Nel númberu de Brixel del añu 2014, los llectores van poder atopar dos artículos de fondu sobre la poesía de Kavafis y d'Eugénio d'Andrade, entrevistes colos escritores Consuelo Vega y Xurde Álvarez y cola editora Marina Lobo (Impronta). Tamién se recueyen poemes d'Eusebio Lorenzo Baleirón que traduz Antón García, y cuatro cuentos de José Luis Rendueles. Raquel Friera analiza lo que representó la primer edición d'El Principín n'asturianu, hai yá trenta años; Rosario Hernández da un repasu a la escena neorrural asturiana, y Carlos Aparicio asómase al llegáu artísticu de la familia Masaveu. Les voces de Xosé Bolado y Sibisse Rodríguez completen un númberu onde nun falten les reseñes de lo más destacao que se publicó n'asturianu nos últimos doce meses.