historia
Dr. Armando Lampe
Na ocasion di 60 aña di Statuut Dia 15 di december 2014 ta recorda cu 60 aña pasa a inicia e proceso di decolonisacion den Caribe hulandes ora a firma na Den Haag e Statuut cu a duna Antias Hulandes e autonomia pa maneha su propio asuntonan interno. Na 1986 Aruba a bira un pais autonomo den Reino y na 10-10-10 Corsou y St. Maarten a tambe a bira paisnan autonomo den Reino.
Na ocasion di 40 aña di proclamacion di Statuut di Reino Hulandes mi a edita e buki “The Future Status of Aruba and the Netherlands Antilles”. Mi a scirbi na pagina 80 den e obra menciona: “...it is unacceptable that Holland is violating the principle of autonomy, a historical victory of these islands since 1954.” Awor
na ocasion di 60 aña di Statuut mi ta defende net lo contrario y mi ta pidi intervencion di Hulanda den asuntonan interno di Aruba. Dicon un cambio asina drastico den mi pensamento? Experiencia den politica na Aruba a pone mi cambia mi perspectica. Prome mi tabata un academico cu tabata scirbi for di Universidad. No lubida cu mi tabata ‘initiatiefnemer’ di e Comision di Berdad na 2002 y su rapport tocante corrupcion bao di Gabinete Eman III (coalicion AVP-OLA) ta jama “Een kwestie van mentaliteit.” Mi a kere e tempo ey ainda cu nos mes por pone ordo den nos asuntonan interno. Pero mi a ekiboka. Parlamento, cu un mandato absoluto di partido MEP bao Gabinete Ocuber
Armando Lampe, Ph.D.
III, no a trata mes e recomendacionnan di e rapport di Comision di Berdad. Bao di gobiernonan di coalicion cos a bai robez y pueblo a disidi na 2001 di duna un partido so e mandato, y atrobe cos a bai robez. E rapport di e corrupcion bao di Gabinete Oduber (partido MEP), e asina jama WODC rapport di e Wetenschappelijk Onderzoek en Documentatie Centrum di Den Haag a scirbi na 2009 e mesun fayonan cu nos a constata den e rapport di Comision di Berdad di 2002. Ke men MEP den ocho aña no a siña absolutamente nada di nos rapport y nos a keda un pais sin control. No a bin ley di financiamento y control di partidonan politico etc. etc. A crea un cultura di ‘lack of accountability’ y pesei hasta e votador no ta un mecanismo di control social, pasobra e ta wordo manipula dor di medionan. E mesun votador a bolbe pone na 2009 e mesun hendenan contra cua nos a scirbi e rapport di Comision di Berdad y ami a cu a denuncia e ladron a wordo castiga pa e pueblo votador, mi a bai atras na 2009 cu mil voto. Bo no por spera otro resultado si bo pone e mesun hendenan, pueblo a duna AVP e mandato absoluto na