Tapabantuk te hadja inin apabila kaniya-an ten kemon pakitete ye ka-geget pagmasuse ten si pungtinai te muslimin. Ye miya-an labeyan makapaniyah kite Ummah Wahida, basag duk hap lakitan nen. Sumagawa mala-ingkan, bang masi-masi ru kaniya-an tenbi ye pikilan nen weh labi iye hap, ta-u amban sinduwe hin duk masi diyawa pamayam ne seddi a-a hin, bangsa hin, kawmanin. Kuweh du saka-ula-ula mo-o kite pabalik tudju kajahila (watu lindem) amban inin gey tananamte weh patala ne kite amban lan Agama Islam duk sulang ne kite si meh ye Ayat Pinaturun dam Qur’an duk si bakas pinaglugtu-an (sunnah/tarika) weh Nabi te Muhammad . Kahinapusan, maku kitebi si Allahu Taala supaya ampun Ne ye meh duse tenbi duk supaya kitebi urungan Ne Hidayah Toh si lan bentel supaya tadawhat tebi sampurna paruntunganin amban ellew dunya labi bang si ellew akhirat. Maku kitebi Hidayat si Allahu Taala si labeyan sampurna pagparambus-bus duk panuhut si Rasulullah . Kinahandak weh Allahu Taala, bang inin hinang te, tadawhat te kemun pana aku ten, kahapan si dunya duk si ellew akhirat. Oh Allah! Tabangun kami magpama-ap duk magpamalillah si Ka-u. tayma-un duwa-a kamihin. Oh Allah! Palissahun si kami kahaggutan kama-apan Nun duk kamamisan ka-ampunan Nun. Lappasun pangateyan kamihin niyah parsugpatan ne seddi amban Ka-u. palamurun kami si meh siye kalasahan Nu duk malasa si Ka-u. pa-elligun kami tu-u si dunya duk si ellew akhirat amban meh makasiya-siya duk maka bo-o bo-o. paniya-un kami amban meh bar-ibadat, pasakupun kami si meh tumpukan si lan bentel. Oh Allah! Kalasahanun kemun meh Muslimin. Oh Allah! Tayma-un duwa-a kami hin.
Barak Allahu li wa lakum fil qur’anil hakim; wa nafah ni wa iyyakum bima fihi min ayati wa zikril hakim; akulu kawli haza wa astagfirullahi li walakum wa lisa-iril muslimin; min kulli janbin fastagfiruhu innahu huwa’tawwa burrahim. (Mura-murahan pinagbarkar weh Allahu Taala toh si kitebi in maha mulliya Qur’an supaya maka urung paruntungan si kitebi ye meh Ayat duk Pag-isseban (Zikr). Bissara ku inin duk paaku ku si Allah ye sa Langkew-langkew duk tamanan patut Minulliya ngampunan si meh duse tebi, maku kitebi si Allah ka-ampunan, Iye sangat mangangampun duk sangat ma-aseh.)
146 | Khutba Tapeneh: Toh Pamasambu si Pagsawmadja Para si Kawman Muslim Dem Pilipinas