanga tuatahi i te Pipiri o 2004, ä, e rima tau i muri mai, e kaikaha ana te tokomaha ki ngä hua o te akoranga nei.
TE WIKI O TE REO MÁORI Ki Te Wánanga o Aotearoa, ko Te Wiki o te Reo Máori (27 o Pipiri – 2 o Here-turi-kóká)
he huarahi whakatairanga i te reo Máori ki te hapori. Huri noa i te motu, i puta ai ngá kaimahi ki ngá kura, i tuku i ngá akoranga reo Máori mó te kore utu, á, i whakawhitiwhiti hoki i te kai me te kórero. Me mihi ka tika ki ngá kaimahi i kawe haere i te rongopai ki te tini me te mano. Kia titiro tátau ki étahi o ngá kaupapa auaha o térá wiki.
Ko Pou Temara rätau ko Wharehuia Milroy ko Tïmotu Käretu i te Huinga Toiroa.
Kia matatü koutou mö tërä putanga o KA MIHARO, mö ngä körero e pä ana ki ngä äkonga, ngä paetahi me ngä kaiako o Te Panekiretanga o Te Reo.
18
KA MIHARO
KÖANGA Spring
HE WHÁRIKI REO