§ XXX. Sozietatearen organoak: I. Bazkideen batza orokorra § XXV. SOZIETATE ANONIMOAREN LIKIDAZIOA LABURPENA: 431. Likidazioaren kontzeptua.—432. Likidatzaileen erakunde juridikoa.— 433. Izendapena.—434. Likidatzaileen kopurua.—435. Likidatzaileen eginkizunak oro korrean.—436. A) Inbentarioa eta hasierako balantzea egitea.—437. B) Kontabilitatea eraman eta zaintzea.—438. C) Ondarea artatzea.—439. D) Gauzatzeke dauden merka taritzako eragiketak egitea.—440. E) Eragiketa berriak gauzatzea.—441. F) Sozieta tearen ondasunak besterentzea.—442. G) Kredituak kobratzea.—443. H) Dibidendu pasiboen ordainarazpena.—444. I) Transakzio eta konpromisoak ituntzea.—445. J) Hartzekodun eta bazkideei ordaintzea.—446. K) Sozietatearen ordezkaritza.—447. Likidazioaren aldizkako publizitatea.—448. Likidazioaren kontuhartzea.—449. Azken balantzea eta banaketa proiektua.—450. Banaketa egiteko unea eta modua.—451. Galeren banaketa.—452. Sozietatearen kaudimengabezia.—453. Likidatzaileen eran tzukizuna.—454. Sozietatea azkentzea.
431. Likidazioaren kontzeptua.—Sozietatearen desegitean gertatzen ez den moduan, likidazioan ez da ematen egintza soil bat, prozesu nahiz egin tzen multzoa baino. Likidazioaren bidez, ondoz ondoko hainbat egintza gauza tzen dira, sozietatearen ondarea akziodunen artean banatu ahal izateko, betiere, sozietatearen hartzekodunei ordaindu ondoren. Likidazioaren azken helburua da sozietatearen ondarea banakako akziodunei eskualdatzea, akziodun bakoi tzari ondare horretan dagokion zatia emanez. (Ikus Erregistro eta Notariotzaren Zuzendaritza Nagusiak 1986ko uztailaren 28an emandako ebazpena; ebazpen horrek desegite eta likidazio kontzeptuak bereizten ditu, erantzukizun mugatu ko sozietatearen inguruan). Likidazioa elkarren segidan gauzatzen diren eragiketen multzoa denez, denboraldi jakin bat iraun behar du sozietateak likidazio egoeran. Hori oinarri harturik, likidazioa egoera juridiko berezia dela ere esan daiteke; sozietateak egoera horretan iraungo du, bazkideen artean banatu beharreko sozietate onda sunen masa eratu eta banaketa hori gauzatu arte. 432. Likidatzaileen erakunde juridikoa.— Likidatzaileek dute likidazio eragiketak gauzatzeko ardura.