bosque s.m. Monte poboado de árbores. Os animais do bosque. CF. foresta.
Unha carballeira é un bosque de carballos.. SIN.fraga.
Esta mesma semana comezan os contacontos. Para a seguinte, algúns cursos irán de excursión facultativa ao bosque de San Roque, chámase Parque de San Roque , pero ten algo do bosque segundo a sabia definición do Dicionario Dicionario da Real Academia Galega, alega que é o que eu uso. Hai outros dicionarios e é bo que saibades o seu nome; non vaia ser que equivoquedes o nome dun dicionario co dunha rúa, poñamos por caso. San Roque é monte e está poboado de árbores. Non hai máis nada que dicir. Levaremos un caderno de campo no que anotaremos as nosas observacións e unha guía experta que nos acompañará na viaxe. Esa mesma experta no tema darános unha charla-conferencia. Igual unha video-conferencia. Somos tan modernos. Encántanme os dicionarios. Teñen toda a información. Saben até o que imos traballar ao longo deste curso: Os animais do bosque. Si, si, si, sí… Claro que si. Como é posíbel?
CF. Que é iso
Club de fútbol CF. foresta Así se chama agora o Celta Non sexades bestas! CF foresta vén sendo:compárese coa palabra foresta .Que bonita a palabra foresta! En inglés forest; en portugués, foresta; en castelán, foresta tamén. Un exemplo de bosque tipicamente galego: unha carballeira é un bosque de carballos. En
cursiva para que vos enteredes. SIN.fraga. SIN é sinónimo, outra maneira de dicir unha palabra , neste caso “bosque de carballos”, é dicir, unha fraga. Internémonos na fraga. Non teñades medo. Este é o plan:
1- CONTACONTOS E GUÍA DE USUARIOS/AS PARA INTERNARSE NO BOSQUE DA BIBLIOTECA DA ESCOLA. 2- SAÍDA FACULTATIVA A SAN ROQUE. 3- VIDEOCONFERENCIA 4- CADERNO DE CAMPO
Até pronto.
Rato