§ XLIV. Merkataritzako kontratua orokorrean LEHENENGO ATALA MERKATARITZAKO KONTRATAZIOA
§ XLIV. MERKATARITZAKO KONTRATUA OROKORREAN LABURPENA: 654. Kontratua zirkulaziorako tresna gisa.—655. Merkataritzako kontratu modernoaren fisonomia.—656. Merkataritzako kontratua enpresaren egintza gisa.— 657. Forma.—658. Absenteen arteko kontratazioa.—659. Merkataritzako establezi mendutik kanpo egindako kontratuak.—660. Kontratuaren froga.—661. Merkataritzako kontratuen interpretazioa orokorrean.—662. Erabereko kontratuen interpretazioa.—663. Merkataritzako kontratuen ondoriozko betebeharren eraentza berezia.—664. Betebehar horien preskripzioa.—665. Kontratuen sailkapena.
654. Kontratua zirkulaziorako tresna gisa.— Merkataritzako trafikoak ondare balioen zirkulazioa du helburutzat. Orokorrean, merkataritzako jar dueraren bidez gauza, eskubide nahiz zerbitzuak eskualdatzen dira ondare batzuetatik besteetara, edota zehatzago esatearren, titular batzuengandik besteengana. Zirkulazioa hainbat modutan gauza daiteke: lehenik, ondasun baten titularrak beste norbaiti ondasun horren gozatzea behin betiko eskualdatuz (elkartrukea); hurrenik, ondasun horren gozatzea aldi baterako lagaz (kre ditua) eta, azkenik, gozatze hori hainbat pertsonari erkidegoan emanez (elkar tea). Elkartrukea, kreditua eta elkartea dira, hain zuzen ere, zirkulaziorako oinarrizko bideak. Zirkulazioa gauzatzeko modua edozein izanda ere, Zuzenbideak babestu egin du berori. Arean, Zuzenbideak arautu egiten ditu ondasunak zirku lazioan jartzeko gizabanakoek erabiltzen dituzten bide edo tresna juridikoak eta, arauketa horretan, norbanakoen interesak ere zaindu egin ditu. Merka taritza zirkulaziorako bide edo tresna juridiko horiek kontratua