§ XXVIII. Erantzukizun mugatuko sozietatearen eraketa § XXIV. SOZIETATE ANONIMOA DESEGITEA LABURPENA: 416. Desegite kariak.—417. Legean nahiz estatutuetan jasotzen ez diren desegite karien onartezintasuna.—418. Sozietatea desegitea, batza orokorrak hartutako erabakiaren ondorioz.—419. Sozietatea desegitea, estatutuetan ezarritako epemuga hel tzearen ondorioz.—420. Sozietatea desegitea, bere enpresa edo xedea amaitzearen on dorioz.—421. Sozietatea desegitea, horrek ezin duelako bere helburua bete edota ezin diolako bere jardunbideari eutsi.—422. Sozietatea desegitea, galeren ondorioz.—423. Sozietatea desegitea, kapitala legeak ezarritako gutxieneko kopurutik behera urritzea ren ondorioz.—424. Sozietatea desegitea, bategitearen edo zatiketa osoaren ondo rioz.—425. Sozietatea desegitea, horrek porrot egitearen ondorioz.—426. Desegite kariak aplikatzeko modua.—427. Desegindako sozietateak bere nortasunari eustea.— 428. Desegitearen ondoreak.—429. Desegindako sozietateak bere bizitza aktiboa be rreskuratzeko aukera izatea.—430. Sozietateak nahitaez irautea.
416. Desegite kariak.—Sozietate kolektiboari buruzko gaian, desegitearen esanahia azaldu dugu (ikus 184. zk.). Hortaz, bertan jasotako oharbideak so zietate anonimoaren desegiteari ere aplika dakizkioke. Desegite karien inguru an, ordea, hainbat desberdintasun antzematen dira sozietate anonimoaren eta sozietate pertsonalisten artean. Sozietate anonimoan bi motatako desegite kariak ditugu: lege kariak eta estatutu kariak. a) Lege kariak 260. artikuluaren lehenengo sei zenbakietan zerrendatzen dira; egia esateko, zazpi kari jasotzen dira, hirugarren zenbakiak bi kasu des berdin barneratzen dituelako. Horrez landara, gogoan izan behar da sozietatea ren porrotak ere horren desegitea ekar dezakeela (260.2. art.). b) Legearen 260. artikuluaren 7. zenbakiak estatutu kariak aipatzen ditu; bada, argi dago lege kariaz bestekoak ezar ditzaketela estatutuek. Estatutu kari horien inguruan, dena den, zalantza bat sortzen da. Zehatzago esatearren, ez dago argi kari horiek eratze estatutuetako jatorrizko kariak bakarrik izan dai tezkeen edo, alderantziz, geroko estatutu aldarazpenetan desegite kari berriak jaso daitezkeen. Dirudienez, onartu egin daiteke