:ﻗﺎل ﺗﻌﺎﻟﻰ "ﻳﺄﻳﻬﺎ اﻟﻨﺎس اﺗﻘﻮا رﺑﻜﻢ اﻟﺬي ﺧﻠﻘﻜﻢ ﻣﻦ ﻧﻔﺲ واﺣﺪة وﺧﻠﻖ ﻣﻨﻬﺎ زوﺟﻬﺎ وﺑﺚ ﻣﻨﻬﻤﺎ رﺟﺎﻻ آﺜﻴﺮا (١:وﻧﺴﺎء واﺗﻘﻮا اﷲ اﻟﺬي ﺗﺴﺎءﻟﻮن ﺑﻪ واﻷرﺣﺎم إن اﷲ آﺎن ﻋﻠﻴﻜﻢ رﻗﻴﺒﺎ")اﻟﻨﺴﺎء Magfarman Allahu Taala: “O kaam meh manusiyah! Tinalew kaam si Tuhan bi Ye marihala si kaam Ye bakas mapanjari kaam amban dambuwa (Apuh te Adam) manusiya, tapapanjari amban iye, yene anda ne (Apuh Hawa) duk amban siye (duwangan) tapapanjari yene meh kalellahan duk kaden-dehan, duk tinalew kaam si Allah, amban iye kaam maaku meh pulih bi duk meh kapatut bi, sabab sabennal te-ed Allahu Taala tattap nganjagahan kaam.” (Qur’an 4:1) Oh meh Muslim! Tinalew kaam si Allahu Taala, Ye salangke-langkew, duk tuhutun bi Iye supaya kaam maka dawhat kalappasan duk sampurna parasahan si dunya duk si ellew-akhirat. Hatihun bi, Allahu Taala sangat malasa, weh sa hadje-hadje kalalagihan duk panganda-akan si mangaku Islam ye ne niha ilmuh pangahati ne Tuhan (Allah) ne, Agama ne duk Nabi ne Muhammad . Magpaparatsaya si Allah, ekka manamal ngaka duk magpatarrang meh ka-ulamaan Muslim si pasalan Pangahallih duk Pangellig si Ka-ellum Manusiya duk Hima Qisas. Para si tapik inin, Islamin ngaka magpamahaliyak kaharga-an ye mulliya nu pungtinai nun: Allahu Taala magfarman:
“Inin ye meh sababan, tara-ak weh kami ye kawm Bani Israílin na sine-sine makamatey dambuwa a-a, seddi hadja amban pangalimuwas (jinari weh sarah) atawa ye a-a maka-urung pitna dampaglahat, - kaniya-an nen kuweh du tapapatey ne atawa kala-ugan ne kemon dam kawmanin, duk sine-sine makapalappas dambuwa amban kamatey (kasiyasiyahan) kuweh dui ye maka palappas ne katalingkal kawmanin amban kamatey. Bisan pe kaniya-an denpinaboohan weh Kami Nabi ye ngakahan siye si kasabennalan, nah, puwas amban ili-en, masi ru kaniya-an amban siye magdahulaka diyata bulak.” (Qur’an 5:32) Ye ayat miyan, ngaka weh manusiya-in kawajiban ngahalli-an duk ngelligan si Ka-ellum Manusiya duk subey siye magtabang-tinabang marihala si antarah de. Allahu Taala hinaram weh ne mamapatey duk magdahulakah diyata bulakin. Islamin asal mages ngalng manusiya amban maghinang makala-at si pagkahi ne, kuweh monoh, ngandahulaka, magkidnap duk nganyaya; ngahinang makasasew duk nghinang sababan kahilu-halaan si manusiyah dam kawman. Sine-sine amban siye makahinang labeyan si kasayambuhan duk janan kamurahan lappas manusiya-in mag-usah dam kawman, kuweh du saka-ula-ula maka-urung iye kalappasan si kemon manusiyah dampaglahat. Kahatihan ne inin yene ka-adilan, salih-salih, magdarambuwah; kuweh meh ye a-a dayahan saddiya nuku si meh kamiskinan dam paglahat. Ekka kabtangan ngakadam Qur’an pasalan ye meh siye magdahulaka, mo-o kajabuhan, magtangkew duk meh seddi pe…. Si hal inin Allahu Taala matanyag kala-atan tungbas Ne si sine –sine magkahinangan. 148 | Khutba Tapeneh: Toh Pamasambu si Pagsawmadja Para si Kawman Muslim Dem Pilipinas