PDI LENDO LENDO LENDO O MUNDO PERCORRENDO. CEIP ADR CASTELAO RIANXO
O PAXARO RENO Cando Papá Noel e os renos máxicos, aos cales a súa grosa pel lles protexía do frío das terras do norte, chegaron por primeira vez a Australia, os lombos dos renos cubríronse de pingas de suor, porque alí era pleno verán e o clima estaba caldeado polas longas horas de sol. Os renos non podían seguir voando e pousábanse no chan fatigados e arfando, incapaces de avanzar. -Cáspita! -exclamou Papá Noel a primeira vez que lle sucedeu-. Que vou facer agora? Como chegarei a entregar os regalos a todos os nenos de Australia? -frotábase pensativamente a fronte. Entón viu un crocodilo mariño. Era tan grande que, pensou, seguro que non tería ningún problema en arrastrar o carro. -Crocodilo, serías tan amable de tirar da miña zorra para que poida repartir os regalos aos nenos? Claro que si -respondeu o crocodilo, e abriu as fauces de tal xeito que a piques estivo de tragarse a zorra enteira, cos regalos de sobremesa. Pero, Papá Noel interpúxose e espantouno. Apareceu entón un canguro dando brincos, levando ao seu filliño na bolsa, e achegouse ao ancián vestido de vermello para prestarlle axuda. -Canguro, serías tan amable de tirar da miña zorra para que poida repartir os regalos aos nenos? -Claro que si -respondeu o canguro colocándose a brida, pero comezou a brincar con tal impetú que os regalos saíron disparados por todas partes! Mentres Papá Noel recollía os paquetes do chan, viu un paxariño redondiño e de pico longo e ás curtas que o miraba desde o chan. -Paxaro kiwi, serías tan amable de tirar da miña zorra para que poida repartir os regalos aos nenos? -Claro que si -respondeu o paxaro kiwi-, pero con estas pequenas ás, non podo voar e non podería levar a túa zorra polos aires. E Papá Noel botoulle por riba uns pós máxicos, os que usaba para que os seus renos voasen, e o paxaro kiwi puido elevarse e tirar da zorra. Os koalas, os canguros, os crocodilos e os nenos acenderon todos pequenos farois para que o paxaro kiwi atopase as súas casas na escuridade da noite. Desde ese día, o paxaro kiwi pode voar durante unha noite cada ano, e os nenos de Australia reciben puntualmente os seus regalos.
PDI LENDO LENDO LENDO O MUNDO PERCORRENDO. CEIP ADR CASTELAO RIANXO
TRADICIÓNS DE AUSTRALIA
Meri Kirihimete
É moi común que os regalos os traia Swag Man, que vai vestido cunha camiseta azul e unhas bermudas ben anchas... E viaxa sobre unha táboa de surf! Ademais do pavo e o xamón cocido habitual, os australianos soen comer tortas de carne. Aderezadas cun pouco de ketchup. Están riquísimas! A xente reúnese en Melbourne para cantar panxoliñas nun festival chamado cancións á Luz das Candeas, na que todo o mundo leva unha candea acendida.