Рок V, Чис. 3 Септембер—Децембер/2006/September-December Vol. 5, No.
КАНАДА— АМЕРИКА
ЗБУЛО ШЕ У ДВОХ ФЕБРУАРСКИХ ДНЬОХ 2006.
Щесце же мой интернет провайдер ма добри филтер хтори тижньово застанови и 150-200 Гавриїл койдзеяки спам емаил поруки. Кед би того нє Колєсар було, мушел бим каждодньово трошиц надосц Канада часу на сцеранє истих. А то даремна робота! Правда, филтер нє идеални и кеди-нєкеди таки “шмеце” емаили найду драгу аж по мой компютер. И – ту почина тота красна приповедка:
Є
дного приємного єшеньского дня медзи емаилами од познатих обачел сом и пар од нєпознатих одсилачох. Кед сом отворел перши, видзел сом же є празни, без тексту значи, алє мал атачовани два фотки. Отворел сом першу и – нєсподзивал сом ше. Видзело ше ми же ту дакус и нєчисти сили умишали пальци – на фотоґрафиї була шумна, шумна слатка “беба у квецу” (опатьце фотоґрафию!). На другей фотки було исте бебче, алє зоз блїжей висликоване. Понеже у новинкох з часу на час пишеме о новонародзених бебох, подумал сом же ми то дахто послал перше тоти фотки, а о пар годзини, озда, сцигнє и текст хтори шицко пояшнї. Прешол дзень Нє сцигло нїч! Прешол и други. Загадка и далєй остала нєодгаднута. Так остац нє могло, ша я би идуцей ноци спац нє могол кед нє дознам же цо то и хто то! Хробачок любопитлївосци би ми розєдал мозоґ од вечара до рана! На щесце, кажди емаил ма и адресу одсилача, та сом поступел по плану “Б”, як ше то гвари, и на одсилача того емаила сом послал даскельо питаня у вязи “беби у квецу” О дзень, сцигнул ми одвит: Модлїм за пребаченє же сом так послала слики без текста, алє такой шицко пояшнїм. Я Весна Фа зоз Норт Батлефорду, супруг ми Йоаким Фа, а на сликох Олеся, мойо друге дзивче. Народзена є другого фебруара 2006. року. Маме и старше дзивче Силвию хтора народзена 19. децембра 2003 року тиж ту у Н. Батлефорду. А я сцигла до Канади 29. октобра 2003. року, значи, Силивя ше народзела о нєполни два мешаци. Паметам, нє було то лєгко. Язик сом нє знала
анї кус. Єй народзенє ше викомпликовало та на швет пришла зоз царским резом а я ту була сама, мац и шицка родзина гет далєко у Руским Керестуре... Олеся ше тиж народзела зоз царским резом алє на тот завод ми ту була мац, Мария Надь, у нащиви. Була сом прещешлїва кед пришла бо зме ше скоро три роки нє видзели, Силвию познала лєм прейґ сликох. Од теди поряднє посилам слики дому, атачирани за емаил поруки. На початку то було вше провадзене и з даяким текстом, з пояшнєнями, а вец помали, кед сом достала роботу, нє було тельо часу та сом лєм слики приквачовала и посилала. Гварим, слики посилам поряднє и у тим одсиланю сом,
Прeдлужeнє на 8 боку
Пише: