Selected Khutba Yakan

Dem likusan islam, paghati-hinati hin (Shoorah) manunjuki si pamatarrang duk panga luka akkal pikilan, ye patekka ye patekka si waktu paniya pag addat-inaddatin duk pag pangandelin, pagtuku-tinuku hin duk si kaluhaya pamaguwa si ine-ine pikilan, kasaddiya panaymah pikilan amban meh biddah-biddah panghati duk meh seddi pe kahalan koweh ne meh damikkiyan ley.

Ye pangadji/panghati inin, bakas tahinang weh Nabi Muhammad si waktu kaellum ne ley si waktu sipuk ke atawa si katampalan duk bakas du isab tahinang ne si waktu panagna-an neley dduk si meh waktu Khali’fah sin Islamin.

Ye inin labeyan pag peneh nakura-in si Islam; damikkiyan, aturan pameneh nakura-in, subey mag atap duk labeyan kapa meneh meh Khulafa’ in, si waktu puwas Nabi te Muhammad . Si meh pangadji/panghati meh a-a baha-u , hinati weh de meh kakahinang ley, koweh du si meh bakas tahinang wejh meh Khalifa hin atawa nakura mapa sunu magnakurah si Naabi Muhammad min, magtawwah duk meh kahalan pag palonsat si pameneh nakurah si waktu kweitu, koweh ne pameneh sunaw atawa pag boto si election. Koweh ne kapa nukbal si Abubakr, Omar sabab kabaya-an weh meh manusiya kaekkahan atawa koweh kappa meneh pusi Usman duk si Ali sabab isun duk mawpakkat.

Sabennal teed, ye meh a-a tasabbut ley, tiyap-tiyap dambuwa amban siye tahinang sintuan nakurah si waktu ley, duk si lahat hap pamarinta nen si waktu kuweitu masi pe inantanan meh labeyan ley si pag parinta duk pag nakurah muslim. Labinen teed, si pag peneh nakurah sis a langkew-langkew si ARMM tahinang pag pene-in mag lamud si kabaya-an mahadjana duk pag peneh ye kaekkahan hadja amban meh siye nakuarh si tumpukan (party). Bu sakulang kulang subey hep koweh labeyan kapa meneh disi Abubakr, Usman, duk si Ali in ye tahinang siye nakurah si pamarinta muslim.

Ye meh pang abey nakurah si regionin, kappa ngeddoh siye hin, tinukbal hadja weh regional gobernolin si pa kaniya-kaniya paningkoan de. Ye speaker si regional legislative assembly (RLA), hin koweh du isab speaker si house of representative (Congress) duk presidente meh senators, kabotohan siye weh kaekkahan amban meh saweh de.

Si atag hal inin meh kapongtina-ehan lellah dduk dende; tarrang teed kakahinang pag parinta islamin, hunit iye kaliyuhan si meh kakahinang pag pulitik kweitu.. Nabi Muhammad magsabra; “ kapatutan teed si kaam subey nuhut si labeyan duk kakahinang/ bakkas kun duk meh iye bakkas Khula’fa’ur rashideen nin.”

Adapun bang ne nakura-in tapeneh si labeyan bakas tapatampal weh islam, mahadjana-in subey nuhut si iye (nakurah ley) si kaluhaya han atawa dem kasigpitan latun tudju hinapusan kaubus waktu nakura-in. Duk bang du isab tampal/tarrang weh duman du isab kakahinang nakura-in banggah atawa saggah si bakas tepeturun Allah dem qur’an duk hadith tin.

Si seddi ma-ana, tebissara weh Nabi Muhammad “ Kapatutaan si meh muslim subey mapaakale hin duk nuhut mabaya atawa ga-I, samantarah du isab ye pituwahin duma saggah si sarah. Sumaguwa, bang panganda-akanin saggah si sarah, na gey teed su-at subey pinakale labi bang nuhut ne.

Damikkiyan, islamin gey naymah si ine-ine ginisan pamarinta pessokoh, koweh ne ngalingkomon kawase atawa pamarinta nilang hadja si meh ra-ayat, tumpukan atawa kawman.

Adapun, gey du isab naymah pamarinta ye mag anak apuh peggeh islamin, egey meneh tartantu tumpukan ye ngalingkumun atawa ngeng gepes katau atawa pangadji..

Sa hap-hap a-a ye subey tahinang nakurah, eye koweh ne meh tasabbut dem qur’an ley, maana nen ye subey taga panghati duk pangadji sartah tapangandel. Hangkan hep, kite meh 60 | Khutba Tapeneh: Toh Pamasambu si Pagsawmadja Para si Kawman Muslim Dem Pilipinas