§ XVII. SOZIETATE ANONIMOAREN ORGANOAK: I. AKZIODUNEN BATZA OROKORRA LABURPENA: 298. Sozietate organoen kontzeptua eta motak.—I. AKZIODUNEN BATZA OROKORRA.—299. Akziodunen batza orokorra, sozietatearen organo eztabaidatzai le gisa.—300. Batzaren eskumenak.—301. Batza motak.—302. Batza orokor arrun ta.—303. Aparteko batza.—304. Batzarako deialdiaren betekizunak.—305. Epaileak batzarako deialdia egitea.—306. Batza unibertsala.—307. Batzen eraketa eta luzamen dua.—308. Erabaki jakin batzuk hartzeko beharrezkoak diren quoruma eta gehiengo berezia.—309. Batza orokorretara joatea.—310. Batzaren eztabaidak eta informazio es kubidea.—311. Botoa ematea.—312. Boto eskubidea egikaritzearen inguruko itun pribatuak. Akziodunen sindikatuak.—313. Boto eskubidea ordezkariaren bidez egika ritzea.—314. Sozietatearen erabakiak.—315. Batzaren akta.—316. Sozietatearen era bakiak aurkaratzea.—317. Erabaki deusezak eta deuseztakorrak.—318. Erabakiak aurkaratzeko legebideztaketa duten pertsonak.—319. Aurkarapen akzioen iraungita suna eta preskripzioa.—320. Aurkarapenaren ondoreak.—321. Auzibidezko arauak eta epaien inskripzioa Erregistroan.
298. Sozietate organoen kontzeptua eta motak.— Sozietate anonimoa, nortasuna duen erakunde juridikoa denez, organo batzuez baliatu behar da bere barne eta kanpo jarduera gauzatzeko. Antolaketaren inguruko teoriak garrantzi berezia du sozietate anonimoan, sozietate hori kapitalista eta gizatasunik gabe koa den aldetik. Pertsona fisikoek edo pertsona anitzek osatzen dituzte sozietatearen orga noak; izan ere, erakundearen borondatea adierazi edo betetzeko ahalmena ema ten die legeak pertsona horiei. Hori dela eta, sozietatearen helburuak betetzeko beharrezkoak diren jarduera juridikoak gauzatzen dituzte pertsona horiek. Legeak bi organo mota bereizten ditu: a) Akziodunen batza orokorra; organo eztabaidatzaile horrek hartzen dituen erabakien bidez, sozietatearen bo rondatea adierazten da. b) Administratzaileak; organo betearazle horrek, so