В. В. Голубев
В. В. Голубев
Документальной повесть
Ижевск «Удмуртия» 2012
АВТОРЛЭСЬ « б в ол асьмелэн, луло кы лемъёслэн, правомы, уз но луы ноку но правомы вунэтыны со сярысь, мар лэсьтйзы бырем эшъёсмы Вормон понна, Родинамы понна!» Константин Симонов
1944-тй арын 17-тй гудырикошконэ «Красная звезда» газетлэн корреспондентэз телеграфен редакцие ыстйз 3-тй Белорусской фронтысь кема возьмам иворез: «Мариампольлэсь шундыпуксён палан, Шешупа шур дурын, асьмелэн азьлань мыныса ожмаськись войскаосмы, лек пумитъяськись туШмонэз вормыса, потйзы кунгожмы
7
дУРе**- у> Ваньмызлэсь азьло та рубецев же потйзы Б. Городовиков генераллэн командованиез улсын 184-тй стрелковой дивизиысь солдатъёс, кинъёс та интыосын ик 1941-тй арын инвожое нырысетйзэ фашистъёсын оже пыриськизы вал. Та ожъёс сярысь тодаз вайиз Советской Союзысь маршал Н. И. Крылов: «5-тй армия, кудйныз мон командовать кари, секытэсь ожъёсын Восточной Пруссия пала азьлань мынйз. Бырон калэ вуэм тушмон лек пумитъяськиз, оже танковой частьёссэ ыстылйз... Георгий Губкин капитанлэн бата-
Совето Союзлэн Героез в. п. Заи-
3
Тыложлэсь кутсконзэ азьвыл пограничник Василий Зай цев вордскем атай юртаз пумитаз. Ижысь почтамтын экспе дитор луыса ужась арнянуналъёсы анай-атаез доры шутэтскыны бертылйз. Гуртаз солы арнянуналэ но котьку уж сюроз шуыса умой тодйз ке но, чош будэм эшъёсыныз но пумиськылыны дыр шедьтылйз. Но таяз учыре почтамтын уженыз жегатскизгес, соин ик гуртаз жомытан вакытэ вуиз ини. Азбаразы пырыса, корка укноосазы учкиз но валаз: анаез но атаез кблыны выдйллям ни. Жок вылысьтызы лампазы но уг ни жуа. Гуртысьтызы егитъёслэн жытъёсы люкаськылон-шудон интыязы Васялэн мынэмез оз ни поты. Кыштырак гинэ кеносазы пырыса кылиськиз но, ын улысь валес вылэ выдыса, умме усиз. Гужем нуналъёсы со котьку но гуртаз озьы кеносазы колалля. Атассы чукна Васяез сайкатйз. Кузёзылэсь бертэмзэ тодыса сямен, оло нош юри, горд атассы кенослэн осэзлы матэгес кариськыса ик чоръя но чоръя. Вася дыртытэк гинэ кыре потйз, кенос азьысь урдылэм кусоосыз адзыса, соку ик валаз: атаез турнаны мыныны дасяськем; озьы бере атаезлы юрттоно луоз. Корка палазы вамыштйз вал ини но капкаязы йыгаськись луиз: — Вася, Вася!.. Ой, Вася!.. — Мар-о луиз? Мар-о тон сокем вазь сайкад? Мар ке кош кем ыт вот адзид-а?.. Вася куараезъя ик тодмаз Матрёна бускельзэс но, капказэ усьтыса, ульчае потйз. — Вася, Вася... Мар мон тодй... Мае мон кылй,— дыртыса но могаса-могаса вераны турттйз нылаш.— Марым... Тылож, пе, кутскем, Вася. Немецъёсын тылож... Тодмо кошкемыт кылэз кылыса, Вася коня ке минутлы чалмиз. Нылашлэн пумитаз ма вераны ик уг шедьты. Мар карыны но уг вала: корказы-а пыроно, кытчы ке ульчаетйзы-а вамыштоно. Интыяз ик, капка азьын коня ке минут чалмыса сылэмез бере, Вася Матрёнаез китйз кутйз но колхоз конторазы пала
вамыштйзы. Сюрессы вылысен ик соос пумитазы на эшсэс Медведев Митяез. Озьы соос куиньназы вуизы контора азьысь сьод тэркы кадь репродукторен юбозы возы. Отын коня ке мурт вал ини. Кбшкемыт ивор жог волдйське вылэм гуртазы но. Отысь но татысь лыктылйзы пиосмуртъёс, соос пблын ик одйг-ог нылкышноос но адскылйзы. Радио вераськыны кутскиз но калык чалмиз. Ваньзы ик люкаськемъёс валазы кыче кышкыт ивор вуттйз гуртазы радио. Ты лож. Радио пыр Москваысь вераськиз Молотов. Ваньзылэсь ик малпанъёссэс солэн кылъёсыз чушказы: — Германия омырскиз кунмы вылэ. Тылож!.. Вася вбзын сылйсь Матрёна саесэз борды кырмиськыны бдъя вал, нош Вася шуак Митя пала берытскиз: — Кылйд-а? — одйг кыл гинэ вераз со. Эшезлэсь ваземзэ возьматэк ик пельпумъёсыз борды кырмиськиз. — Воштйськиз... Ваньмыз ик воштйськиз. Асьмелэн но улонмы та нуналэ воштйськиз, гажано эше. Та арнянуналэз тодамы возёмы. Улытозямы тодамы возёмы! Дор палаз дыртытэк гинэ вамышъясь Вася шбдтэк шорысь малпаны кутскиз шундыпуксён палась кунгожмы дурысь пограничникъёс сярысь: «Кызьы меда соос отын? Соос пумитазы ук фашистъёслэсь нырысетй шуккетъёссэс. Уз, уз лэзе соос тушмонэз асьме музъеммы вылэ!» Коня ке нунал гинэ ужаны ветлоно луиз на Васялы, военкоматысь солы бтён бумага вуиз. Военкоматэ дыртйз ке но, со нуналэ ик гуртаз Вылй Лудзие бертылйз на. Анаез солы сюрес вылэ пыжиськемъёс но мар дасятозь, атаез кор ка пушкытйзы солань-талань вамышъяз. Дырын-дырын малы ке ульча пала но учкылйз. Вася коркасьтызы потыны бдъяку гинэ Пётр Ефимович пиез шоры вазиськиз на: — Пуксьы возам, пие,— одйг гинэ будэтэм пизэ зыгыртйз со, киыныз чушылйз шбдтэк шорысь потэм синкылиоссэ. Ожыт чалмыт пукемез бере, пыд вылаз султыса, коня ке кыл будэтйз на: — Мын, пие, мын. Кулэ, пие... 7
бвбл. Фашистъёслэн частьёссы Каширалы ньыль иськемын гинэ, Звенигородлэсь куинь иськемын сыло соос, интыяськемын Солнечногорск, Дмитриев дорын...
МЫШКАМЫ МОСКВА Красной площадетй строен ортчыса, стрелковой полк машинаосын та нуналэ ик Звенигородэ вуиз. Москва шур дуртй интыяськем дано эмъяськон санаторийёсын тодмо карлэн но ульчаосаз баррикадаос но танкъёслы пумит могзетъёс лэсьтылэмын вал ини. Кирпич юртъёслэн улй этажъёсысьтызы укноос чоксаллямын, отын сюбегесь гинэ пасьёс амбразураослы кельтылэмын. Ульчаосын калык бжыт, ожгарчиос гинэ отын но татын адскыло, пумиськыло. Син азьын усьыло жыныё куашкатэмъёсыз но сутскемъёсыз юртъеръёс — тушмон авиацилэн бомбаоссылэн пуштылэмъёссылэн бервылъёсыз. Кинотеатр азьысь площадьын юбо бордысь сьбд тэркырепродуктор уг чалмылы. Отысь чем кылйське тревога сярысь ивортйсь куара: «Эшъёс, воздушной тревога! Воздуш ной тревога!» Нош али отысь военной марш чузъяськиз. Изо сюрес вылтй сапегъёсынызы шарккетыса, строен боецъёс ортчизы. Соослэн пельпумъёсазы кузь гумыё пычалъёс. Танкъёслы пумит пычалъёсын ожмаськон взвод кар дорысь позициосазы мынэ. бжыт улыса, площаде киосазы лопаткаосын нылкышноос но егитъёс люкаськизы. Сумкаысьтыз картазэ поттыса, соослы арлыдо пиосмурт ожгарчиинженер валэктйз, кытй окопъёс гудылозы шуыса. Уробо питранъёслэн шальтыртэмъёссы но кылйськизы. Снарядъёсын но патронъёсын тырмытэм ящикъёсын куинь повозкаос передовой пала мынйзы. Пумитазы лыктйсь уробоын сол дат дйсен нылаш-медсестра пуке. Солэн алвылаз егит сол дат тбдьы бинтэн бинялтэм йырзэ понэм. Вбзазы ик эшшо кбняез ке сбсырмемъёс кыллё на. Дыртытэк гинэ мынйсь по возка сьбры но сбсыр луэм боецъёс вамышъяло на. 24
Стрелковой рота но, кытын одйгезлэн взводлэн командирезлэн юрттйсез вал сержант Зайцев, карлэн фронтлы матысь ульчаетйз мынэ ни. — Татысен Москваозь коня иськем меда луоз? — Вася возын ик юась луиз. — Карта вылтй шонерак ке лыдъяно, ньыльдон вить ёрос луоз. Нош сюрес вылтй, оло, шодйды но, дыр, солэсь кыдёкынгес,— валэктйз взводлэн командирез лейтенант Лагу тин.— Кылем гужем мон татчы вуылй, кар вбзысь ик чебер интыын, Москва шур дурын, санаторийын шутэтски. «Ньыльдон вить иськем. Макем пыдло пырыны быгатйзы фашистъёс асьме музъеммы вылэ. Эшшо но чигналомы на меда?» Гуртысьтызы потыкуз, Вася шундыпуксён палась кунгожмылы матысен, Белоруссиын, оже пыриськоно луоз шуыса малпаз. Кема ик дыр уз ортчы, кунгожмы вамен выжем фашистъёсты асьме музъеммы вылысь берен улляломы. Со тодйз, таче ик малпанъёссы вал ёзъёсызлэн но. Нош ал и тани соослы кункармес утёно луиз ини... Вася али но кылэ на кадь радио пыр Сталинлэсь верамзэ: «Тй шоры будэс дунне учке». Макем шонересь кылъёс. Вылй Лудзи гуртысьтыз вань калык но, солэн анай-атаез но оско, дыр, соослы, Москва азьын сылйсь солдатъёс кункармес одно ик утёзы шуыса. Гожтоно со сярысь, туннэ ик гуртаз гожтэт ыстоно. Ивортоно соослы малпанъёссы сярысь. Ротазы передовое потыку, пеймыт луиз ни вал. Лымыен согиськем окопъёсын возиськись солдатъёс ожыт кылиллям ини вылэм. Озьы луиз уй но нунал вис карытэк ожмаськеменызы. Соос шумпотыса пумитазы воштыны вуэм солдатъёсты. Лейтенант Лагутин юрттйсеныз Зайцев сержантэн но отделениослэн командиръёсынызы взводзылы люкем позициостйзы ортчизы. — Тодйськоды, асьмелы татын возиськыны косэмын. Соин ик туннэ асьмелы та позицимес юнматыны кутсконо,— шуиз лейтенант сержантъёслы. 25
ЗЕЧБУР, Л ИТВА! Белоруссиын пбсь нуналъёс вал. 23-тй инвожое чукна 5-тй армиысь оборонаын возиськись частьёслэн окопъёссы вадьсын инмын жутскизы горд ракетаос. Музъем зурказ артиллерийской батареяослэн гудыртэмзылэсь. Тушмонлэн позициосыз шобырскизы пуштылэмъёслэн чынэнызы. Артиллерилэн кужмо ыбылэменыз, инмын самолётъёслэн моторъёссылэн гуретэменызы, бомбаослэн пуштылэменызы кутскизы «Багратион» нимам ожмаськонъёс. 5-тй армиысь стрелковой соединенное артиллеримылэн ыбылэменыз чош танкъёсмылэн но авиацимылэн юрттэменыз кужмо жугизы тушмонэз. Нырысетй нуналаз ик тушмонлэсь позицизэ тйязы но жыт пал потйзы Лучеса шур дуре. Витебск дорын немец частьёс котыртэме басьтэмын. Тушмонлэн группировкаез кыклы люкемын вал. Фашистъёс сокем кужмо шуккетэз бз возьмалэ. Пленэ басьтэм немецъёслэн дивизизылэн командирез вераз: «Полкъёсмы енн азьын ик кулэсмылйзы. Солдатъёс пычалъёссэс куштылйзы, кельтылйзы машинаоссэс, боеприпасъёссэс. Визьтэммемъёс сямен пегзизы...» Витебск мозмытэмын вал 26-тй инвожое, куать часын чукна город вадьсын горд знамя тблаз. Басьтэмын вал трос пленнойёс но тушмонлэн уно ожгар техникаеЗ! Озьы ке но котыртэме тупам тушмон, ожмаськонъёссэ бз кулэсмыты. Немецъёслэн командованизылэн котыртэмысь потонлы осконэз бз быры. Гнтлеровецъёс 26-тй инвожое но трос пол контратакае выжылйзы. Городовиков генераллэн дивизиысьтыз частьёс 5-тй армилэн командующийезлэн приказэзъя Ляпино но Песочная гуртъёс вискысь нюлэсэз тушмонлэсь сузяны но сюресъёсты чоксаны косэмын вал. ***
Губкин капитанлэн батальонысьтыз ротаос нюлэс дурысен ик оже пыриськоно луизы. Нош мургес пыремзыя азьлань мыныны шуггес луиз но комбат ньылетй рота азе пук120
тэм ужпумез воштоно луиз. Зайцевлэн ротаезлы комбат косйз нюлэскысь потйсь пичи сюрес возы интыяськыны. Старшой лейтенант взводъёслы татын окоп гудыны косйз. Вазь чукна. Роталэн командирез сюрес возысь окопын чакласькон интыяз сылэ вал. Сюрес вылын коня ке немец солдатьёс адскйзы. Зайцевлэн куинь ар чоже тачезэ адземез ой вал на. Немецъёслэн миномётъёссы но, пулемётъёссы но уг ыбыло, танкъёссы но азязы овол, ас кожаз ветлйсь орудиоссы но. Киосазы пычал тйрлыкъёсынызы солдатъёс люкен-люкен кариськыса вамышъяло. Нюлэс дурын соосыз пумитасьёс луозы шуыса, офицеръёс уг малпало вылэм, лэся. Озьы ке но шбдйськиз, соос туж дырто нюлэс кысь потыны. Зайцев тае адзыса нырысь-валысь ёрмиз. Мар кароно? Комбатэзлы-а чаляк ивортоно? Но телефонэн связистсы со доры 0з вуы на. Оло нош туннэ уз но вуы. — Ваньмызлы ыбылоно! Ваньмызлы! Ваньмызлы! — ко манда сётйз ротаезлы. Азьпалазы мынйсь фашистъёс усьылйзы. Нош борысьёсыз лыкто но лыкто на. Связист вуиз но, Зайцев те лефон пыр комбатэныз герзаськыны быгатйз. Комбатлэн косэмезъя, пулемётной ротаысь но расчётъёс татчы вуизы. Коня ке минут ортчыса, сюрес вылын немец солдатъёс оз ни адскылэ. Нош нуназе бере немец солдатъёс одйген-одйген киоссэс жутылыса потылыны кутскизы. — A-а, умой-умой сазьдйськиллям, лэся, ук! Кемалась озьы лэсьтоно вал ини соослы,— лек куараеныз кеськиз Зайцев возын сылйсь Ковальчук. Чуказеяз полклэн командирез котыртэме сюрем немецъёс пала сётскыны косыса, куиненыз боецъёсыныз разведчикъёслэсь командирзэ ыстйз. Соослэн немецъёс пала ветлэмзы буш оз луы. Борсязы ик немецъёс киоссэс жутылыса, люкенлюкен потылыны кутскизы. Пычал тйрлыксэс соос сюрес шорын ик сылйсь таза мугоро солдатмы азе куштылйзы. Нош автоматчикмы, йырзэ вылэ жутыса, йон-йон сылэ. 121
ведчикъёслэн взводзылэн командирез, Можга ёросысь Ольховка гуртысь; старшой сержант Пагин Николай Сергеевич, стрелковой батальонысь санинструктор, Яр ёросысь Малое Бачумово гуртысь. Восточной Пруссиын азьлань мыныса ожмаськонлэн куинетй нуналаз Б. Городовиковлэн дивизиез армилэн кивалтйсеныз кыкетй эшелонэ поттэмын вал. 184-тй стрелковой Духовщинской Горд Знамя ордено дивнзилэн полкъёсыз карлэн площадяз строе султытэмын вал. Полкъёс азьын тблазы боевой знамяоссы. Оркестр марш шудйз. Стрелковой батальонъёс но, мукетъёсыз но подраз деленное парад строен ортчизы. Та вал асьме войскаосмылэн фашистской Германиын нырысетй парадзы. Но та парадын бз кылды луыны 297-тй стрелковой полкысь кыкетй батальонысь стрелковой роталэн командирезлы В. П. Зайцев старшой лейтенантлы но куинетй батальонлэн командирезлы И. Г. Поздеев капитанлы.
БЕРКЫЛ ИНТЫЕ Вылй Лудзи гуртэ вуылыны монэ жутйз Совето Союзлэн Героезлэн Василий Петрович Зайцевлэн анай-атаеныз но чыжы-выжыосыныз пумиськон но адзиськон мылкыды. Гуртэ вуыса, Героймылэсь будэм корказэ шедьтыны бй шугомы. Ульчаысен пумитам сюрем нырысетйез егит пияш ик возьматйз. Гурт котыразы тыршись мбйы муръёсыз возьмамтэ шорысь ужъёссылэсь куспетй карыны умой бвбл, дыр, шуыса, пырисько вал капкаетйзы. Озьы ик вылэм: арлыдо муртьёс, Героймылэн атаез Пётр Ефимович но анаез Ульяна Сергеев на, бакчаязы вал. Лыктэмелэсь мугзэ тодэмзы бере, кыкназы ик пыризы но монэ кунояны кутскизы. Ульяна Сергеев на самоварез котырын выре, нош Пётр Ефимович шкафысьтыз поттйз пиезлы Герой ним сётон сярысь грамотазэ но гожтэтъёссэ. 187
Совето Союзлэн Вылй Кенешезлэн Президиумезлэн Председателезлэн H. М. Шверниклэн 1948-тй арын 4-тй шуркынмонэ ыстэм гожтэтэз таче кылъёсын йылпумъяськиз: «Василий Петровичлэн подвигез асьме калыкен вунэтэмын уз луы». 184-тй Духовщинской стрелковой дивизилэн командирезлэн Б. Городовиков генераллэн но гожтэтэз Героймылэн гуртаз вуиз: «Ми данъяськиськомы Тйляд пиеныды, милесьтым соединенимес данэ поттэм муртэн». — Тани таиз пимылэн берпуметйез гожтэтэз вал,— мур шокчыса вераз Пётр Ефимович но синъёссэ чушылыны одъяз. Собере дырекъясь киысьтыз гожтэтсэ мыным сётйз. Мон азьло ик тодйсько вал кадь, кыче дуно кылъёс гожтэмын вал та мусо мойы муртъёслы одйг гинэ будэтэм пизылэн гожтэтаз. Та коркан будэм но татысь ик тылжу пушкы кошкем пизы сюлмысьтыз потйсь кылъёссэ вераны тыршем пичи гинэ бумага кесэг вылын: «Мусо анае но атае! Фронтысь бадзым салам вераса, гожтэ тйляд пиды — Васяды. Шумпотэмме тйледлы но вераме потэ. Милесьтым берло нуналъёсы ожмаськеммес командованимы ушъяз. Кунгожмы вылэ котькинлэсь азьло потэммы понна Совето Союзлэн Героез ним сётыны чектйзы. Мынам та шумпотонэ тйляд но шумпотонды мед луоз. Жоген ми выльысь пось оже пыриськомы. Мынам ротаелы туж секыт ужпумез быдэстыны косйзы — ваньмызлэсь азьло фашистъёслэн музъемзы вылэ пыроно. Оске, анаеатае. Мон понна возьытэ усёно уд луэ. Ми нош ик ваньмыз лэсь азьпалан мыномы. Командованимылэсь та бадзым заданизэ одно ик быдэстыны тыршомы. Зеч луэ! Вите гожтэтъёсме. Ожыт гинэ вис ке кари, эн сюлмаське. Та нуналъёсы тйледлы чем гожъяны уг быгаты, дыр...» Та гожтэтлэн пумаз пуктэм нуналэз но вал: «1944-тй ар 14-тй коньывуон». Пизылы Герой ним сётйзы шуыса, анай-атаез тодйзы Вылй Кенешлэн Президиумезлэсь грамотазэ басьтыса. Нош 188