6
NOBYEMBRE 15- 21, 2009
SAGOT NI EX-MAYOR ARLYNN TORRES 1. Ang Noveleta ay isang bayan na patuloy sa pag-unlad. Nakikita natin ang pagdating ng mga namumuhunan. Ngunit kalakip ng pagunlad sa ekonomiya dapat din ay naibabalik sa mamamayan ang sapat na pagseserbisyo at hindi perwisyo. Hindi lingid sa ating kaalaman, pagkatapos ng kalamidad ang bayan ng Noveleta, tila basang sisiw na kawawang namamalimos ng tulong. Tunay nga na malaki ang pinsala na idinulot ang mga bagyo sa bayan ngunit hindi naman kailangan humantong sa ganitong sitwasyon. Kawawa ang ating mga kababayan, walang sapat na tulong na maibigay sa kanila. 2. Totoong malaki ang problema ng Noveleta sa basura sa kadahilanang hindi regular ang paghahakot ng basura sa mga kabahayan. Hindi rin nasusunod ang tamang paghihiwalay- hiwalay ng mga basura. Noong aking panunungkulan, ako ay may programang Material Recovery Facility o MRF ang layunin nito ay maihiwalay ang mga nabubulok at hindi nabubulok na basura upang mabawasan ang itatapon sa dump site. Ang nasabing progra-
mang ito ay hindi piniling ipagpatuloy ng kasalukuyang liderato, napili pa nilang itapon ang mga basura sa ginawa nilang open dump site malapit sa pampublikong sementeryo. Ang bagay na ito ay nakakaapekto sa kalusugan ng ating mamamayan. 3. Ika nga, “Give a man a fish and he will eat for a day. Teach a man to fish and he will eat for a lifetime.� Sa ganitong panahon, dapat ay tinutulungan nating mabuhay ang ating mga kababayan upang maging self-reliant. Matutulungan ko ang aking mga kababayan sa pagbibigay sa kanila ng sariling pagkakakitaan sa pamamagitan ng pagaalok ng livelihood trainings and seminars. Kailangan din patatagin at madagdagan ang samahan ng mga kooperatiba. 4. Mababang bayan ang Noveleta, at napapaligiran ito ng mga ilog at dagat. Ang aking maihahandog ay ang patuloy na pagpapagawa ng river walls upang maprotektahan ang aming mga kababayan sa pagragasa ng tubig mula sa mga mataas na karatig bayan. Kailangan din ipagpatuloy ang pagsasaayos ng drainage system at pagtatapon ng basura. 5. Maraming mga hamon sa pang-araw-araw na hinaharap ang bayan ng Noveleta. Kailangan ay
maging handa sa mga unos at pagbabago na dala ng panahon. Basura, patuloy na pagbaha, kawalan ng trabaho, suliranin sa pangkalusugan, iilan lamang yan sa mga problema na hinaharap ng bayan. Isang malaking hamon pang hinaharap hindi lang ng bayan ng Noveleta kundi ng buong bansa ay ang darating ng halalaan, pumili ng mga namumuno na tutugon sa mga problemang ito. Isipin natin na ang darating na halalan ay hindi isang araw lamang, ito ang magtatakda sa takbo ng paglilingkod sa susunod na tatlong taon. 6. Sa panahon ngayon, ang ating kailangan ay ang tunay na makapagaalok ng taos pusong paglilingkod sa taong bayan at hindi paglilingkod sa sarili. Tumingin sa tunay na hangarin; maging bukas ang mga mata at huwag magpapadala sa mga mabubulaklak na pangako. Dito Lang Tayo, Aksyon, Agaran at Totoo. SAGOT NI MAYOR ALVAREZ 1. Sa ngayon ay nasa ayos naman ang ating bayan at ang number 1 na nagawa nating pagbabago ay ang maibalik ang tiwala ng mga tax payer natin sa ating pamamahala. Kung inyong mairerecall sa inyo, ito ay hindi naman tsismis - ito ay
katotohanan na hanggang ngayon ay un-accounted pa rin ang 13 milyon na nawala sa kaban ng bayan ng Noveleta during the time of administration of former Mayor Torres. At sa pamamagitan po ng ating paglilingkod ay nagkaroon po tayo ng transparency at ating inilahad ang lahat ng ating mga gastusin at napakaganda naman ng report ng Commission on Audit (COA). During my administration from 2008 at 2009. At ngayon ay pwede nyong i-check ang record natin sa treasurer office ay lumaki ang ating koleksyon compare sa mga nakakaraang administration. 2. Ang problemang basura ay hindi lamang problema ng bayan ng Noveleta. Actually, problema yan ng buong lalawigan ng Cavite. Kami ay umaasa sa magkakaroon ng common dumping site ang ating lalawigan. Sa kasalukuyan ay minamanage naming ang aming basura sa aming kakayahan lamang. Daily garbage collection at kasalukuyang iniipon muna sa aming MRF dito sa aming Public Cemetery. At ako ay nakikipagugnayan sa isang private citizen na may malawak na lupa upang ipagamit muna nila, at ito ay hindi ipatutupad kung walang pakikipag-ugnayan sa
DENR at PENRO. 3. Dalawang beses na kaming nagconduct ng training sa call center at makikita nyo sa aming record. Sa kasalukuyan at patuloy ang sewing program na nagtuturong manahi. At tulong ni Ma'am Lanie Mercado ay natulungan kaming makapasok sa Tesda tulad ng house keeping, welding, cellphone repair, care giver. Sa ngayon ay pinagaaralan nila kung paano pauunlarin ang tinatawag naming "Mais-Noveleta" na tunay nga naming ipinagmamalaki. Napabayaan lang iyan ng mga nakaraang administratibo. Kaya ang head department ng Agriculture na si Ma'am Ester Espeneli ay nakikipag-ugnayan na sa mga magsasaka at hiling nila na maibahagi ito sa aming magsasaka upang umangat ang ipinagmamalaking mais ng Noveleta. 4. Noong nakaraang bagyong Milenyo (2005), ang isang barangay na nasalanta ng bagyo ay hindi naman gaanong napinsala. At dito naman sa bagyong Ondoy ay baha lamang ang dumaan sa bayan ng Noveleta and out of 16 barangay ay 15 barangay ang apektado ng pagbaha. At ito ay hanggang baywang, ang iba naman ay lagpas tao na ang baha.
Kaya't napakabilis ng pagresponde ng Pamahalaang Munisipyo ng Noveleta and the following day ay nag-dispath ako ng pay loader, nagkakaroon ng clearing operation along national road ang barangay road and municipal road na maging possible ito sa aking mga kababayan. Two days after ay nag-umpisa na kaming mamigay ng relief goods at di lang once but twice and trice. 5-Ang nakikita ko dito sa aming bayan, maipagpatuloy lamang ang maayos na pamamahala, malinis na lansangan. For the next 5 years ay marami ng mikikitang pagbabago sa ating bayan at patuloy akong nakikipagusap sa mga investor na mamuhunan sila dito sa aming bayan upang mabigyan ng trabaho ang mga kababayan ko. 6. Sa aking mga kababayan, ako ay nagpapasalamat sa kanilag ibinigay na pagtitiyaga na mapaglingkod at makapagbigay na pagtitiwala na makapaglingkod at makapagbigay serbisyo sa aming bayan sa loob ng 3 taon. Makakaasa po kayo na gagawin ko ang lahat ng pangangailangan ng aking mga kababayan. Sana maging mapagsuri po tayo. Huwag po nating ipagpalit ang lumang ginto sa bagong tanso.