AWEMainta.com
Deporte 19
Diaranson 8 di Mei 2013
ALEX Rodriguez a train bek pa prome biaha desde cu a opera su heup banda robes cuatro luna pasa. E tercera base tabata den un grupo di lesionado di New York Yankees cu a participa den un training den e sede di
liga menor di e club na Tampa, Florida. Rodriguez, di 37 aña, por a core, catch bala y bat. “Tabata parse ora mi tabata tin ocho aña y mi a gara un bat pa prome biaha”, Rodriguez a bisa. “Mi kier bolbe pronto”, el
A-Rod a cuminsa train bek
a bisa. Rodriguez a opera dia 16 di januari y por reaparece cu Yankees despues di All star, na mitar di Juli. “E ta excelente pone atrobe e uniform”, Rodriguez a bisa.
“Tabata un periodo dificil cu e rehabilitacion”. Rodriguez ta cumpli na e momento aki e programa di rehabilitacion cu ta tuma lugar pa 30 dia, di cual ta sigui pa su dokternan y e team. “Nos ta tumando tramo
di cuatro siman cada uno”, Rodriguez a indica. “Mi tin hopi cos pendiente”, Rodriguez a bisa, cu tabata tin un temporada floho e temporada 2012. “Mi kier bolbe na e terreno 100% y ta esun cu tur hende conoce”.
Informacion pa studiantenan cu a aplica pa prestamo di estudio 2013-2014 Departamento di Enseñansa, seccion Facilidad pa Estudio y Guia, ta invita tur studiante cu a aplica pa un prestamo di estudio di Gobierno di Aruba, pa pasa busca e carta relaciona cu otorgamento di dicho prestamo. Fecha: diasabra 11 di mei 2013 Ora: 8.00 am pa 4.00 pm Luga: Codemsa Building Piso 1 Cumana 69 Si tin cualkier pregunta, por tuma contacto libremente cu Seccion Facilidad pa Estudio y Guia na telefon 588-7600, fax 588-7601 of e-mail arubalening@ea.aw.