Cando as persoas queren, as empresas poden Memoria Re-Acciona 2012-2013 路 IGAPE
Galicia atópase nun proceso de cambio cara a novos modelos económicos baseados na competitividade e no coñecemento. Por iso, a Consellería de Economía e Industria a través do IGAPE puxo en marcha o Programa Re-Acciona para acompañar ao tecido produtivo da comunidade no reto de fortalecer as súas estruturas e proxectarse cara ao futuro. Estamos a camiñar da man de numerosas empresas, de todos os sectores e tamaños. Seleccionamos varios casos de éxito, que recolle esta memoria, para animar ao resto das compañías a reflexionar sobre as súas necesidades e debilidades para, a continuación, detectar as oportunidades e as solucións máis adecuadas aos seus problemas. Todos os nosos servizos están orientados á consecución de resultados e todos eles se desenvolven de maneira directa cos equipos directivos das empresas. Cada un dos exemplos que aquí expomos, un por cada unha das áreas de acción do Programa Re-Acciona, saíu reforzado deste proceso, cun equipo máis cohesionado e preparado, en disposición de conseguir un mellor posicionamento empresarial. Para eles, que representan ás 250 empresas que confiaron no Re-Acciona durante este primeiro ano, así como para os consultores e bolseiros que o fixeron posible, vai o noso agradecemento.
Unha reacción é unha resposta, e iso é o que desde a Xunta de Galicia a través do IGAPE queremos conseguir co Programa Re-Acciona, que os empresarios galegos teñan á súa disposición ferramentas que lles permitan aprender, actuar e saír reforzados fronte aos novos retos que presentan as economías emerxentes tras un momento económico de grandes dificultades. O noso obxectivo é crear unha cultura de diagnóstico-acción e un cambio organizativo e produtivo a través do principal valor empresarial: as persoas. As palabras craves neste futuro son competitividade e coñecemento, e por iso a totalidade do noso programa está dirixido á súa consecución a través de dúas liñas de traballo: 1.- Asesoramento: Achegamos os servizos de consultoras especializadas e de recoñecido prestixio en once áreas de acción para desenvolver, en colaboración directa coas empresas, desde o diagnóstico de competividade até todas as asistencias que permitan a profesionalización e o desenvolvemento da estratexia empresarial. Deste xeito, cada empresa pode escoller o seu concreto itinerario de mellora. 2.- Persoal: Reforzamos con profesionais becados os traballos de análise e posta en marcha das solucións. Para iso dispomos dun programa de bolseiros que, tras pasar unha selección colaboran na execución dos proxectos de mellora durante un ano, colaborando directamente coa empresa. Desde o Igape queremos facilitar o acceso a estas ferramentas sen que o custo sexa un impidemento para o empresario, que só paga directamente ao IGAPE unha pequena porcentaxe do custe do servizo de asesoramento.
1
Diagnóstico de competitividade
2 Optimización financeira e mellora do circulante 3 Optimización da produción e cadea loxística 4 Relanzamento comercial 5 Xestión por procesos 6 Imaxe e comunicación 7 Plan de futuro empresarial 8 Desenvolvemento de plans de acción 9 Empresa familiar 10 Redes de cooperación 11 Transformación de negocio
“Empresa e traballadores soubemos reaccionar, e agora temos un equipo máis cohesionado e motivado ao implicar a todos os estamentos na toma de decisións”
Carlos Vila XERENTE KIWI ATLÁNTICO
Diagnóstico de competitividade Ser competitivos na actual economía globalizada non é unha opción, é unha obriga, e o primeiro paso que debe dar unha empresa é estudar a fondo a súa contorna para coñecer tanto as súas ameazas como as súas oportunidades, pero tamén debe analizar a súa estrutura de negocios, os seus procesos de xestión, os seus soportes e a súa cultura organizativa para detectar as súas fortalezas e debilidades. Os traballos das consultoras na área de competitividade axudarán á empresa a conseguir este primeiro diagnóstico sobre o seu posicionamento e as súas competencias tanto a nivel técnico (sistemas e tecnoloxías para a xestión) como humano (aproveitamento do talento) , co que se pasará a establecer un primeiro plan de acción estratéxico coas melloras decididas, priorizadas, agrupadas e con datas de implementación. Cada un destes pasos danse de forma consensuada cos equipos de dirección. Con este servizo, a empresa gañará tamén, unha maior cohesión do seu persoal, abordará novas competencias e creará na súa ADN corporativa unha cultura de diagnóstico-acción. Kiwi Atlántico, o caso de éxito exposto desta área, atópase agora máis fortalecida e dispón de máis recursos para afrontar os novos retos que se lle expoñen tras 25 anos de vida.
Ficha técnica Razón social: Kiwi Atlántico S.A Sector: Agricultura. Produción e comercialización de kiwis Ano de fundación: 1988 Sede: Portaris-Lois, Ribadumia (Pontevedra) Descrición: A empresa naceu hai 25 anos froito da unión de varios kiwicultores de Galicia e Asturias. Intégrana na actualidade máis de 70 socios e 20 produtores colaboradores, de forma que agrupa explotacións de diversas dimensións. Desde o primeiro momento, a súa intención foi a comercialización dunha froita de alta calidade organoléptica e sanitaria, co fin de diferenciarse do resto da produción europea.
34
11Mill. €/ano
Empregados Facturación
O
Diagnóstico integral de competitividade para iniciar un proceso de mellora competitiva
50%
Servizo solicitado
Dato estrela
dos kiwis cultivados en España son seus
Axente colaborador : Deloitte O servizo de Diagnóstico de Competitividade préstase tamén, en función do tamaño da empresa polas consultoras BPO e Estratega
Situación inicial
Tras medio século de existencia, Kiwi Atlántico reformulouse como mellorar tanto a súa dimensión técnica (sistemas de traballo, ferramentas, procedementos...) como humana (delegación, creación de equipos, confianza, liberación de talento...) para adecuala mellor aos seus proxectos de futuro.
A estratexia
Co apoio da consultora, e despois de varias fases de diagnóstico, establecéronse as accións estratéxicas e operativas necesarias para iniciar o camiño cara á profesionalización co fin de converterse nunha empresa de estilo DX (Director Xestor), é dicir, para dispor dunha metodoloxía de traballo e dun equipo preparado que permitise aos directivos delegar cada vez máis. As accións a desenvolver incluíron un seguimento ás empresas do sector, a definicion de novos obxectivos e iniciativas comerciais, unha investigación de futuras liñas de negocio, mecanismos de motivación para o persoal e unha mellora da organización e a xestión financeira. Tamén se propuxo unha mellora tecnolóxica e o deseño de cursos de formación.
Os resultados
A empresa preparouse para afrontar os retos con maior capacidade competitiva, implantou unha cultura diagnóstico-acción e conseguiu unha maior cohesión do equipo directivo, a adquisión de novas competencias e unha maior motivación individual. Kiwi Atlántico participou tamén nos intinerarios de mellora do Programa Re-Acciona na área de optimización financeira, mellora do circulante e profesionalización dos procesos produtivos.
Diagnóstico de competitividade
“25 anos dando froitos”
“Cando fomos buscar financiamento puidemos elixir entre varios bancos, e logramos así o 100% dos nosos obxectivos”
Benito García
XERENTE HERMANOS GARCÍA ROCHA
Optimización financeira e mellora do circulante O contexto financeiro actual, cunha importante restrición de créditos, obriga ás empresas a cambiar o enfoque tradicional de xestión, no que se volve imprescindible analizar a situación desde o punto de vista dos fluxos de caixa, adaptar a estratexia aos recursos dispoñibles e garantir que se cubran os vencimentos de débeda. A contabilidade xa non é suficiente e as empresas debense adaptar ao novo entorno e dispor de sistemas de información tanto internos (para a xestión) como externos (para a toma de decisións de financiación e investimentos). Este servicio do Programa Re-Acciona introduce ás empresas na planificación financeira para determinar as súas necesidades neste área, pero tamén as prepara e asesora na negociación cos proveedores de financiación. O traballo da consultora parte dun análisis previo da evolución dos últimos anos para planificar os vindeiros exercicios optimizando o negocio con especial atención no circulante, e cuantificando os obxectivos estratéxicos. Con toda a informacion elabórase un Memorándum Informativo para presentar e negociar coas entidades financeiras, e fíxanse dúas reunións de seguimento para implantar o control de xestión.
Ficha técnica Razón social: Hermanos García Rocha Sector: Explotación forestal e transformación da madeira Ano de fundación: 1974 Sede: Bendrade- Cuiña, Oza dos Ríos (A Coruña) Descrición: Con medio século de vida, é unha das empresas con máis experiencia no sector forestal e de transformación industrial da madeira (piñeiro e eucalipto). Na última década modernizou o seu proceso produtivo pasando dunha primeira a unha segunda transformación, cunha valorización dos produtos elaborados e mediante a mecanización da explotación forestal.
44
7,2Mill. €/ano
Empregados Facturación Axente colaborador : AT Consultores
Comercializan
Profesionalizar o dpto. financeiro e obter novo financiamento para o obxectivo de crecemento
100.000
Servizo solicitado
Dato estrela
Toneladas de madeira anuais
Situación inicial
A empresa propúxose profesionalizar o seu departamento financeiro tras modernizar o seu proceso produtivo e mecanizar a explotación forestal, para así asentar a totalidade das bases para o seu crecemento futuro. Na última década logrou duplicar a súa facturación grazas a estas transformacións. O obxectivo co Programa Re-Acciona foi dotar á compañía dos medios necesarios para realizar unha adecuada planificación financeira, que permitise orientar a xestión cara á xeración de caixa, optimizar o circulante e garantir a cobertura da débeda.
A estratexia
A primeira fase do traballo centrouse en revisar as previsións de ingresos e gastos para os vindeiros exercicios, así como o plan de investimentos en activos fixos e en fondo de manobra. Determinouse o fluxo de caixa e definiuse un escenario estratéxico rendible, cuantificando os obxectivos de forma que se puidese realizar o seu seguimento mediante o control de xestión. Con todo iso elaborouse un Memorándum Informativo, que incluíu os datos descritivos da empresa, unha análise de mercado, a evolución financeira histórica e as previsións futuras. O devandito documento presentouse ás entidades financeiras para negociar a renovación e ampliación das pólizas de crédito e desconto.
Os resultados
A compañía, unha vez completado o servizo, conseguiu novo financiamento para atender o maior volume de produción. Ademais, estendeu os límites das pólizas e incorporou unha nova entidade diversificando o seu pool bancario.
Optimización financeira e mellora do circulante
“Madeira de líderes ”
“Ante unha oportunidade ou ameaza, temos que adoptar unha decisión rápida. Iso é reaccionar, e sería bo que esta filosofía se instaurase en toda a sociedade”
Eduardo Rega
XERENTE CARROCERIAS HERMANOS REGA
Optimización da produción e cadea loxística As lagoas producidas nas fases de crecemento dunha empresa poden provocar perdas de competitividade nos seus procesos de xestión e de produción, e é nese momento cando urxe afinar os procedementos internos para volver traballar baixo criterios de eficacia. Por iso, este servizo propón implantar melloras cuantificadas na cadea loxística da organización: produción, almacenaxe, recepción, picking, etcétera. A metodoloxía da consultora actúa en dúas frontes. Unha corresponde á mellora de proceso, cuxo obxetivo é rebaixar o tempo de operación e aumentar a calidade do produto, así como trasladar á empresa unha filosofía de orde, limpeza e mantemento autónomo do posto de traballo. A segunda fronte abarca a mellora da planificación e programación da produción, e céntrase no aseguramento e diminución dos prazos de entrega así coma no control do proceso desde o punto de vista da xestión. Os beneficios desta optimización detéctanse no caso de éxito elexido, o de Carrocerías Hermanos Rega, como é a mellora dos niveis de xestión e calidade e das condicións do lugar de traballo, ademais do incremento dos niveis de servizos.
Ficha técnica Razón social: Carrocerías Hermanos Rega Sector: Fabricación de carrozarías de camións Ano de fundación: 1957 Sede: A Seara, 13 (Alfoz) Lugo Descrición: A empresa, de carácter familiar, dedícase á fabricación e reparación de todo tipo de carrozarías para camións. Fundada polos irmáns Argimiro e Siro Rega Mosquera, atópase na segunda xeración de xerentes, cos irmáns Eduardo, José María e Juan Luís Rega Paz. Ocupa unhas instalación de 14.000 metros cuadrados, dos que 6.000 pertencen ás naves e oficinas.
25 Empregados
2€/ano Mill. Máis de
Facturación
Axente colaborador : Team and time
2013
Mellora da planificación do traballo
No ano diseñou carrozarías para transporte de mercaderías adaptadas a carga aérea
Servizo solicitado
Dato estrela
3
Situación inicial
A empresa carecía de ferramentas que facilitasen ao xefe do taller a planificación dos traballos e que lle permitisen saber en cada momento o avance das obras. Á súa vez, os operarios descoñecían que pasos debían dar cada vez que terminaban a tarefa encomendada, coa consecuente perda de tempo e productividade.
A estratexia
Carrocera e consultora acordaron dirixir o proxecto a solucionar tres problemas fundamentais: a asignación de traballos, para evitar así confusións e malos entendidos; a planificación, de forma que o xefe de taller puidese programar a asignación dos labores pendentes, e o rexistro de tempos de produción, para coñecer de maneira real a duración de cada unha das operacións.
Os resultados
Co apoio dun taboleiro de planificación e dunha aplicación informática, a empresa dispuxo dos medios e o coñecemento necesarios para a creación e a asignación de novas ordes de fabricación, de xeito que xa pode traballar de forma definida sen a necesidade de ningún apoio externo. A mellora da productividade foi clara, e a consecución dos obxectivos iniciais se cumpriron cunha folla de ruta imprescindible para mellorar os resultados.
Optimización da produción
“A planificación é a clave”
“Estamos mellor preparados que hai uns meses e temos agora máis coñecementos para converternos na adega galega no mundo”
Ramón Mosquera DIRECTOR DE INTERNACIONALIZACIÓN VIÑA COSTEIRA
Relanzamento comercial Cada vez é maior a necesidade por parte das empresas de adoptar unha estratexia de captación de novos compradores, que pasa en moitos casos por adaptar os produtos ás súas esixencias. De aí que a consultoría que traballa na área comercial fixe como principal obxectivo para levantar as vendas establecer metodoloxías proactivas que permitan diferenciar aos clientes potenciais para axustar mellor as ofertas e poder personalizar a atención en cada un deles. Neste marco, a metodoloxía de estudo inclúe tanto aos clientes como aos produtos, así como o seu posicionamento, penetración sectorial, crecementos e prezos, ademais da fixación de procedementos formais de xestión das oportunidades comerciais. As empresas que solicitan este servizo do Programa Re-Acciona dispoñen de asistencia e titorización para elaborar e pór en marcha novos procesos e ferramentas de comercialización relacionados cos compradores (visitas, tarefas do vendedor...) e coa dinamización da marca (accións de comunicación externa, aproveitamento das Tics, fundamentos do posicionamento en internet, etcétera). O caso seleccionado, o de Viña Costeira, é especialmente significativo porque se tratou de axustar a imaxe dun dos seus produtos á idiosincrasia da clientela internacional para optimizar a súa entrada nos mercados foráneos. O caso desta compañía e moi representativo, xa que solicitou en paralelo o asesoramento doutros servizos do Programa Re-Acciona
Ficha técnica Razón social: Vitivinícola do Ribeiro S.C.G. (Viña Costeira) Sector: Vitivinícola Ano de fundación: 1968 Sede: Valdepereira s/n, Ribadavia (Ourense) Descrición: A empresa, fundada cun compromiso permanente de modernizar as técnicas de elaboración e recuperación das cepas autóctonas do Ribeiro, é unha das adegas máis importantes de Galicia. Especializada na elaboración e embotellado de viños, ofrece dúas tipoloxías de produto ben diferenciados, os viños baixo a denominación de orixe do Ribeiro e os destilados. A súa oferta comercial en caldos identifícase coa marca Viña Costeira, e en destilados con Lúa, amparadas pola indicación xeográfica ‘Augardentes e Licores tradicionais de Galicia’.
37
10Mill. €/ano
Empregados Facturación Axente colaborador : International team consulting
Produce
Exportar con éxito
4,5Mill
Servizo solicitado
Dato estrela
de botellas de viño ao ano
4
Situación inicial
Ante os negativos efectos da crise no mercado local do viño, Viña Costeira intensificou a exportación como camiño para contrarrestar a redución do mercado interior. Os resultados das primeiras incursións no exterior non foron os esperados, o que motivou que a empresa solicitase o Programa Re-Acciona con fin de establecer maiores análises e uns protocolos eficaces á hora de sair fóra de España .
A estratexia
Conscientes da necesidade de reenfocar o proxecto de internacionalización, Viña Costeira e o equipo de consultores deseñaron un Plan de Promoción Internacional (PPI), no que se definiron, previo estudo dos principais competidores, os produtos a vender, as marcas, prezos, condicións, esforzos promocionais e as estratexias de entrada noutros países. Desta análise xurdiu un novo deseño de producto e novas estratexias para outros canles de comercialización non utilizados previamente.
Os resultados
Na actualidade estánse a aplicar as medidas establecidas no PPI, facendo presentacións de novos deseños e estratexias en distintas canles en países fóra da Comunidade Europea. Grazas a estas actuacións, á empresa se lle están abrindo portas noutros mercados, até ese momento pechadas.
Relanzamento comercial
“A adega galega no mundo”
“Non hai empresa pequena ou grande, todas cumprimos a nosa función, pero todas debemos apostar pola calidade”
Cristina Rodríguez
RESPONSABLE DE CALIDADE LURESA
Xestión por procesos As actuais contornas competitivas obrigan ás empresas a manexar de forma continuada datos e información, a máis veraz e fiable posible, sobre o funcionamento de todos os seus procesos para poder analizar o seu rendemento e mellorar a súa eficacia. Dita tendencia permitiranlles implementar unha xestión de procesos co fin de orientar as actividades e recursos á consecución dos seus obxectivos. A acción das consultoras neste ámbito pasa, en primeiro lugar, por crear dous equipos de traballo, o que se encargará de identificar, describir e documentar os procesos, e o que establecerá os parámetros de control dos mesmos, tendo en consideración os fins estratéxicos da empresa. Tamén se desenvolverá e implementará un cadro de mando para levar un control continuo do funcionamento dos procesos, mediante a medición informatizada dos indicadores definidos. A última fase será a explotación dos resultados iniciais e a optimización dos procesos co desenvolvemento dos plans de acción. O caso de éxito exposto, Luresa, laboratorio de anatomía patolóxica, conseguiu, grazas a estas actuacións, a sistematización, medición e mellora dos procesos existentes, acadando, ademáis, a certificación de calidade por un organismo externo acreditado e a mellora da satisfación da sua clientela.
Ficha técnica Razón social: Luresa, Laboratorio de Anatomía Patológica S.L.P Sector: Sanitario Ano de fundación: 2009 Sede: Rúa Concepción Arenal, 58 (Lugo) Descrición: A empresa realiza análises para o diagnóstico de enfermidades e lesións mediante o estudo das alteracións producidas nos tecidos e nas células do organismo. A súa actividade céntrase en dous tipos de estudos: as biopsias (tecidos orgánicos) e as citoloxías (estendidos celulares).
3
119.000 €/ano
Empregados Facturación Axente colaborador : Serviguide
Sistemizar a xestión dos seus procesos de traballo
Coa axuda do Programa Re-Acciona, acadou a avaliación AENOR da súa atividade segundo a norma UNE-EN-ISO 9001:2008
Servizo solicitado
Dato estrela
5
Situación inicial
Luresa dispuña de protocolos específicos para a realización de determinadas accións analíticas, pero non tiña sistematizado o funcionamento e a xestión de todos os procesos existentes na organización, de maneira que todo o persoal coñecese as súas funcións e responsabilidades e o fluxo a seguir para o seu óptimo desenvolvemento. Ademais, existían procesos estratéxicos derivados da análise de datos (internos e externos) e da toma de accións, así como procesos de apoio (infraestrutura, recursos humanos, compras, almacén, incidencias) que non eran xestionados, polo que recurriu ao Programa Re-Acciona.
A estratexia
A empresa procedeu a documentar todos os procedementos para poder sistematizalos, asignar funcións e responsabilidades e desenvolver todos os protocolos específicos necesarios. A definición de indicadores de calidade e o desenvolvemento do cadro de mando permitiulle tamén dispor de información sobre o cumprimento das estratexias establecidas a curto-medio prazo.
Os resultados
O desenvolvemento do proxecto posibilitou que o laboratorio certificase as súas actividades segundo a norma de calidade UNE-EN-ISO 9001:2008 por AENOR, que garantirá a implantación continua do proxecto, así como o coñecemento e recoñecemento da clientela e proveedores.
Xestión por procesos
“No diagnóstico está o éxito”
“Ogallá tivésemos o Programa Re-Acciona hai uns anos, non nos sentiríamos tan sós na crise”
Maria Luisa Candal XERENTE BRAN SERIGRAFIC
Imaxe e comunicación Unha das grandes batallas empresariais é conseguir que produtos e servizos se axusten á imaxe de marca e aos valores que esta pretende transmitir. Acertar na identidade que as defina será de gran axuda para que as empresas trasladen tanto ao persoal como aos clientes todo o seu potencial comercial. A través dunha consultoría especializada pódense detectar as debilidades en comunicación, tanto visual como de mensaxe, e pór en marcha plans estratéxicos que dean resposta aos proxectos de futuro das empresas. Estes plans poden incluír desde un redeseño da identidade corporativa mellor adaptada aos produtos e aos valores forza até o desenvolvemento do modelo de comunicación máis conveniente. Ademais, o traballo permitirá a creación ou implementación das ferramentas e canles necesarias para segmentar mellor a comunicación e mellorar o posicionamento da marca no seu sector. Bran Serigrafic é un exemplo de compañía que conseguiu transmitir mellor os seus valores diferenciais tras ordenar e modernizar a súa imaxe, que se adaptou aos produtos innovadores e creativos que comezou a comercializar. Tamén preparou a súa mensaxe e imaxe para dar o salto á venda por Internet.
Ficha técnica Razón social: Bran Serigrafic S.L Sector: Artes gráficas Ano de fundación: 1983 Sede: Polígono da Telva, Culleredo (A Coruña) Descrición: Empresa especializada en serigrafía téxtil cunha longa traxectoria e experiencia. Desde os inicios enfocou o seu oficio en dúas vertentes: a moda e a confección, e o agasallo promocional personalizado, experiencia que foi ampliando cara á fabricación de produtos de empresas de deseño-arte, merchandising e publicidade, tanto en tiradas grandes como curtas.
7
400.000 €/ano
Empregados Facturación Axente colaborador : Eosa
Optimizar a súa imaxe en Internet e transmitir o seu potencial como empresa
Desde 2012 asesora e participa na fabricación das coleccións de
Servizo solicitado
Dato estrela
253
proxectos de emerxentes
6
Situación inicial
A deslocalización industrial impulsou a Bran Serigrafic a buscar soportes téxtiles alternativos para ser máis competitiva, polo que creou unha innovadora gama de produtos (Art Print Panel, APP) que poden personalizarse até o último detalle. Pero esta nova etapa non se correspondía coa imaxe da empresa, que quedou desfasada ao non transmitir a creatividade destes produtos nin no mercado local nin internacional, onde se quería introducir. Acudiu o Programa Re-Acciona ante a necesidade de modernizar o seu aspecto e mensaxe e orientalos a conseguir un sólido posicionamento en Internet
A estratexia
O traballo centrouse en adaptar a imaxe da empresa ás súas novas marcas, e optouse por acurtar a súa denominación, de Bran Serigrafic a Bran, deixándoa no esencial. Ademais, reorganizáronse as áreas de negocios e creouse unha estratexia de comunicación para dar a coñecer aos clientes todas as posibilidades dos seus servizos e produtos e que dese resposta a dúas preguntas: que contar e como contalo.
Os resultados
Baixo a idea forza de ‘O teu proxecto. Os teus produtos. A túa serigrafía’, redeseñouse o logo, o seu estilo gráfico e a nova web, mellor organizada e que recollía nun só os catro portais cos que funcionaba a firma até ese momento. Este traballo permitiu desenvolver a arquitectura das súas marcas, que se concretaron en catro: Bran moda, Bran Innova, Bran Deporte e Bran Promo. Coas bases xa asentadas, a empresa irá aplicando de forma gradual a súa nova identidade gráfica a todos os seus soportes e seguirá desenvolvendo a súa estratexia en redes sociais e preparando a saída da súa plataforma de venda en liña.
Imaxe e comunicación
“Cando a imaxe é o producto”
“Adquirimos a metodoloxía que nos permitirá avanzar de forma sustentable, trasladando a ilusión a todos os departamentos sendo máis proactivos”
Santiago Cabaleiro COORDINADOR XERAL VISUAL TRANS
Plan de futuro empresarial Cal é a nosa aposta de futuro neste momento de crise? Que clase de organización queremos ser? A que mercados temos que encamiñarnos e con que produtos? Como queremos crecer? Cales deben ser as nosas prioridades? Para responder a estas cuestións que moitas empresas se fan nalgún momento pero que a falta de tempo ou de oportunidade impedíulles concretar, Re-Acciona puxo en marcha unha área de apoio para deseñar un plan de futuro e de mellora empresarial. Os obxectivos a conseguir son dous, dotar ás empresas de ideas para os próximos anos (visión) e planificar as estratexias para alcanzar estes obxectivos (plans de acción). Con todo, estas dúas metas son inalcanzables se non existe un compromiso real do equipo empresarial. Por iso, o traballo da consultora céntrase en acompañar e achegar ao equipo de dirección a metodoloxía, as ferramentas, a experiencia e o coñecemento necesarios para que sexa a propia empresa a que reflexione e fixe os obxectivos e deseñe as accións e pasos para chegar a estas metas. O caso de Visual Trans foi seleccionado como caso de éxito polo seu especial interese: o seu primeiro plan director estaba esgotado e o seu futuro pasaba pola internacionalización.
Ficha técnica Razón social: Visual Microsystems S.A. Sector: Informática, desenvolvemento de software Ano de fundación: 1999 Sede: Polígono Industrial A Granxa, Rúa D, Esq. Paralela 3 Porriño (Pontevedra) Descrición: Fundada por un grupo de mozos afeccionados á informática liderados por Alfonso Gutiérrez, Visual Trans dedícase ao deseño, implantación e mantemento de solucións de software para o sector loxístico (axentes de aduanas, consignatarios, transitarios, operadores, etcétera). Os seus servizos diversifícanse entre a consultoría, a programación e a formación dos usuarios. Forma parte do Grupo Visual MS.
40
2’4
Mill. €/ano
Empregados Facturación Axente colaborador : DPI consultores
Galardoada
3 anos
Actualización do seu Plan Director, realizado en 2006, pensando na internacionalización da empresa
Great Place to Work (mellor empresa para traballar en España)
Servizo solicitado
Dato estrela
co
7
Situación inicial
A pesar de que Visual Trans é unha empresa tecnolóxica nova, xa é unha referencia de liderazgo no seu sector. Tras sete anos de desenvolvemento do seu plan director e tras considerar os cambios da contorna, como a internacionalización de parte dos seus clientes, e as difíciles circunstancias do presente, propúxose revisar o seu proxecto de futuro. Esta nova visión debería de contemplar a súa estratexia no mercado internacional e unha reorientación do seu fluxo de ingresos.
A estratexia
Un equipo de traballo, integrado por responsables da firma e os consultores, centrouse durante máis de cinco meses en debater e deseñar o cambio de modelo da empresa. Tras esta análise establecéronse tres novas liñas estratéxicas: a idea de sustentabilidade baixo o lema de ‘a rendibilidade por encima da velocidade’, a preparación da empresa para dar o salto do ámbito nacional ao global de forma progresiva, e a focalización dos procesos de negocio á aportación continua de valor engadido ós usuarios, dende a implantación dos proxectos até o servizo postventa, buscando relacións a longo prazo cos clientes.
Os resultados
Actualmente, a empresa está a preparar os equipos, responsables, calendarios metas e recursos necesarios para o desenvolvemento dos novos plans.
Plan de futuro empresarial
“Éxito local, o trampolín ó exterior”
“Démonos conta de que as persoas non deben traballar por tarefas senón por responsabilidades e obxectivos, e así damos sentido ao noso traballo e incrementamos o sentido de orgullo de pertencer á nosa empresa”
Lucía Saborido DIRECTORA SACENDI
Desenvolvemento de plans de acción O éxito das empresas está directamente vinculado ao compromiso do seu persoal cos plans e obxectivos de crecemento fixados, vínculo que, en moitas ocasións, non se creou de forma eficiente ou se foi debilitando co paso do tempo. A consultoría neste campo pretende asentar unhas bases sólidas e sostibles para crear programas de acción xestionables e con directivos competentes á fronte para administrar áreas e equipos, así como afianzar os lazos dos empregados coa empresa e o seu futuro. A metodoloxía de traballo empeza por axudar á compañía a planificar a comunicación dos seus proxectos ao seu cadro de personal, como transmitilos e por que canles, e unha vez superada esta fase, comeza a preparación dos plans directores para a súa implantación efectiva: a definición dos equipos máis adecuados, as accións a desenvolver no día a día para conseguir os fins marcados e a determinación dos indicadores para conseguir un control e seguimentos óptimos. Sacendi Servicios Sociales preséntase como un caso de éxito porque avanzou no desenvolvemento do seu plan de futuro, que dependía de que os seus fundadores puidesen delegar as súas responsabilidades diarias para centrar os seus esforzos na expansión do negocio, xa moi ben definida.
Ficha técnica Razón social: Sacendi Servicios Sociales Sector: Atención a maiores Ano de fundación: 2005 Sede: García Camba 6, planta 1, oficina 101. (Pontevedra) Descrición: O grupo presta servizos de atención a persoas maiores e/ou dependentes a través dos centros Saraiva (centros de día, unidades de memoria, axuda a domicilio). Tamén se ocupa de cubrir as necesidades de formación de profesionais dentro da contorna socio-sanitaria. O seu primeiro centro abríuse en Pontevedra e fíxoo ofrecendo un novo abanico de servizos físicos e unidades de memoria para a prevención do Alzheimer. Pouco despois abriu un segundo centro en Marín e ampliou a súa actividade xestionando centros de terceiros.
25
600.000 €/ano
Empregados Facturación Axente colaborador : DPI consultores
en 5 anos
Reorganización da estrutura de dirección para afrontar mellor os retos previstos no seu plan director
Abren 3 centros e o proxecto Saraiva é foi seleccionado entre 300 polo programa Momentun Project, do BBVA
Servizo solicitado
Dato estrela
8
Situación inicial
O crecemento do grupo apoiábase principalmente no esforzo dos dous fundadores da empresa, Lucía Saborido e Ricardo Fra, que coordinaban e executaban a maioría das actividades, pero a operativa diaria lles consumía o tempo necesario para desenvolver novas iniciativas de innovación no sector socio sanitario. Precisaban doutro modelo organizativo e de xestión, máis profesional, para poder delegar responsabilidades no día a día e centrarse na posta en marcha dos proxectos do seu Plan Director de futuro. Con este fin sumáronse ao Programa ReAcciona.
A estratexia
Tras unha análise das actividades e dos procesos empresariais, o grupo procedeu á repartición de responsabilidades e á definición dos postos, os seus obxectivos e aos indicadores asociados. Definíronse, ademais, os mecanismos de coordinación e a formación necesaria para os novos mandos. Ademais, elaboráronse os orzamentos anuais, do mesmo xeito que se marcou un sistema de control dos mesmos para un correcto seguimento.
Os resultados
A dirección puidose centrar no desenvolvemento dos proxectos de futuro e permitiu crecer profesionalmente a outras persoas dentro da empresa. Froito dese cambio é a apertura dun novo centro en Poio co que a empresa espera aumentar preto do 40% a súa facturación actual e crear 8-10 empregos, así como a posta en marcha durante 2014 dun novo concepto de aloxamento para maiores baseado no modelo housing holandés, Saraiva Senior.
Desenvolvemento de plans de acción
“Delegar para poder crecer”
“Sentamos as regras do xogo para o noso crecemento futuro con novos proxectos pero afirmando as bases da sucesión como empresa familiar”
Enrique de Miguel Ilarri DIRECTOR XERAL 2 MARES
Empresa familiar As empresas de carácter familiar, que crean entre o 17 e o 20% do PIB galego, non só se enfrontan ás usuais batallas empresariais (crecemento da súa dimensión, profesionalización, innovación, etcétera), tamén soportan outros retos como a adecuada planificación da sucesión xeracional ou a atracción e retención de directivos alleos ao armazón familiar que acheguen filosofías e criterios obxectivos. Por iso é moi importante que este tipo de compañías orienten os seus esforzos en dotarse das ferramentas que lles permitan o desenvolvemento futuro das súas actvidades e minimicen as trabas para a pervivencia do negocio familiar. E aí onde centran o seu labor as consultoras de Re-Acciona. O resultado final do traballo conxunto coas empresas que optaron por este servizo formalízase na elaboración dun plan de sucesión, a redacción do protocolo familiar e, no seu caso, das modificacións estatutarias correspondentes, de forma que se regulen de forma efectiva as relacións económicas, profesionais entre os membros da familia e a empresa, así como a súa xestión e organización. 2Mares de Mil, o caso de éxito seleccionado, organizou a sucesión da empresa e preparouna para novos retos empresariais.
Ficha técnica Razón social: : 2Mares de Mil S.L. Sector: Software especializado Ano de fundación: 1996 Sede: Coruña 24, 36208, (Vigo) Descrición: Empresa dedicada á fabricación de produtos software de comunicacións para o contact center. Especializada en tecnoloxías da fala e software de conmutación desde hai máis de 15 anos. O seus productos principais son o Centratel, destinado asegurar á calidade e eficiencia das operacións, e Intellixente, creado para facilitar a comunicación multicanal co cliente nos Social Media
15
600.000 €/ano
Empregados Facturación Axente colaborador : Deloitte
Organización da sucesión familiar e separación de riscos en novos investimentos
Servizo solicitado
única
empresa española de Softaware Factory especializada en contact center que está certificada en CMMI nivel 3 USA
Dato estrela
9
Situación inicial
A empresa enmárcase nun sector moi dinámico, por iso necesitaba formalizar un plan de sucesión e un protocolo familiar que asegurase a supervivencia do negocio tradicional minimizando os riscos de emprender os novos proxectos previstos pola segunda xeración familiar, con cambios na súa estrutura financieira.
A estratexia
Consultora e empresa, tras realizar un diagnóstico do marco xurídico e a situación de partida, determinaron os obxectivos, inquietudes e cuestións sobre os que ían a gravitar os novos negocios, e procedeuse, ademais, a formar aos membros da familia nos conceptos básicos do proceso. Posteriormente, deseñouse o Plan de Sucesión e Protocolo Familiar.
Os resultados
2Mares de Mil puido formalizar nun documento as regras de xogo para o grupo familiar en canto á actividade empresarial, así como focalizar os futuros proxectos empresariais sen contaminar cos posibles riscos ao negocio tradicional.
Empresa familiar
“Proxecto de pasado, presente e futuro”
“Ao acertar co socio tecnolóxico conseguimos en tempo relativamente curto un robot único no mundo para dar solucións específicas aos nosos clientes que, noutro caso, tardaríamos anos en construír”
Eusebio Rey XERENTE PROSISTEMAS
Redes de cooperación e socios O desenvolvemento da competitividade das empresas require en moitas ocasións da capacidade de articularse con outros suxeitos económicos. Nesta realidade, un dos grandes retos empresariais é saber onde están os seus límites xa que determinados procesos quizá non se cheguen a controlar na súa totalidade. Por iso é polo que, nun mercado cada vez máis global, é importante crear redes de cooperación con socios competitivos. A clave é detectar as debilidades, así como os acompañantes adecuados que incrementen a oferta e acheguen flexibilidade. Con este servizo de Re-Acciona, as compañías aprenden a pór en marcha iniciativas de colaboración para xerar sinerxías orientadas a resultados tras detectar as oportunidades e vantaxes. Para iso, tras un primeiro diagnóstico das necesidades da empresa procédese á análise dos potenciais socios, a definir o proxecto e a crear os contactos para negociar acordos beneficiosos para todas as partes implicadas no proceso. Prosistemas, o caso de éxito seleccionado, sumou as súas forzas ás dunha compañía de I+D para abrir novas vías de negocio.
Ficha técnica Razón social: Produtos e Sistemas Aplicados S.A. (PROSISTEMAS) Sector: Construción de Pavimentos Industriais e Comerciais Ano de fundación: 1988 Sede: O Porriño (Pontevedra) Descrición: Empresa de Enxeñaría Civil e Industrial encadrada no sector da construción especializada en pavimentos industriais e comerciais (tanto en base cementosa como en base de resinas), recuperación e reparación de pavimentos, así como en reforzos estruturais e restauracións. Ofrece ao mercado unha tecnoloxía vangardista desde a súa base central no sur de Galicia. O seu ámbito de actuación abarca España, Portugal, Inglaterra, Austria, Suiza, Italia, Malasia... traballando internacionalmente.
53
case
14 Mill. €/ano
Empregados Facturación Axente colaborador : Inova portal
Procura de partners para realizar proxectos de I+D
Servizo solicitado
3.000.000 m de pavimentos cementosos e epoxídicos para a industria e o comercio
Dato estrela
2
10
Situación inicial
A pesar da crise do sector da construción, Prosistemas conseguiu no último ano incrementar os seus beneficios case nun 40% tras pechar varios contratos con importantes multinacionais para instalar pavimentos en instalacións loxísticas e comerciais. De forma paralela, na procura de novos modelos de negocio, a empresa optou por desenvolver tecnoloxía propia para a execución de pavimentos continuos co fin de emendar as limitacións dos equipos comerciais dispoñibles no mercado, pero ao non dispor de medios suficientes facíase necesario a procura dun colaborador tecnolóxico.
A estratexia
Co apoio da consultora, perfiláronse os requisitos que deberían de cumprir os novos socios, onde encaixarían enxeñarías, fabricantes de maquinaria e centros tecnolóxicos especializados en produción. Tras obter unha primeira listaxe, pasouse aos contactos presenciais cos candidatos.
Os resultados
Unha vez terminado o proceso, Prosistemas pechou un acordo de colaboración con ZYON Galicia para o desenvolvemento conxunto dun proxecto de I+D de fabricación de maquinaria e centros tecnolóxicos especializados. A iniciativa presentouse ao Programa Innoempresa 2013 de apoio á innovación. Ademais, a empresa obtivo unha listaxe de potenciais socios para a posta en marcha de plans cooperativos de futuro.
Redes de cooperación e socios
“Unidos para crecer”
“Aprendemos a aproveitar as nosas fortalezas e agora imos abrir en Vigo o centro tecnolóxico máis avanzado de España en impresión de arte”
Inés de Sáa SOCIA DIGIPRESS
Redefinición do modelo de negocio Nos últimos anos, moitas empresas ven como vai decaendo a súa cadea de valor e vanse desvalorizando as súas ofertas, o que provoca unha caída no rendemento do seu modelo de negocio. Necesitan unha transformación, unha reorientación xa sexa cara a outros mercados ou cara a outros produtos nos que poidan entrar con vantaxes competitivas, pero sempre partindo das fortalezas e competencias que posúe na actualidade. O papel da consultora nesta área é romper o círculo vicioso no que están metidas e detectar os nichos de mercado onde existen oportunidades. Conxuntamente coa empresa, defínense os modelos de futuro e de evolución, así como as accións prioritarias para conseguir os novos obxectivos establecidos. Digipress é un dos casos de éxito porque, fronte a unha crise moi profunda no sector da impresión gráfica, soubo detectar un novo camiño no que empregar toda a súa experiencia e o seu bo facer nas relacións cos provedores.
Ficha técnica Razón social: Sketch System, S.L. (Digipress) Sector: Suministro e servizos Ano de fundación: 1996 Sede: C/ Luis Taboada, 17 (Vigo) Descrición: Empresa especializada no asesoramento, formación e distribución de produtos relacionados coa Industria Gráfica e Impresión en xeral. Ofrece solucións personalizadas (on demand) para a obtención normalizada dun produto final a través dunha linguaxe común, definida a través de estándares internacionais. NORMATIVA ISO 12647 (xestion da cor na impresión) NORMATIVA ISO 15930 (xestion pdf certificado) É líder no ámbito galego e nacional da implementación da estandarización das dúas normas a través de fluxos de traballo que garanten un producto impreso de calidade, fiable e repetible, en calqueira ámbito de impresión: • • • • •
4
700.000 €/ano
Empregados Facturación Axente colaborador : Inova portal
Fotografía & arte Industria grafica offset Gran formato e xigantografia Impresión dixital Labeling (etiquetas)
Redefinición de novas liñas de negocio
Servizo solicitado
• • • •
Flexografia Metalgrafia Textil Packaging
líder
no ámbito galego e nacional da implementación da estandarización ISO 12647-2
Dato estrela
11
Situación inicial
Por mor da crise, a industria gráfica sufriu unha contracción do mercado dun 60%. Moitas empresas do sector tiveron que pechar as súas portas ou iniciar un proceso de redimensionamiento. Neste contexto, Digipress apostou co Programa ReAcciona por redefinir o seu modelo de negocio, baseado na calidade, innovación e especialización.
A estratexia
Co apoio da consultora, o equipo de traballo detectou una carencia importante na área profesionaI referida á obra artística certificada, e por outra banda nos servicios de branding visual e prototipos certificados (en termos colorimétricos) para abodar calquera produto impreso e en calquera tipo de soporte. Para dar resposta a estas demandas, creouse o Centro Tecnolóxico Profesional de Impresión. Digipress prepara xa a apertura dun novo local equipado coa tecnoloxía mais avanzada para dar servizo aos profesionais do sector pero tamén ás empresas transversais (téxtiles, conserveras, alimentación, mercadotecnia...), que contarán con todos os medios tecnolóxicos e o asoramento de equipos.
Os resultados
Este proxecto dispón do apoio do grupo de investigación DX5, Facultade de Belas Artes da Universidade de Vigo, e pretende integrar diferentes sectores, tales como publicidade, arquitectura, decoración, arte e deseño como una unidade de coñecemento. A empresa pensa xa en crear unha segunda fase dentro do Programa Re-Aacciona para crear unha plataforma web internacional en tres idiomas.
Redefinición de modelo de negocio
“A cor do éxito”
Mapa de Servizos Programa Re-Acciona Diagn贸stico integral de competitividade
Proxecto de futuro e plan de mellora empresarial
Desenvolvemento estratéxico Identificación de redes de cooperación e socios
Optimización financeira
Desenvolvemento de plans de accións
Plans e protocolos de empresa familiar
Redefinición de negocio
Profesionalización da produción
Relanzamento comercial
Profesionalización Xestión por procesos
Imaxe e comunicación empresarial
Importan as empresas, importan as persoas
www.igape.es/reacciona