Ye bahasa Arab “Islam”(ka-asal asal nen amban bahasa Salam, hatinen Sanyang) kamaksuran nen “pagpamariyawa atawa pagmalillah.” Bang ye tasulat si Agama, Islamin hatimen “pagparambus-bus duk jukup pagmalillah si kemon panganda-akan Allahu Taala.” Allah ye tanyag bahasa Arab duk ye sampurnah Alen Magpapanjari ye ne Mahasutsi Allah. Islamin Agama baha-u, kaniya-an nen salih du Kasabennalan ye tapabo-o weh Allahu Taala si meh kemon Kanabihan. Allahu Taala ngakahan kite (Farman):
“Pasampa-un (O meh Muslim), magparatsaya kami si Allahu Taala duk si ine-ine bakas pinaturun weh Ne, duk ye tapaturun du isab weh Ne pusi Ibrahim, Ismail, Ishaq, Ya’cob duk si (simpukduwe) bangsa, duk damikkiyan tapabo-o pusi Musa duk Isa, duk damikkiyan tapaturun si kemon Kanabihan amban Tuhan de; gah pinagbiddah weh kami si antarah de (meh Kanabihan) duk si Allahu Taala kami magmalillah (Muslim kaniya-an kamihin).” (Qur’an 2:136) Mala-ingkan hunit inin hinati wemeh magdambuwa kawman Muslim duk Kristian si ka-ekkahan lahat sakup dam Autonomous Region in Muslim Mindanao (ARMM). Dumain tantu meloh mangai pagsulutan den amban meh biddah-biddat pangahagad (agama) sabab salih du punaan pamaratsaya (agama) ren mala-ingkan ka-ekkahan nen gey siye maghati-hinati. Ye meh Kasahabatan Rasulullah tabira weh de bayah King Negus si Abyssinia hin si labeyan panagna-an Ayat (Iqra, ye hatinin Massa, Pinatampal o Pangaka) duk Suratul Mariam (Gikapan Purna Mariam) nuwi-nuwi kahalan kapanganak Nabi Isa si waktu siye magsawsambag bissara duk Kristian Sultanin. Abu Jah’l ye tapabo-o weh Abu Sufiyan nurul ngeddoh meh Muslimin pasambung ngurung daawa (lai si astana Sultanin) maka-atan antarah de sumaguwa gah iye (abu jahal) dinuhulan si maksud ne miyan. Abu Jah’l ye hatinen “Pal-pal” ye tartantu gey ngilale kapatut meh kadende han. Meh Sahaba Rarulullah ma-esseban iye weh iye niyah du isab meh ka-anakan ne dende, komeh sinduwe hin. Meh pongtinai ku lella duk dende, Islamin ye ne agama sa lasig-lasig paluha nen. Tasuwi-suwi weh Researchs’ Digest Almanac and Year Book si 1983 ye ne bakas ilista weh de si labeyan panilew si entero dunya bang Agama sine mabasag saplalag nen amban 1934 tudju 1983 atawa limempu tahun (ineddoh: World Almanac and Book of Facts). Ye pamastih (research) dam limempuh tahun miya-an makapaguwa siye tampalan penagsunuh-sunuh weh “Islamin ye ne tamanan lasig paluha nen dem dunya.” Pinag tampu ne kemon bahagi-an agama kristianin dam dunya dahatus tillumpuk-waluh du “lipatan parahikan nen” (138% increased), sah ye “maka-inu inu lipatan dahikan nen” ye itungan pa-asek si Islam duwe-hatus tellumpuh duk lime lipatan (235% increased) damsalih du taha-an waktu nen. Ye ekka duk paluha mag-agama Islam tapahati yene lahat Amerika (US) duk Grear Britain. Gey inin maka inu-inu simeh siye makahati. Sabab andang tasabbut weh Allahu Taala dam Qur’an, ye sambung pusi Nabi Ya’cob si waktu tinilew weh ne meh anak nen:
208 | Khutba Tapeneh: Toh Pamasambu si Pagsawmadja Para si Kawman Muslim Dem Pilipinas