Trabajos 3o B

Ta k’ajk’al martes ya xlok’ik ta snaj te tul tulan ya’tel yu’un ya xbat yu’latayik te yantike, teme ya xk’otik ta snaj te tulan ya’telej te yijname ya spukbey potsbil we’elil ju’em ta juch’ bil ixim sok chenek’, jun k’ajk’al nail ju’em mixa.

Ta pajelaj ya sts’ob sabjik ta waxakeb yorail yu’un ya yalbeyik t’ubil k’op te tojil Entierro, ja’ nix jich ya yuch’ik pox sok ya sjel sbajik ta ajk’ot. Ta slaji’bal te k’in ju jun tul ya xbajtik ta snajik ta skuxel yo’tanik, yu’un ta wen sajb pajel-a ya sok’esik ta paxial te lok’ombaj wakax ta spamal slumalik.

Ta k’axel bajel te k’ajk’al, te tulan ya’telik ya sbon sbajik ta tsa sok ya yich’ik bajel ta skomil swexik te sbilikil k’opojel chan, sok xan ya yich’ik bajel te tsajal lok’omba pak’ sok te najbate’ te najil spasojikixe. Ya yuch’ik ul, ya yu’latayik te snajul xch’unel sok te tojil xap, ya xpaxiajik ta bej, ya x-ak’otajik ta snaj te tulan ya’tel, k’ayojinetik, tey nix me yakal yuch’ belik te poxe sok chicha, ja’ spasojik te yijnam te tulan ya’telikej.

Teme ya xk’ot te sk’ajk’alel domingo, yojlilix-a te k’in, ya xlok’ik te winikwtik te slapoji spak’alel te ja’ in k’inej sok nis ya slapik pixolal sok smakil sitik, ay nnis t’ubil te bin ya slapikej sok smakil sjolik. Ja’ in winiketike ya xolk’ik ta bej sok nix te lok’omba wakax yu’un ya yak’ik ta ilel.

Alal kerem-ach’ixetik, yijil winik-ants sok jtatiketik ya smulanik te bin ta paselej, ya yilik spisil te yanax yilel sk’uspak’ikej, te ajk’ot, k’ayoj, k’ojpojel muk’ul tatil sok te tu’bil k’op.

Te slaji’bal k’in ja’ ya xk’0t ta viernas, ya xlok’ te lok’ombaj wakax ich’ bil yu’un te tulal ya’tel, pots bil ta sk’u-spak’ te taj pam lume, yu’un jich la ya xu’ yajnimalika k’alal ya sjochik te alal wakax nitbil ta caxlan ch’ox.

Te lok’ombaj wakax yalaj snak’ sbaj ta snajik te winiketik, ja’ ito ja la ya xlejot yu’un te mach’atik tulan ya’telej jich ya xok beyik ta xulub, spisil ora ya x.an. spisil ya yujch’ik pox sok ta ti’biltay ya sjinik te pasbil wakax, ta spatilal ya smilik chaneb kuxul wakax yu’un ya spuk sbajik te ta st’ibalelej, k’alal nok’ol spukbelikaj ya x-ok’ik ya’yel, melel sna’ik te ja’ slajibalix te k’inej.