LA OREJA VERDE
LA NUEVA ESPAÑA
ubo un tiempu nel que les ablanes asturianes esportábense a los más diversos llugares del mundu. Nel sieglu XVIII, salíen, dende los puertos de Xixón, Ribesella y Villaviciosa, barcos atacaos d’ablanes pa Inglaterra. Aquel humilde frutu servía, y entá sirve, tanto pa xintar crudu como pa preparar los más esquisitos postres. Les ablanes siempre fueron mui apreciaes polos confiteros, los que se dediquen a esi escelente oficiu dedicáu a ellaborar tou tipu de dulces. Pero aquellos tiempos d’apoxéu del frutu l’ablanal quedaron namás que pal recuerdu. ¿Qué ocurrió? ¿Desapaecieron les ablanales de la nuestra tierra, o los sos frutos yá nun son de calidá? Entainamos a dicir que sí hai ablanales, que los sos frutos tienen una calidá estraordinaria y que les ablanes asturianes
H
siguen gozando de gran prestixu y reconocencia. Y más entovía: los espertos aseguren que n’Asturies danse unes variedaes úniques en toa Europa. Lo qu’asocedió ye qu’a los agricultores nun-yos valía la pena dedicase a los llabores de l’ablana. Esi trabayu suponía un gran esfuerciu y a cambéu sacábase poco provechu económicu; asina qu’especializáronse n’otres xeres del campu más rentables, como la ganadería. Agora vese un remanecer de los llabores d’esti frutu que ta enzarráu nun cofrecín de maera como si fuere una ayalga. Dende 1972 celébrase en L’Infiestu, la capital del conceyu de Piloña, el Festival de l’Ablana. Tolos años, el primer domingu d’ochobre, L’Infiestu conviértese na esperanza de la recuperación d’esti tesoru. Testu y semeyes: P. Allegre
Sábado, 25 de septiembre de 2010
Iván García, 9 años