8
NOBYEMBRE 15- 21, 2009
Prinsipyo ng Pamamahayag
INDANG, Cavite -May mga hinahangaan o iniidolo rin naman ako, ilan sa mga ito ay sina Dr. Jose Rizal, Gat. Andres Bonifacio, Sen. Benigno “Ninoy” Aquino, Prof. Jose Maria “Joema” Sison, Bro. Eduardo “Eddie” Villanueva, Sen. Gregorio “Gringo” Honasan, Sen. Antonio Trillanes, B/Gen.Danilo “Danny” Lim at Mr. Eugenio “Geny” Lopez Jr. Si Eugenio Lopez Jr., na mas kilala bilang Geny Lopez ay isa sa mga pundasyon at haligi ng malayang pamamahayag sa ating bansa. Ako bilang manunulat, kolumnista at mamamahayag ay sadyang naging interesado sa kanyang mga nai-ambag para sa paglilingkod at pagpapalaganap ng malayang pamamahayag sa ating lipunan. Hindi naman lingid sa kaalaman ng lahat na ang ABS CBN ay itinaguyod ng mga naunang Lopezes at ipinagpatuloy ni Geny Lopez kung saan umere ang pagkakaroon noon ng malayang pagtalakay at pamamahayag sa ating bansa kung kaya naman noong panahon ng diktaduryang dating Pangulong Ferdinand Marcos ay dinakip at ikinulong si Lopez at ang kanyang itinayong ABS-CBN na pundasyon ng paninindigan para sa katotohanan, katarungan at katuwiran ng lahi at ng lipunang Pilipino ay sinira at ipinasara ng diktadurya. Taong 1986 matapos ang rebolusyon laban sa diktadurya ay muling bumangon si Lopez kasama ang mga taong naniniwala sa kanyang magandang hangarin at prinsipyo para sa pagpapatuloy ng malayang pamamahayag at nagsama-sama sila upang sa ikalawang pagkakataon ay muling buksan ang ABS-CBN. Simula noon ay nagkaroon ng higit pang kulay at saya ang buhay ng bawat pamilyang Pilipino sa paghahatid ng ABS-CBN ng mga makabago, maganda at naiibang istorya, kuwento, palabas at programa hindi lang sa telebisyon kundi maging sa radyo at pahayagan na nasa bakuran ng higanteng istasyong ito. Lumipas ang mga panahon at ang matandang Lopez ay namaalam sa ating lahat datapwat ang ma-
giting na anak na si Mr. Gabby Lopez na ngayon ay Chairman / Chief Executive Officer ng kompanyang ito ang siyang humalili at nagpatuloy sa magaganda at makabuluhang nasimulan ng kanyang butihing Ama na si Geny. Sa administrasyon ni Gabby Lopez ay lalo pang namayagpag ang mga palabas at programa ng ABS-CBN sa tulong na rin ng mga mahuhusay niyang katuwang katulad nina Ms. Charo Santos -Concio na siyang President at Ms. Cory Vidanes na siya namang Vice President for TV/Entertainment. Sa pagputok ng eskandalo ng Hello Garci at iba pang akusasyon ng katiwalian sa gobyerno ng administrasyon ni Gng. Gloria Macapagal –Arroyo ay nanawagan ang oposisyon kasama ang malawak na bilang ng mamamayan ng isa na namang People Power noong Pebrero 24-26, 2006 sa EDSA Shrine at Ayala Avenue hanggang sa Fort Bonifacio na layong mapatalsik ang tinaguraiang pekeng Pangulo datapwat bigo ang sambayanan dahil nanatili siya sa poder ng kapangyarihan sapagkat bigla at mabilis niyang idineklara ang State of National Emergency (miniMartial Law). Sa panahong yaon ay napansin kong tanging ang ABS-CBN News and Current Affairs lamang (sa pamumuno ng matalinong si Ms. Maria Ressa na siyang Head ng News and Current Affairs) ang nanindigan at walang takot na nagbalita upang maihatid sa mamamayan ang mga totoong kaganapan at pangyayari na para sa akin ay silang tunay na walang pinoprotektahan. Hanggang sa nagbanta pa mismo si Sec. Mike Defensor sa noon ay live na nagbabalita sa TV na si Henry Omaga -Diaz na maaaring maipasara ng gobyerno ang istasyon sapagkat ini-ere at kinakapanayam pa ng mga reporter ng ABS-CBN ang mga nag-aalsang mamamayan sa kalye at mga nag-aalburotong sundalo sa Fort Bonifacio. Datapwat palibhasa ay subok ng tagapamandila ng malayang pamamahayag at silang tunay na walang kinikilingan kundi ang katotohanan lamang ay hindi natakot ang ABSCBN kahit pa alam na nila ng mga sandaling iyon ay pinalibutan na ng mga sundalo ang paligid ng istasyon nila. Sapagkat ang kanilang prinsipyo ng pagbabalita
ANG LAHAT AY INAANYAYAHAN NG MGA SAKSI NA ‘PATULOY NA MAGBANTAY!’ LUNSOD NG TRECE MARTIRES - Ang mga Saksi ni Jehova ay magdaraos ng isang malawakang kampanya upang anyayahan ang lahat na makapakinig ng mga kapanapanabik na talakayan kung paano inilalarawan ng Bibliya ang tinatawag ng karamihan sa ngayon na katapusan ng daigdig. Ang mga Saksi ay naniniwala na bawat tao sa kanilang komunidad ay magiging interesado at mahihikayat sa ihaharap na mga programa sa 2009 taon ng pandistritong kombensyon na may Temang “Patuloy na Magbantay” na gaganapin sa Gov. Ayong S. Maliksi Provincial Gymnasium. Pasimula sa linggong ito hanggang sa susunod na tatlong linggo, ang mga Saksi ni Jehova ay magpapaabot ng personal na mga paanyaya sa lahat ng mga taga Alfonso, Carmona, Dasmariñas, Gen. Trias, GMA, Silang at Tagaytay na dumalo sa
tatlong-araw na kombensyon sa lunsod ng Trece Martirez na magsisimula sa Biyernes Ika-4 ng Disyembre 2009 sa ganap na 8:20 ng umaga. Ang tema ay hinalaw sa iba’t ibang teksto sa Bibliya kabilang na ang Mateo 24:42 at Marcos 13:37 kung saan si Jesu-Kristo ay nagbigay ng tagubilin sa kanyang mga alagad na “Patuloy na Magbantay.” Ang programa ay nakasentro kung paano pinaniningning at nililiwanag ng Bibliya ang kahalagahan ng mga salitang ito para sa mga mambabasa ng Bibliya sa modernong panahon. Ang pagdalo sa kombensyon ay walang bayad at walang koleksiyon. Kabilang sa kampanya ng mga Saksi ay ang pamamahagi ng mga imbitasyon na may nakapupukaw-pansin na mga larawan. Ito ay katulad ng kanilang ginawa noong taong 2007 para sa kanilang matagumpay na
pandistritong kombensyon na may temang “Sundan ang Kristo.” Sila ay umaasa na makapagpaabot ng personal na paanyaya sa pinakamaraming tao hangga’t maaari. Sa Kabite, 18 kongregasyon ng mga Saksi ang susuporta sa malawakang pagsisikap na maikalat ang kaalaman patungkol sa darating na kombensyon. Tinatayang 2,500 ang tutungo sa Governor Ayong S. Maliksi Provincial Gymnasium sa darating na dulo ng sanlinggo para sa kombensyon.
Ang mga Saksi ay umaasa na magiging matagumpay ang okasyong ito. Malugod nilang tatanggapin ang mga disaksi na dadalo sa kombensyon at sila ay naniniwala na ang lahat ng dadalo ay makikinabang mula sa mga praktikal at napapanahong impormasyong ihaharap. Sa buong Pilipinas ay magkakaroon ng 96 na kombensyon sa 69 na lugar. Sa buong daigdig naman ay mayroong mahigit 7,100,000 na mga Saksi sa mahigit na 103,000 kongregasyon.
Belated happy birthday to JERRY ‘GOODBOY’ GYANAN last November 14, 2009 Greetings from: Kag. Cris Trinidad, Panjo, Cojie, Ruben, Parko, Petty, Erning at Papa Family. *** Happy Bday Mr. Mike Giongco Civil Defense
Deputized Coordinator Of Rosario, Cavite Greetings coming from: Rosario Municipal Disaster Coordinating Coucil. *** Happy Bithday to Marith and Precy Jebulan Fr: Kuya Willy & Family And Staff Responde Cavite
ay “Panig sa Katotohanan, Panig sa Bayan” ay hindi inalihan ng takot sa bangis ng State of National Emergency (mini-Martial Law) ng pekeng Pangulo sa Malacañang ang higanteng istasyon at sa halip ay nanindigan sila na i-ere o ipalabas ang noon ay nagaganap na nakabatay sa totoong pangyayari. Sa kabilang banda at sa kasalukuyang panahon ay ang “Risonable at Responsable” ang binibitbit naman naming prinsipyo dito sa Responde Cavite kung kaya naman patuloy din kaming maghahatid ng mga makabuluhan, makatwiran at makatotohanang pagsusulat, pagbabalita at pamamahayag. Patuloy namin itong isasaisip at isasagawa upang laging ang inyong tiwala sa amin ay hindi mawala. Salamat sa inyong mga mambabasa sa patuloy na pagsuporta, pagbili at pag-ubos ng bawat sipi o kopya sa mga newstands ng ating dakilang pahayagang ito. Salamat at MABUHAY kayo!
HOROSCOPE NI MIDNIGHTJT
CAPRICORN: Huwag kang mangamba at nalalapit din ang tagumpay sa iyo. Maging doble ang pagsisikap at pagtitiyaga. May regalong matatanggap. Lucky days/nos. Tues/Fri 7-20-25-36-39-43 AQUARIUS: Walang kahahantungan ang mga pangarap kung hindi mo ito pinaghihirapan. Ngayon pa lang doblehin na ang kasipagan sa trabaho. Lucky days/nos. Mon/Wed 14-18-21-31-33-40 PISCES: Susuwertihin ka pa rin ngayon kahit medyo hindi tama ang gagawin mong pagmamalas ng iyong kakaibang tapang. Wala pa rin mangyayaring hindi maganda sa iyo. Lucky days/nos. Thurs/Sun 2-6-14-30-39-41 ARIES: Paliligayahin ka ng mahal mo pero may kondisyon, ayon sa iyong kapalaran, kailangan na una mo muna siyang bigyan ng kasiyahan. Kahit ikaw ang unang ngumiti. Lucky days/nos. Wed/Fri 1-10-11-20-24-29 TAURUS: Di mo maiiwasang biglang manahimik kahit sa sandali ng iyong pagsasaya. Palatandaan ito na ipinaaalala sa iyo ng langit na marami ka pang gagawin upang umasenso. Lucky days/nos. Mon/ Tues 2-8-112-14-28-30 GEMINI: Ambisosyo kaya aayawan mo. Pero di naman mawala-wala sa iyong isipan ang kanyang pagkatao. Ang dahilan siya ay ibinibigay sa iyo ng langit upang ikaw din ay magtagumpay sa buhay. Lucky days/nos. Thurs/Sun 1-9-17-20-24-35 CANCER: Ito ang takdang araw upang seryosohin mo ang iyong love life. Kaya ang payo, dumistansiya ka sa mga mapagbiro, maharot, at kung anu-ano ang mga ikinukuwento. Lucky days/nos. Sat/Sun 11-15-22-27-30-31 LEO: Huwag magtiwala sa nararamdaman dahil mahina at mababa ang E.S.P. Kung ano ang iniisip, iwasang gawin dahil walang mapapala. Kung papatulan ang mag-aasar o makukulit. Tiyak may hindi inaasahang pangyayaring magaganap. Lucky days/nos. Fri/Sat 3-4-10-29-40-45 VIRGO: Lakasan ang loob sa mangyayari, makakaranas ng pangyayari na magiging memorable at hindi malilimutan. Kung naging magulo ang buhay sa nakalipas, ngayon mababalik sa normal. Makakaranas ng ginhawa sa pinansyal. Lucky days/nos. Mon/Tues 4-5-20-26-28-31 LIBRA: Magugulat sa makikita dahil hindi ito inaasahan. Isang dating insidente ang mauulit nang hindi sinasadya. Walang katiyakan ang takbo ng panahon kaya’t pag-iingat sa tuwina ang kailangan. Lucky days/nos. Wed/Thurs 1-6-22-28-33-41 SCORPIO: Huwag magsisi kung may nagawang pagkakamali. Ipanatag ang isip sa problema dahil darating kusa ang solusyon sa tamang panahon. Iwasang maging emosyonal. Lucky days/nos. Tues/Wed 5-10-15-19-35-36 SAGITTARIUS: Simulan ang mga binabalak dahil may bungang mapapala. Huwag ipagbukas ang dapat gawin ngayon. Ang inaasahan mula sa iba ay walang katuparan. Ang sariling sikap ang siyang makapagliligtas sa pangangailangan. Lucky days/nos. Fri/Sun 1-4-6-19-29-39