PROGRAMA ELECTORAU CORRÒP - LES 2015 Eth programa que vos presentam de contunh exprimís eth compromís collectiu de totes es persones qu'auem participat ena sua redaccion, e ei frut tanben des aportacions e suggeriments de diferenti vesins e vesies deth pòble que, de forma desinteressada, i an collaborat damb es enquèstes o damb aportacions dirèctes. Ei donques un document elaborat de forma participativa e a compdat damb aportacions de nombroses persones as que volem dar es gràcies. Acieu auetz un tastet des nòstes prepauses, era version longa deth programa la podetz lièger e comentar online.
LES EI DEMOCRATIC E PARTICIPATIU
Audiéncia publica annau e consultes periodiques as ciutadans. Pressupòst municipau participatiu. Informacion clara e dirècta de totes es accions, mesures, contractacions e plens. Reforma web municipau entara tramitacion, informacion e participacion online. Limitacion de mandats e salaris. Revision des impòsti municipaus. Plan Director de Participacion Ciutadana. Informacion as associacions e particulars sus possibles subvencions.
LES SE PROMOCIONE
Plan de promocion des actius toristics de Les. Creacion dera imatge digitau de Les e promocion online. Assessorament empresariau tà comerçants e petiti empresaris e enterprenaires. Accés wifi gratuït entà toristes. Dubertura deth burèu d’informacion toristica en època de nauta afluéncia. Promocion deth termalisme damb era categorizacion de Les coma vila termau. Campanhes comerciaus e hèires artesanaus. Mediacion entre propietaris e enterprenaires entara dubèrtura de naui comerci. Itineraris de descubèrta deth patrimoni adaptats ath torisme familhau (educacion ambientau e descubèrta culturau). Apòsta peth torisme actiu (BTT, trail running...) damb itineraris e corses. Projèctes de connexion damb Occitània: transpòrt public e pista ciclable. Melhora dera imatge toristica deth pòble, reau (espaci public, entrades ath pòble) e digitau (web, hilats sociaus, posicionament, plan comunicacion digitau). Estudi entara redubertura dera aubèrja Matacabòs. Campanha entà potenciar eth patrimòni immateriau coma un referent culturau en Pirenèu. Estudi de viabilitat e finançament d’un centre d’interpretacion deth patrimòni immateriau e dera termièra.
LES EI CULTURA IDENTITAT E CIVISME
Occitanitat e internacionalitat dera Hèsta Major. Comission d’hèstes actiua, participatiua, implicada e autogestionada. Digitalizacion der Arxiu Calzado. Politiques de defensa dera lengua, cultura e identitat aranesa e occitana. Redubertura de ràdio Les. Campanhes de promocion deth civisme (parcatge, excrements, eca.). Supòrt ara difosion e creacion culturau.
LES PLANIFIQUE ETH SÒN FUTUR
Redaccion de planejament urbanistic : POUM e catalòg de bòrdes e cabanes. Processi participatius d’informacion e decision de projèctes urbanistics. Promocion dera reabilitacion d’abitatges tradicionaus e deth loguèr sociau. Pavimentacion non agressiua deth pati dera escòla. Mantenença de zònes verdes e adaptacion der espaci public coma lòc de convivéncia (places, zones de passejada, parcs infantils, eca.). Adaptacion des naui espacis a persones damb problèmes de mobilitat. Linhes d’ajuda entà situacions de praubesa energetica. Plan locau d’abitage. Apòsta pes naues tecnologies: 4G, cobertura mobila, formacion en Punt Òmnia.
LES EI SOSTENIBLE
Mantenença der hilat de camins publics ruraus. Era Lana espaci pagès, verd, tranquil, de léser e espòrt. Incentius fiscaus entara recuperacion de finques abandonades. Recuperacion dera hèira dera oelha aranesa. Uarts municipaus sociaus. Melhora dera imatge deth pòble en eish N-230. Installacion de paperères e d’aute mobiliari urban. Lenha comunau.
LES SUENHE ARA SUA GENT
Apòsta pes cicles de grad superior ena Escòla d’Ostalaria de Les. Espaci de ludoteca entàs joeni. Dubertura dera escòla mairau municipau. Supòrt ath minjador escolar. Senhalitzacion de rotes esportiues (trail running e BTT) e de léser actiu. Formacion e ajudes a projèctes dera joenessa. Centre de dia tara gent grana. Politiques d’acuelhuda entàs nauvengudi. Supòrt e ajudes as associacions deth pòble.
corrop.wordpress.com
www.facebook.com/CorropAran
info.hercorrop@gmail.com
www.twitter.com/Corrop_Aran
Version estenduda deth programa electorau entàs eleccions municipaus Les 2015:
Acte centrau de campanha: Dijaus 21 de Mai entàs 20 Ores ena Sala d’actes der Ajuntament de Les