DISYEMBRE 13 -19, 2009
11
ILANG TULA NI ALEJANDRO G. ABADILLA MISYON SA PAGSULAT Misyon sa pagsulat? Talaga pong wala Sa aikin ang hangad Bumuo ng sira ANG TAONG 1964 Itong taong ito Ay s’werte ko yata, Aklat doon, dito’t Magkabi-kabila. Nar’yan ang Parnasong Edisyong Segunda’t Pangalawang tomong Tanagabadilla. Nar’yan ang aklat Naming ni A. Dizon, Na ang unang hangad, Magkalat ng dunong. (Doring, ang singk’wenta Pesos mo’y dumating Na umaawit pa, At tumataginting!) Ano pa ang aking Mahahangad ngayon, Kundi ang magiting Sa paglilimayon, Ang swerte ko’y iyan, May mga ksamang Sadyang dumadaramay Sa pangungulila, Ang mga sinundang Kapalarang akin Ay palatandaang Ang ako’y darating.
Iyang ipukrisyang Lipunang marupok Ay hindi ko linya: E’no kung malagot? Napako ng minsan Si Kristo sa kurus, Tama nap o iyan – Ang minsang pagtubos! Hindi ako si Marx, Lenin, ni Amado: Ako? Kung may hangad Ay ang reporma ko! Sarili kong renda Ay lagging maagting, Bakit ang sa iba’y Aking rerendahin? Timawa ang taong Ibig bumsabos Sa kahit sino, Sa ngalang pagtubos. Buhay na binuhay: Iyan ang misyon ko, Iya’y panitikan Na walang reklamo!
Youth Media Conf er ence Confer erence ence,, idinaos sa Baste Media ethics, media trends, at media killings. Ilan lamang ito sa mga paksang pinagtuunang-pansin sa katatapos lamang na “1st Sebcom Youth Media Conference” na nilahukan ng iba’t ibang high school sa lalawigan at idinaos sa San Sebastian College Main Campus Auditorium sa Cavite City, ika-7 ng Disyembre. Isang proyektong media literacy ng College of Mass Communication at ng organisasyong pangmag-aaral na Sebastinian Communicators, ang pagtitipon ay kinatampukan ng mga itinatanging tagapagsalita sa pahayagan, telebisyon, radyo at online journalism gayun din sa malayang pagsasapelikula. Ang pagdiriwang ng media conference ay may kaugnayan sa kapapanimula pa lamang na ispesiyalisayong pangMass Communication na Broadcast Journalism sa San Sebastian College. Kasali sa komperensiya ang Holy Nazarene Christian School, St. Peregrine Institute, Rosario Institute, San Sebastian College, Sangley Point National High School, at Colegio de San Francisco. Pinuri ni Dr. Maria
Theresa S. Giron, Dekana ng College of Arts and Sciences ang napapanahong pagpupulong. Nabigay komentaryo rin ito tungkol sa pagiging laganap ng iba’t-ibang uri ng media at sa hindi maitatangging epekto ng media sa tao. Ibinahagi ni G. Romel Sanchez, Managing Editor ng Responde Cavite, ang kanyang mga karanasan bilang isang print journalist. Nagsalita ito tungkol sa print basics, ipinakita ang kaibahan ng print sa ibang uri ng media, at pinayuhan ang mga dumalo na magbasa upang maging mahuhusay na mga manunulat. “Ang utak natin ay parang bangko... 'pag may dineposito meron kang mawiwithdraw,” sabi ni Sanchez. Matapos ang isang pamagitang bilang, si G. Mark Salazar ng GMA News and Public Affairs ang sumunod na nagsalita. Tinalakay niya ang tungkol sa television production at nagkwento rin ng mga karanasan bilang reporter para sa 24 Oras. Naniniwala si Salazar na pinakaayon sa katotohanan ang telebisyon at dahil dito inaasahang mas responsable ang mga tagapamalitang pangtelebisyon. Ipinaliwanag din niya na laging
kailangang may video upang mapatunayan ang isang balita sa telebisyon. Inihambing ni Salazar ang camera sa isang sandata na “...habang hawak namin 'to hindi kami lilikutin.” Ayon sa kanya, ang mga media killings sa Maguindanao ay nakapagdulot sa kanya at sa kapwa journalists ng “wakeup call” na ang camera ay hindi na lubos na pananggalang sa peligro. Inilahad din niya ang metikulosong proseso ng television news coverage, ang papel ng media sa pagtatanggol sa dignidad at integridad ng publiko, at ang mga panganib na kinahaharap ng mga mamamahayag na katulad niya. “Mas nalalagay sa alanganin ang nasa TV... Kailangan namin videohan... We really need to be where the action is.” Sumunod si G. Jun Del Rosario ng DZMM na nagsalita tungkol sa radio journalism. Isang magaaral ng St. Peregrine Institute na binigyan ng pagkakataon na maging tagapamalita sa radyo noong araw na iyon ang nag-cover ng mga pangyayari sa likod ng intablado. Ikaapat na tagapagsalita si G. Jayson Ber-
nard Santos ng GMA News.TV. Nagbanggit ng mga estadistika si Santos na nag-highlight sa “digital divide” sa ating bansa. Ayon sa kanya, sa halip na kaisipang “journalism versus blogging” ang pairalin, isang “journalism and blogging” framework ang dapat subukan. Dagdag nito, dapat na maging maalam sa mga makabagong teknolohiya ang sinumang nais maging mamamahayag sa Internet. Isang independent filmmaker, si G. Ronald Verzo II ng Mediamonsters Productions, ang huling tagapagsalita. Nagpakita siya ng mga maiiksing klip mula sa iba’t ibang pelikula at pagkatapos ng bawat isa ay hiningan ng insayt ang mga kinatawan ng bawat paaralan tungkol sa kanilang napanood. Winaksan ni G. Dante N. Peralta II, Mass Communication Department Head, ang pagdiriwang sa pamamagitan ng paghihikayat sa mga magaaral ng iba’t ibang high school na maging “active media consumers with a critical mindset as opposed to passive media recipients.” Binati niya ang working committee sa mahusay na pagsasagawa ng kumperensiya at
NI DANTE N. PERALTA II
inanyayahan ang mga kalahok na pag-isipan ang isang karera sa journalism. Lalong naging makabuluhan ang pagtitipon dahil sa mga Q&A sessions kung saan direktang natanong ng Sebastinian Communicators at ng mga panauhing magaaral ang mga tagapagsalita. Ginawaran ang bawat tagapagsalita ng plak ng pagpapahalaga na galing sa mga bumuo ng programa; sertipiko naman ang natanggap ng bawat nakibahagi sa kumperen-
siya. Nagsilbing gabay sa mga mag-aaral ng Mass Communication na nagorganisa sa kumperensiya sina Bb. Wella Ricafrente, Senior Segment Producer ng Imbestigador at isang guro ng San Sebastian College Cavite; at Bb. Viccia Andrea Lampas, tagapayo ng Sebastinian Communicators. Mga maestro ng seremonya sina Bb. Lizzeth Asistores at Bb. Joana Gale Pacion, parehong fourth-year na mag-aaral ng Mass Communication.
Si Board Member Jun Del Rosario habang nakikipagkamay kay Wella Ricafrente.