Tahati weh tibi magnaik hadji-in, niyah meh panglangan si meh kalellahan jinari si meh kadende han: ngasek semmek ilait si waktu dam Ihram, duk makey bulawan dam ka-ekkahan tartantu hinaram si meh kalellahan. Sitti Maryam, ye inan Nabi Isa (A.S) inangkat alin nen tahinang dambuwa Gikapan dam Qur’an ye ngurung suwe-suwe hal kapanganak Nabi Yahya duk Nabi Isa (A.S). Si dambuwa Hadith, Rasulullah magsabda: “sabennal teed, iye (sitti maryam) dende pilihan makatabang mo-o kasampurna-an si meh kalellahan tu-u dunya sampay si akhirat.” Amban damikkiyan inin, meh pungtinai lellah duk dende si Agama Islam, dalih du kaniyaan lellah duk dende hin tapapanjari niyah ge-es de ngahati duk nowh si kamaksuran pangahati supaya tamam si pagtuhan ne si Allahu Taala. Islamin ngaka weh ye meh manusiyah basag nuntut pangadji ngahati si meh pinapanjari duk kamaksuran de, tamba-manamba pangahati nen si katamam ne si Magpapanjari hin (Allah) ye sangat ngurung kawase duk magrizzikih si meh mahluk (pinapanjari). Bennal nen, ye poonan salassayan sin Islam si hal parsugpatan antarah lellah duk dende ineddoh amban puna-an towh sin Qur’an:
“Inin ye meh Tandah: Ye (Allah) mapanjari Iye para si kaam amban ginhawabi tahinang bi limbang (anda), supaya talessabi parasahanin lu-u si siye, duk pinalasa weh Ne pangateyan bin duk aseh ben pakaniya-kaniya. Kasabennalan, ye inin meh Tanda si manusiya niyah pamebbeg de.” (Qur’an 30:21) missara: “subey kaniya-an meh karandehanin pinag-addatan minula, Ye Nabite Muhammad sabab Islamin pinandang weh ne meh karende hanin duk darajat, duk paniyah kasigpit pangandawhat paruntunganin si ka-elluman bang ganah karendehan. So meh pungtinai kami Muslim kalellahan, ye kitebi meh lellahin subey pangurung tebi ye meh kapatut meh karendehanin dam pagluma-lumah de, dam kawman duk sipag agama supaya pinagbarkat siye weh Mahasutsi Allah. Oh Allah pagtamba-tambahun pamaham kamihin si Agama Islam duk patattapun kami si lan ne (Islam) sampay si ellew pagkasuwa-an kami duk Kau sabab Muslim kaniya-an kamihin ye gah kami bakas mindahan Agama Nu. Oh Allah, Kau Tuhan sin kemon pinapanjari. Oh Alla, pakitehun si Kami lan kasabennalanin, para katughara-an Nu kami kahargah nuhut duk damlikusan kasabennalan. Oh Allah pakitihun si kami kaputinganin, para katughara-an Nu kami patala amban iye (kaputingan).
Khutba Tapeneh: Toh Pamasambu si Pagsawmadja Para si Kawman Muslim Dem Pilipinas | 127