რჩევები
მშობლების თავდაუზოგავი მონდომების გარეშე შეუძლებელია უუნარო, ზარმაცი და სხვაზე დამოკიდებული ადამიანის აღზრდა. მიაჩვიეთ ბავშვები დამოუკიდებლობას თავიდანვე. ნუ დაგეზარებათ მოთხვრილი ტანსაცმლის და მაგიდის (ასევე მაგიდის ირგვლივ ერთი მეტრის რადიუსის ტერიტორიის) გასუფთავება, თუ თქვენი ბავშვი დამოუკიდებლად ჭამას ცდილობს.
როცა დრო მოვა, (თქვენ კი მშობელი ხართ, და უთუოდ იგრძნობთ, როდის მოვა) ჩამოხსენით ბავშვს ვარდისფერი სათვალეები და აუხსენით, რომ სამყაროში მარტო კეთილისმოსურნე და მომღიმარი ადამიანები კი არა, შური, ბოროტება,უსამართლობა და ბევრი ტკივილიცაა. მარცხი, გულისტკენა, უბედურება – ცხოვრების განუყოფელი ნაწილია. ამას ვერავინ გაექცევა. ახსენეთ ზებრა – თეთრ ზოლს შავი მოსდევს, შავს კი უცილობლად – თეთრი. ეს კანონზომიერებაა.
72 კინალოკო ზაფხული/2013
ისწავლეთ თქვენი შვილების მოსმენა. ბავშვები სვამენ 1000 კითხვას დღეში, ითხოვენ ყურადღებას და პასუხებს, როცა მათთვის მნიშნელოვანი რაღაცით აღფრთოვანდებიან (ეს შეიძლება იყოს სულაც, კენჭი ან უცნაური ფორმის ღრუბელი...); ნუ ითამაშებთ ემოციებს, ზუსტად ისევე ესაუბრეთ, როგორც საკუთარ მეგობარს ესაუბრებით.