Direutores de la coleición: Ángela Sánchez Vallina Ester Sánchez
Cola ayuda de la Conseyería d'Educación y Cultura del Principáu d’Asturies Primer edición: setiembre de 2015
© de los testos:
Vicente García Oliva
© de les ilustraciones: Tina García
© d’esta edición:
Pintar-Pintar Editorial Proyeutu: Pintar-Pintar Editorial www.pintar-pintar.com Testos: Vicente García Oliva Ilustraciones: Tina García Diseñu: Ester Sánchez Imprime: G.Rigel, S.A. - Asturies D.L.: ISBN: 978-84-92964-62-8 IMPRESO NA UE
Nun se permite la reproducción total nin parcial d’esti llibru, nin el so tratamientu informáticu, nin la tresmisión en nenguna forma nin por nengún mediu, ensin el permisu de los titulares. Consulte con CEDRO (Centro Español de Derechos Reprográficos) si necesita fotocopiar o escanear dalgún fragmentu d’esti llibru (www.conlicencia. com; 91 702 19 70 / 93 272 04 47).
El marineru que perdio’l Norte Vicente García Oliva Tina García
Pa esa ayalguina que yá ta asomando la cabeza con curiosidá a un nuevu mundu. Vicente García Oliva Pa les mios güeles, Esperanza y Venturina. Tina García
Bastián yera marineru. Anque entovía mozu, llevaba munchos años nel oficiu, desque morrieron sos pás, va yá pa diez años. A Bastián nun-y prestaba muncho la vida que facía. Toles mañanes, al riscar l’alba, tenía d’embarcar na so llanchina y buscase’l sustentu. Llevaba con él a Pataricu, un perrín prietu con una manchina blanca na cara. Paecía como si tuviere sólo un gran güeyu pa miralo too, y por eso lu llamaba asina, porque so pa-y cuntó un día que los pataricos yeren unos xigantonos que teníen namás un gran güeyu na cara y, amás, mui mal xeniu. El so Pataricu nun tien mal xeniu, al revés, siempre ta de bon xeitu.
Cuando Bastián se monta nel bote y carga colos aperios de pescar: cañes, tarrafes, xaules y redes, Pataricu salta alredor d’él como si tuviere faciendo una danza ritual, un baille d’aniversariu. Y anque tolos díes el pescador repite les mesmes maniobres, paez como si pa Pataricu too fuere nuevo, como si ca día fuere una folixa. Bastián termina de cargar y míralu con xestu d’enfadu. A eses hores nun tien gana de bromes. Y más tarde, tampoco. Bastián nunca tien gana de bromes, ye un rapaz seriu, anque lo que diz Domingón, el de la tabierna del puertu, ye que ta amargáu. Naide sabe por qué, pero debe ser verdá porque nunca se lu ve sonrir. Cuando vivíen sos pás nun yera asina, paecía un rapaz normal, diba a escuela, salía colos amigos, estudiaba y axudaba en casa faciendo los recaos. Pero llueu… llueu cambió-y el calter. Bastián lleva unos díes preocupáu. Nun sabe’l porqué, pero nos últimos tiempos tán pasando-y una serie d’accidentes que lu esmuelen. Son pequeñes coses, pero que, enrestraes una detrás d’otra, paecen como la venganza de dalgún dios d’esos de la mar, de los que-y falaba so padre: –Les serenes, los espumeros, l’home marín o la Maruxona. Esa vieya bruxa que, si te cruces con ella, pue echate a perder el trabayu. Un día rompía una caña, otru la rede tenía un furacu, el de más allá perdía la plomada y l’otru de más allá estropiábase-y el timón. Coses ensin muncha importancia pero que, toes xuníes, llograben poner a Bastián de peor humor que davezu y, sobre too, que podíen producir un accidente dafechamente importante. Por fin, comentó-ylo a Martina.
VICENTE GARCÍA OLIVA Pídenme les editores d’esti llibru una pequeña biografía pa que figure xunto a la semeya d’esi señor con barba que dicen que soi yo. La verdá, dame bastante galbana. Porque, nel fondu, ¿a quién-y interesa si fui o vine, si estudié o publiqué, si vivo en Xixón o nel País de Nunca Enxamás? Lo que puedo dicir de min ye que me gusten les histories. Que me presta lleeles y tamién escribiles. Y que si fuere muyer, cosa que dalguna vez me dio envidia, quixere ser Scherezade pa poder tar cuntando cuentos más de mil y una nueches. Y que cuando escribo trato de meteme na piel de los personaxes y reflexar coses qu’a min tamién m’esmolecen. Así que yá lo sabéis, dende agora soi namás Bastián: el marineru que perdió’l norte.
TINA GARCÍA Tina tien pocu sentíu de la orientación, sicasí viaxa ensin brúxula. Piensa que dacuando les meyores coses atópense cuando te pierdes. Anguaño vive en Reinu Uníu, antes fíxolo n’Ucrania, Bélxica y Francia. Suel pagar recargu pol pesu de les sos maletes; siempres que se tresllada lleva con ella munchos llibros, alcordances y delles tabletes de chicolate asturianu. www.tinagarcia.es