kaniya-an tiyap-tiyap amban kaam sampurnah pamaratsaya nen sahingge gey Ku ne labi amban matatto-a ne, panubuh ne duk kemun ne manusiya.” (Bukhari)
kasahan
Dambuwa waktu si Umar (RA) missa: “sabennal teed Kau, Oh Muhammad kalasahan ku labi amban ine-ine mala-ingkan baran ku. Sambung Raasulullah : Gey, “Sapahan Ku si Allahu Taala ye tagkaputan sin ke-ellum kun, gey kaniya-an tiyap-tiyap amban kaam sampurnah pamaratsaya nen sahingge gey Ku kasahan ne labi amban ginhawa baran ne” magtawus si Umar (RA) nambungan Iye: “kuwe-itu palabi kune lasa ku si Kau hin amban ginhawa baran ku.” Rasulullah magsabda: “kuwe-itu Umar, tasampurnah nune pag-iman nun.” Ka-Ikhlas duk lindu-randam pamaratsaya patanda si lasa tudju Allahu Taala duk si Rasul Ne . Amban si Anas (RA), Rasulullah magsabda: “niyah patanda si meh siye ye tadawhat weh de in kamamisan pag-iman: apabila kalasahan ne Allahu Taala duk Rasulullah labi amban kemon ine-ine; apabila malasa iye si manusiya (muslim) karnah Allahu Taala; duk apabila kaastel ne magkufur (magmasi-at) kuweh ka-astel (katalew) ne ilayapan magdam-ebbut narkah Jahannam.” (Al-bukhari) Bennal nen, kalagihan si tiyap-tiyap Muslim ye bennal pag-iman nen malasa si Allahu Taala duk si meh kinalasahan Nen, kuweh ne meh Kamala-ikatan, Kanabihan, Karasulan, Muhmin kapangandelan, Ka-sahiran duk lingkumun nen si kemun Bar-Iman. Katambahan nen, ye meh siye tananam de ye kamamisan pag-Imanin apabila malasa siye si manusiya sabab karnah Allahu Taala. Amban sabab inin, ye tapangaka weh Rasulullah amban meh tanda kamamisan pag-Imanin yene lasa nu si dambuwa manusiya karnah hadja Allahu Taala. Damikkiyan ye malasa karnah Allah, ngama/astel karnah Allah, ngurung karnah Allah, magsabar karnah Allah, sabennal teed jukup duk sampurnah ne pag-Iman nen. O Allah! Tabangun kami magpa-ampun duk magpamalillah si Kau. Tayma-un duwa-a kamihin. O Allah! Palessahun si kami ye kahaggutan ka-ampunan Nun duk kamamisan ma-ap Nun. Lappasun pangateyan kami hin amban parsugpatan seddi amban Kau. Lamurun kami si meh siye kinalasahan weh Nu duk malasa si Kau. Pa-elligun kami amban kemun kasigpitan, kahiluhala-an duk makabo-o bo-o si ke-ellum kami tu-u si Dunya duk si Akhirat. Paniya-un kami amban meh bar-ibadat duk palamurun kami si meh siye dam kabentelan. O Allah! Ka-ase-anun kemun Muslimin. O Allah! Tayma-un duwa-a kamihin.
Barak Allahu li wa lakum fil qur’anil hakim; wa nafah ni wa iyyakum bima fihi min ayati wa zikril hakim; akulu kawli haza wa astagfirullahi li walakum wa lisa-iril muslimin; min kulli janbin fastagfiruhu innahu huwa’tawwa burrahim. Mura-murahan pinagbarkar weh Allahu Taala toh si kitebi in maha mulliya Qur’an supaya maka urung paruntungan si kitebi ye meh Ayat duk Pag-isseban (Zikr). Bissara ku inin duk pa-aku ku si Allah ye sa Langkew-langkew duk tamanan patut Minulliya, ye ngampunan si meh duse tebi, maku kitebi si Allah ka-ampunan, Iye sangat mangangampun duk sangat ma-aseh.
Khutba Tapeneh: Toh Pamasambu si Pagsawmadja Para si Kawman Muslim Dem Pilipinas | 217