BurlataTB 13-14

BurlataTB - Aspaldian

2013 - 2014 Memoria

Aspaldian 2014-09-04 Burlatako euskaldun zaharrekin antzineko kontuei buruz aritu gara hizketan azkeneko hilabete hauetan. "Aspaldian" izenpean grabaturiko bideo txiki hauetan 16 auzokide gerturatu dira gure pantaila txikira. Osotara ia 50 minutu hartzen duten 10 bideo hauek, askotan gure begien aurrean izanda ere, oharkabean pasatzen zaigun ondarearen lagin txiki bat besterik ez dira.

Euskaraz bizirik mantendu duten gure bizilagun hauengana jo nahi izan dugu euren iritzi eta esperientzien berri hurbiletik jasotzeko. Bestetik, haien ahotik entzundako pasadizoen bidez, gure herriak izandako bilakaera ere pixka bat hobeki ezagutzeko parada izan dugu. Jakin badakigu agertzen direnak baina askoz gehiago badirela, baina egindakoa errealitatearen islada txiki baten gisara hartu behar da.

Saio hauen sailarekin ere, emanen dugu bukatutzat 2012. urtean martxan jarritako BurlataTB izeneko egitasmo xume hau. Gure txikitasunetik abiaturik, uste dugu bete dugula gure hasierako helburua, hau da, agerian geratu da Burlatan badagoela non eta norekin aritu euskaraz, beraz, gure esku ere badago praktikan jartzeraren ardura. Era berean, baieztatu ahal izan dugu euskaraz bizi nahi dugunon eskubideak bermatuak izan daitezen, instituzioen aldetik beste jarrera bat guztiz beharrezkoa dela.

Halaxe bada, koplak dioenez "hauxe da despedidia". Gure aldetik, zuen denbora eta arreta eskaini diguzuen guztiei, berriz ere, esker onak ematea besterik ez zaigu geratzen. Hemendik aurrera matraka gehiagorik ez dizuegu emango, hala ere gogoratu... maita dezagun gutxio eta goza dezagun gehiago.

ASPALDIAN Bideo

Noiz

Solaskide

Denbora

MB

Nortzuk

I II III IV V VI VII VIII IX X

17/10/13 07/11/13 19/12/13 19/01/14 05/02/14 01/03/14 06/04/14 08/05/14 03/06/14 03/07/14

4 2 2 1 1 2 1 1 1 1

00:08:34 00:04:29 00:04:28 00:05:59 00:02:55 00:05:35 00:03:28 00:04:01 00:05:00 00:03:01

379 195 170 263 125 245 132 154 191 130

Juan Jose, Maritxu, Tomas eta Dolores Tere eta Pontxi Maria eta Hilario Xabier Be単at Martina eta Tere Miguel Agurne Gero Josefina

13-14

04/09/14

0

00:01:59

79,2

16

00:49:29

2063,2

BurlataTB

1

Galdetegia 1. Noiz eta nondik etorri zinen Burlatara?

2. Nola zen garai horretako Burlata?

3. Nolako harremanak zenituzten auzokideen artean?

4. Garai horretako egoera eta gaurkoa alderatua, zeintzuk dira antzekotasunak eta ezberdintasunak?

5. Non eta norekin aritzen zineten euskaraz?

6. Tokirik ba ote zuen euskarak etxeko eta lagun arteko giroaz aparte?

7. Euskaldun bezala, nola ikusten duzu euskararen egoera gaur egun? Hobeto ala okerrago gaude?

8. Belaunaldi berriak (hau da, haurrak eta gazteak), euskaraz aritzeko nola animatuko zenituzke?

Aspaldian 2013-10-17 Aurreko batean esaten genuenez, honetan aritu garenontzat, oso aberasgarria izan da joan den denbora honetan izandako esperientzia hau. Izan ditugun solasaldietatik bi ondorio nagusi atera ditugu. Batetik, Burlata bizirik dagoela, hau da, gure kaleetan mota askotako ekintza eta jardunak garatzen direla. Bestetik, zeregin horietan aritzen diren lagunen alde garrantzitsu bat euskalduna dela. Baina horrela izan al da beti?

Dakigunez, gure herriak aldaketa handiak jaso zituen mendearen azkeneko hamarkadetan.

Populazioa izugarri hazi zen, eta horren ondorioz herria bera fisikoki asko handitu zen.

Pentsakera eta giza-harremanetan ere eman zen bilakaera ez zen txikia izan. Testuinguru aldakor honetan euskaldunek hizkuntzari eusten jakin izan zuten, are gehiago, gaur egungo belaunaldi berriekin euskara indarberriturik atera da.

Honetan pixka bat gehiago sakontzeko eta aspaldian kontu hauek nola ziren jakin nahian, bertako adineko euskaldun zaharrengan jotzeko asmoa dugu hurrengo hilabeteetan. Izan ere, haiek izango dira, inor baina hobeto, garai horietan gauzak nola ziren kontatuko digutenak.

Horrela bada, bideo-kameraz lagundurik egindako gure ibilbide hau ez dugu momentuz amaitutzat emango. Beraz, orain arte gure lantxoak jarraitu dituzuenok, hemendik aurrera ere gurekin bat egiteko animatu nahi zaituztegu. Jakin badakigu ikusle asko ez izanda ere, oso fidelak zaituztegula, horregatik, ez dugu amaitu nahi zuei eskerrak eman gabe.

BurlataTB

2

JAIAK 2014 Noiz 16/08/14 17/08/14 18/08/14 19/08/14

BurlataTB

Radikal Fruits – Zu atrapatu arte Erraldoiak, dantzariak, herri-kirolak..

The Icer Conpany – Itoiz gogoratuz Euskaraz bizi eguna

Denbora

MB

00:01:59 00:03:33 00:02:14 00:03:59

91,6 156 94,4 167

00:11:45

509

3