20
Deporte
Diasabra 18 di Mei 2013
AWEMainta.com
Frank Lampard ta spera e regreso di Jose Mourinho
E mediocampista di Chelsea, Frank Lampard a bisa diabierna cu e entrenador portugues di Real Madrid, Jose Mourinho ta e mihor tecnico di cual a traha a lo largo di su carrera como futbolista. Riba e rumor den Reino Uni cu ta situa e portugues den Stamford Bridge e siguiente temporada, Lampard a bisa cu si ta bon su yegada t’e ainda no ta confirma, e idea di traha cun’e ta fantastico. E internacional ingles, di 34 aña, cu ya tabata na ordo di Mourinho di 2004 pa 2007, el a bisa cun’e na cabes tur cos lo bay hopi bon. E spaño Rafael Benitez lo dirigi diadomingo su ultimo wega di liga ingles como entrenador di Chelsea, poco dia
despues di a guia su team na conquista Europa League den un final contra Benfica. “Ta resulta tristo tin cu sali ora tin un grupo di hungador creciendo, ganando y birando mihor”, Benitez ta lamenta. Lampard, sin embargo, a mustra su deseo cu Mourinho ta yega: “Mi ta kere cu Mourinho lo bolbe na pone e team den movimento. A demostra su capacidad den Porto, cu nos, den Inter y den Real Madrid”, e mediocampista a bisa. Chelsea lo hunga diadomingo contra Everton su ultimo wega di temporada y lo trata di bay cu tres punto pa sigura di tres lugar di e tabla, cu ta duna acceso directo na UEFA Champions League.