Númberu 88 ·· Xunetu Xunetu // Agostu Agostu 2008 2008 Númberu
Muérganu d’información d’Andecha Astur
Andecha Astur énte la reforma l’Estatutu
Pilpayu, un documentu a Conceyu Abiertu (pax. 4)
Entama la campaña ¡Queremos Votalu!
(pax. 3)
Recursos a Autorizaciones Ambientales Integraes (pax. 5) Continúa la campaña escontra les 65 hores (pax. 5) LLANES Rehabilitación del Cuetu Baxu (pax 5) Centru Salú (pax. 6) Ordenación del Tráficu (pax. 6) NAVA Llinia Sotu-Penagos (pax. 6) AVILÉS Puertu esportivu (pax. 7) VILLAVICIOSA Desapaición de panera del s. XVIII (pax. 7) XIXÓN Sofitu a ReFLEXon (pax. 7)
Info
(pax. 2)
1
CONCENTRACIÓN
¡Queremos Votalu! Andaluces, catalanes, gallegos, vascos... pudieron votar el so Estatutu...
¿Por qué los asturianos nun podemos votar l’estatutu? Losylesasturianestenemosderechu adecidirsobrelosquenosafecta
Miércoles 13 d’agostu a les 13:00 hores na Xunta Xeneral
UVIÉU
WWW.ANDECHA.ORG
Andecha Astur énte la reforma l’Estatutu Dende Andecha Astur analizamos esta segunda reforma del «Estatuto de Autonomía para el Principado de Asturias» atendiendo al fechu ciertu de que’l mencionáu «Principado» y la ellaboración del so «Estatuto de Autonomía» nun son resultáu de la voluntá soberana del Pueblu Asturianu, sinón de la imposición del Estáu español, destacando incluso, qu’a diferiencia d’otros pueblos, a los asturianos enxamás nun se mos permitió pronunciamos democráticamente sol tema. De magar esta rialidá, atalantamos que’l «Principado» y el so «Estatuto de Autonomía» (y les sos posibles reformes) nun puen ser de recibu pa dengún asturianu que se considere demócrata. Poro, esta rialidá política d’angüañu impónmos la responsabilidá d’ocupamos d’esta reforma estatutaria, porque condiciona fondamente’l futuru más prósimu de la nuesa nación ya qu’afitará’l marcu políticu nel que’l conxuntu de la sociedá asturiano va a movese de forma obligao. Nesi sen, plantegámonos dos niveles d’actuación. L’estratéxicu, que ye inamovible: la única validez de la fórmula estatutaria comu pasu intermediu haza la reconocencia de la soberanía nacional asturiana. Y el táuticu, qu’entendemos tien d’encontiase nes grandes contradiciones nes qu’entra l’Estáu español y los sos partíos títeres nel nuesu país al defender un «Estatuto de Autonomía» impuestu, afondando nel fechu de que nun sólo nuny reconoz a Asturies el mesmu techu competencial qu’a otres «Comunidaes Autónomes» sinon, y sobre too, nel agraviu comparativu que supón qu’a los asturianos, a diferiencia d’andaluces, catalanes, gallegos, vascos, etc., ensiquiera se mos permita votar nin la istitución, ello ye, el «Principado», nin l’estatutu políticu pol que-mos quere-
Sofitu a l’ALLA Tres conocer la redaición del artículu 4 del «Estatuto de Autonomía para el Principado de Asturias», y tres el llamáu fechu pola Academia de la Llingua Asturiana a la sociedá asturiana p’amosar la so refuga nun actu públicu cellebráu nel Auditoriu d’Uviéu el pasáu 17 de xunetu, Andecha Astur, pesie a tar presente nesi actu, quixo tresllada-y per escrito a la presidenta de l’ALLA, Ana María Cano González, la coincidencia na deceición y esmolecimientu énte’l resultáu de la reforma del Estatutu d’Autonomía na tema llingüística, tres comprobar que na so redaición nun solo nun se reconocen los drechos llingüísticos del Pueblu Asturianu sinon que s’avanza descomanadamente haza la segregación llingüística del occidente d’Asturies. Ello asina, Andecha Astur amosó-y la so solidariedá dafechu na defensa de la integridá llingüística asturiana y nel so llabor de desixir que l’asturianu, comu llingua del pueblu d’Asturies, algame l’estatus xurídicu qu’afite la so sobrovivencia. mos rexir. Esti aspeutu discriminatoriu qu’el conxuntu de la sociedá asturiana percibe comu ciertu y difícilmente desplicable sólo lu podemos entender comu la espresión política evidente del proyeutu asimilacionista del Estáu español p’Asturies. De los partíos políticos españoles (PSOE, PP, IU) Asturies sólo pue esperar nacionalismu español. La non reconocencia de la oficialidá del asturianu, la segregación llingüística, social y económica del ocidente’l país, la precariedá llaboral, la emigración forciada de la mocedá, el problema demográficu… nun son elementos independientes sinon un conxuntu, un too, que ye consecuenInfo
2
cia de la situación antidemocrática y de conflictu políticu que carez Asturies. Poro, Andecha Astur propón que, polo menos, se someta a votación la reforma del «Estatuto de Autonomía para el Principado de Asturias» dende’l convencimientu de que la sociedá asturiana enxamás nun almitiría un estatutu políticu que mos discrimine respeutu al restu de «Comunidaes Autónomes» del Estáu español y de que permitir al Pueblu Asturianu opinar respeutu al marcu políticu nel que quier desendolcase supondría asoleyar el braeru alderique de fondu: la soberanía nacional asturiana.
www.andecha.org Prósimes convocatories
Entamemos la campaña «¡Queremos votalu!» Andecha Astur ta acabante d’aniciar la campaña vindicativa «¡Queremos votalu!», nel contestu de la reforma del «Estatuto de Autonomía para el Principado de Asturias». Cola mesma, queremos denunciar qu’a los asturianos y asturianes nin siquiera se mos va permitir votar el nuevu Estatutu d’Autonomía, asoleyando asina parte del conflictu democráticu que carecemos n’Asturies. La campaña consiste na distribución pel país de dellos materiales: cartelos y pegadielles col lema «¡Queremos votalu!», un panfletu informativu y un documentu políticu, abiertu a les aportaciones de tol mundiu, que ta colgáu na páxina web xunto a unes normes pa participar na so ellaboración. Dientro la campaña tamién hai programaes movilizaciones. La primer d’elles va ser una concentración n’Uviéu, delantre la Xunta Xeneral d’Asturies (cai Fruela), el miércoles 13 d’agostu de magar les 13’00 hores. Más información, comu siempres, na páxina web de la organización: www.andecha.org.
Miércoles 13 d’Agostu a les 13 hores. Concentración ¡Queremos Votalu! Xunta Xeneral - Uviéu Domíngu 24 d’Agostu Aniversariu de la Declaración Soberanía de 1937 - 18 hores Plaza’l Parchis - Xixón Dempués Espicha nel llar d’Andecha Domingu 8 Setiembre. Manifetamientu Díi de la Nación Asturiana. Uviéu. 13 hores. Estación RENFE
PP ya IU favorecen l’inmovilismu del PSOE Andecha Astur pidió-y públicamente al Partido Popular (PP) y a Izquierda Unida (IU) que dexen de xugar a «poli bonu, poli malu», favoreciendo asina les pretensiones inmovilistes del PSOE, na negociación de la reforma del Estatutu d’Autonomía. Amás, remembróse-yos a dambes organizaciones que, si quieren, tienen la capacidá política d’imponese al PSOE en cuestiones ellementales que’l conxuntu de la ciudadanía asturiana persabe que son drechos básicos, comu la oficialidá de la llingua asturiana o’l drechu a poder votar la redaición final del documentu estatutariu. Andecha Astur llamenta esta actitú especialmente n’IU, que primero defendió públicamente la opción del refrendu y agora que lo fae el PP desmárcase y posiciónase col PSOE que «no ve necesario que los ciudadanos puedan votar el Estatuto». Andecha Astur entrúgase que pasó n’IU pa que’l 11 de
xunetu Francisco Javier García Valledor manifestare que «la celebración de un referéndum es una medida necesaria y acorde con la posición histórica de IU en Asturias» y etres díes dempués, Jesús Iglesias se desmarcare de la opción del refrendu emplegando argumentos increyibles, talos comu que «teniendo un desacuerdo tan grande comu tenemos con este Estatuto de segunda, no le vemos sentido a cerrarlo con la celebración de un referendum». Too ello cuandu precisamente el que mos traten d’imponer esti «Estatutu de la vergoña» ye lo que podría mover a una gran parte de la ciudadanía asturiana a dicir NON al mesmu. A la fin, Andecha Astur camienta que dende los partíos nacionalistes españoles (PSOE, PP ya IU) tan faciendo una xugada maxistral pa impone-y al Pueblu Asturianu, otra vuelta, un Estatutu d’Autonomía de tercera que nun Info
3
podremos votar, un auténticu «Estatutu de la vergoña».
Torgues pa poner los topónimos nos DNI
«Pilpayu» un documentu a Conceyu Abiertu Andecha Astur ufre al conxuntu de la sociedá asturiana la posibilidá de participar direutamente nel documentu «Pilpayu», onde s’analiza l’Estatutu d’autonomía «del Principado» y la so «reforma».
Andecha Astur recibió estes selmanes caberes, enforma de denuncies de delles persones sobro les torgues que teníen a la hora d’anovar el DNI énte la ñegativa de los funcionarios de camudar los nomes castellanizaos de los pueblos polos topónimos asturianos tradicionales y oficiales aprebaos apocayá. La ñegativa yera acompañada del pidimientu de los documentos del padrón de los llugares onde vivíen ya incluso de los camudamientos nes partíes de nacencia, afitando qu’ehí ye aú vien el nome «real» del llugar de residencia y desacreditando’l restu documentos. Andecha Astur quier espresar qu’estos intentos nun son más qu’un pasu más pa torgar el drechu de los asturianos a vivir n’asturianu, intentos españolistes qu’amuesen que nun ye posible vivir con normalidá nun país onde nun se reconocen los drechos humanos más básicos y onde nin siquiera se pue poner en tolos documentos el nome oficial del llugar onde se vive o nació. Una vuelta más tenemos que denunciar que nun ye de recibu responsabilizar a la población de camudar esos nomes cuando deberíen ser les propies alministraciones les que los empleguen de forma correuta. Andecha Astur quier, una vegada más, dexar ñidio que la única midía efeutiva. pa torgar estos ataques al nuesu idioma ye la so declaración d’oficialidá.
Nos prósimos díes, Andecha Astur va asoleyar un documentu abiertu, nel que s’analiza la situación aniciada cola reforma del “Estatuto de Autonomía para el Principado de Asturias” y énte la necesidá de da-y al mesmu una rempuesta conxunta dende’l nacionalismu d’izquierda. El documentu va presentase a alderique abiertu al oxetu de que seya más permeable a toles collaboraciones, individuales o colleutives. Nel momentu de la presentación ampliaráse la información y asoleyaránse les fórmules de participación. Trátase d’una esperiencia pionera cola qu’Andecha Astur ufre a la sociedá asturiana a participar direutamente y ser protagonista nun alderique qu’atalantamos tien de ser lo más abiertu y plural posible, al oxetu de que’l documentu final recueya lo meyor posible les estremaes sensibilidaes esistentes dientru’l conxuntu del pueblu asturianu Les collaboraciones podrán facese tanto vía internet comu per corréu ordinariu, finando tol procesu cola cellebración d’un Conceyu Abiertu nel que podrá participase con drechu a voz y votu ensin necesidá de ser miembru de la muerganización, y nel que s’aprebará un documentu definitivu col conxuntu de les aportaciones recibíes. Podeis afayar más información de tol procesu participativu na ueb d’Andecha Astur (www.andecha.org)
Asturies con Cuba Cientos de persones solidarizáronse con Cuba el pasáu 24 de xunetu, a dos díes del 50 cabudañu de la Revolución Cubana. Un manifestamientu convocáu pol Comité de Solidaridá Cuba-Venezuela percorrió les cais de Xixón, entamando na Plaza L’Humedal y finando na Playa de Poniente con un actu políticu. Darréu hebio una folixa cubana nel chigre «La Bodeguita del Medio». Na movilización, cientrada na refuga a la «posición común europea escontra Cuba», tovieren presentes Andecha Astur y Darréu, asina comu refuxaos colombianos n’Asturies ya independentistes castellanos. Info
4
Conceyos
www.andecha.org
Recursos a autorizaciones Ambientales Integraes Nestos meses caberos, llevamos presentaos una montonera Recursos a toa una riestra de autorizaciones ambientales integraes a empreses que, nidiamente, nun cumplen colos requisitos mínimos pa ello pero que se beneficien de la permisividá del «Principado» nestes custiones, colos desastrosos efeutos qu’ello acarreta pal mediu ambiente y los vecinos. Concretamente nel mes de xunetu presentárense los recursos que vienen darréu: - Recursu Autorización Ambiental Integrada a la empresa Caleras de San Cucao en Agüera - Recursu a l’Autorización Ambiental Integrada a la empresa Cementos d’Aboño asitiada en Carreño - Recursu a l’Autorización Ambiental Integrada a la empresa Química del Nalón - Recursu Autorización Ambiental Integrada a la empresa Industrias Doy-
Manuel Morate, S.L de Trubia - Recursu a l’Autorización Ambiental Integrada a la empresa Celulosas d’Asturies de Navia - Recursu Autorización Ambiental Integrada a la empresa Cementos de Tudela Veguín d’ Uviéu - Recursu Autorización Ambiental Integrada a la empresa Química Farmacéutica Bayer de Llangréu
LLANES
Rehabilitación del Cuetu Baxu Nun entendemos que l’Ayuntamientu Llanes entame una rehablitación del centru hestóricu nel barriu conocíu comu Cuetu Baxu que comprenda, amás del remocique de la cai, pintar las fachadas ya iguar los teyaos de casas particulares y negocios privaos. Andecha Astur entiende que la rehabilitación por parte del ayuntamientu nun tien que constituyir la igua de les cases particulares sino de los bienes comunes y públicos. L’Ayuntamientu Llanes debería potenciar y sofitar a los vecinos pa que remociquen las casas y el barriu pero nun h.acelo él. Dende Andecha creyemos qu’esto sienta un precedente ñegativu que h.az diferencias ente vecinos y qu’amás, con un ayuntamientu como’l nuestru, nun tardarán en pintase antes unas fachadas qu’otras. Precamos al ayuntamientu a que seya más seriu nas actuaciones qu’entame y que tenga presente’l bienestar y los intereses de tolos llaniscos Info
5
Continúa la campaña escontra les 65 hores
Demientres estos meses Andecha Astur sigue presentando pelos ayuntamientos asturianos la so propuesta de posicionamientu escontra les 65 hores selmanales que vien d’aprebar la Xunión Europea. Fasta la fecha entá nun recibiemos denguna rempuesta de los ayuntamientos onde fuimos presentando la moción, daqué qu’entra dientru de la falta de mecanismos de participación democrática que se da tanto nos ayuntamientos del PSOE comu de los del PP ya IU, pero en tou casu,dende Andecha Astur consideramos perimportante esta iniciativa porque a la fin, permite a los ayuntamieno asumir la parte de responsabilidá que-yos correspuende. Hai de remembrar que la propuesta d’Andecha Astur recueye: la reclamación del drechu d’Asturies a cuntar con representación propia na Xunión Europea, refugar el comportamientu del Ministru de Trabayu español (astúvose na votación), refugar la direutiva y nun facer usu de la mesma, nin contratar a denguna empresa qu’aplique l’ampliación del llímite de la xornada llaboral fasta les 65 hores, pidir a la Xunta Xeneral l’aprebación de idéntiques midíes a les equí espuestes.
NAVA Siguimos trabayando escontra SotuPenagos
Conceyos LLANES
Mal furrulamientu del Centru Salú
A
ndecha Astur desixó-y al Ayun tamientu Llanes que xixilare’l fu rrulamientu del centru salú de la capital del conceyu. Nes selmanes caberes la nuesa organización recoyó delles quexes sobro les deficiencies que presenten los servicios d’atención primaria demientres el branu, tiempu nel que la población del conceyu multiplícase por cuatru. Nun ye normal qu’esista namás qu’una ambulancia pa tol conceyu y que les más de les vegaes tenga qu’allegase dende’l mesmu hespital de Les Arriondes. Tampocu ye de recibu que nun se cubran les places de la mayor parte de los especialistes, qu’aprovechen el branu pa garrar vacancies. Dende Andecha Astur pidímos-y al Ayuntamientu Llanes que mire pol interés de la vecindá y que-y desixa a la Conseyería de Salú y Servicios Sanitarios el personal y les infracadarmes ne-
El pasáu 28 de xunetu el Coleutivu d’Afeutaos por SotuPenagos en Nava entamó un conceyu informativu, al qu’asistieren unos trenta vecinos de los pueblos de Sierra y El Solanu, principalmente, pa desplicar les aiciones a entamar tres l’anuncia de «Red Eléctrica Española» (REE) de «pasáse pol forru» la sentencia del Tribunal Superior de Xusticia de Madrid, de fecha 24 d’abril, que paraliza el proyeutu de llínia llétrica d’alta tensión ente Sotu La Ribera y Penagos por nun tener estudiu d’impautu ambiental. Nel conceyu aprebóse desixir al Ayuntamientu Nava la suspensión del conveniu robláu con REE pa llantar un trazáu alternativu al previstu nun entamu y denunciar xudicialmente cualisquier intentu de REE de retomar les obres. La única organización política qu’asistió al conceyu foi Andecha Astur, que dende va unos meses vien siendo’l principal sofitu col que cunten los afeutaos pol trazáu de la llínia llétrica nel conceyu navetu.
cesarios p’atender con garantíes a los llaniscos y a los turistes que de forma masiva recibe’l conceyu.
Pidimos la ordenación del tráficu na capital llanisca
D
Pues atopar más información en: www.andecha.org Y ponete en contautu con nós: .
info@andecha.org
ende Andecha Astur nun enten demos cómu la villa de Llanes pue siguir careciendo un problema grave de tráficu ensin que naide-y ponga una igua definitiva y que trai apareyáu atascos, colisiones, ruiu… y dificultaes pa los viandantes, que nun son quien pa poder esfrutar o caminar pela capital del conceyu. Nun entendemos que l’Ayuntamientu nun seya quien a camentar que’l propiu turismu masivu y desproporcionáu que fomenta seya motivu de los atascos de la villa, especialmente nos fines de selmana. Tampocu ye de recibu la solución de desviar los vehículos que se dirixen a Bustiu nel cruce de L’Arquera, mandándolos en direición a Uviéu. Esta solución, qu’Andecha Astur aplaudió nel so momentu entendiendo que yera temporal, conviértese nun fechu fixu pa toles temporaes de masificación, en vede buscar soluciones con futuru qu’igüen dafechu’l llaceriosu problema. Una vegá más, esta organización vese na obligación de tener que pidir al Ayuntamientu qu’espierte énte’l monstru qu’elli mesmu ta creando, ya que nun ta faciendo nada pa evitar que la vida de los llaniscos que viven los 365 díes nel so conceyu seya más fácil ensin alcontrar ca vegá más y más torgues pa desendolcar la so vida diaria con normalidá. Son munchos los problemes que carez la capital llanisca énte los qu’Andecha Astur destaca, ensin dubia, el del tráficu, asina comu la falta de planificación a llargu plazu pa pone-y igua.
Info
6
www.andecha.org AVILÉS
XIXÓN
El puertu esportivu, fumu y más fumu
Sofitu a ReFLEXon
É
nte l’anunciu rializáu pol presi dente de l’Autoridá Portuaria, Manuel Do campo, de que l’Estáu español nun prevé asignación presupuestaria dala pal tan cacarexáu puertu esportivu d’Avilés, alvirtiendo amás qu’habríe qu’esperar fasta 2010 pa intentar convencer a la direición de Puertos del Estáu de la idoneidá del plan, Andecha Astur quier remembrar que n’Avilés, en concreto, y n’Asturies, en xeneral, lleva munchu tiempu vendiéndose fumu, anunciando grandes infraestructures y avances qu’a la hora de la verdá nun s’espeyen más que sobro’l papel, ensin que se vea la so concreición práutico o, cuandu por fin se ve daqué, que tan siempres a años lluz de la propuesta inicial. Una vuelta queda n’evidencia el puertu esportivu, Andecha Astur quinxere saber qué va pasar cola llamada «Isla de la Innovación» y la «Terminal de Cruceros», que tamién anunció l’anterior presidente Manuel Ponga y que tan pomposamente utilizó pa publicitase na Feria de Cruceros de Miami. A la fin, Andecha Astur nun quier dexar de siñalar la situación na que s’afaya’l puertu d’Avilés (y en xeneral tolos puertos asturianos), que nun solo manen de los presupuestos que tean a bien conceder dende Madrid, sinon tamién -y nel supuestu improbable de que se pudiere algamar financiación propiodel permisu de Madrid, colo qu’una vuelta más queda demosada la incompetencia dafechu del «Principado» y lo ridículo d’esta nuea reforma al estatutu impuestu que carecemos los asturianos, y que comu ye persabío, en dengún momentu se mos permitiere votar.
Denunciamos la desapaición d’una panera del s. XVIII
A
ndecha Astur ta acabante de denunciar, énte la Comisión de Patrimoniu de la Conseyería de Cultura, el derrumbe d’una panera, del sieglu XVIII y de más de 50 metros cuadraos, en Sietes. Les quexes de los vecinos empobínense haza l’alministración pública, ya que la panera taba dientro d’un plan de remocique del Ayuntamientu Villaviciosa. Los vecinos alvierten de la esistencia d’otros horros abandonaos que tamién pueden venise abaxo en cualisquier intre. Poro, pidiéron-y públicamente al Ayuntamientu maliayés que retrasare l’acondicionamientu del futuru Muséu del Horru pa dedicar les perres a arreglar primero les construcciones. Cola so denuncia Andecha Astur espera que se depuren les responsabilidaes oportunes pola pérdida inreparable d’esta panera. Info
7
Andecha Astur fizo públicu’l so sofitu a la iniciativa protagonizada polos xóvenes okupes que dende hai unes selmanes fixeren d’una vieya fábrica abandonada un proyeutu cultural autoxestionáu abiertu a la participación del conxuntu la sociedá. La iniciativa del CSOA la ReFLEXón abultamos duplemente valiosa, en tantu recupera pa los vecinos un espaciu que nun yera más qu’un focu de basoria ya infeición y pol so calter autoxestionáu, independiente per ende de la política de sovenciones peselbrera ya inversiones millonaries pa proyeutos faraónicos ayenos a la propia sociedá que s’aplica tanto dende l’Ayuntamientu Xixón (nun podemos escaecer lo que ta ocurriendo con «La Laboral») comu pol «Principado» (y ehí los exemplos sedríen cientos). Por too ello, Andecha Astur quinxo faer públicu’l so sofitu a la iniciativa, talo comu tevo ocasión d’espresar presonalmente al traviés de dellos miembros de la Xunta Executiva de la organización a los okupes, y espera que puean resistir la descomanada presión especulativa a la que tan sometíos dichos tarrenos y a la tradicional dexadez, cuandu non agresividá, de la que suel faer gala l’Ayuntamientu xixonés cuandu se trata de proyeutos culturales que non solo nun controla, sinon que pretenden una participación popular amplia y non mediatizada.
Dep. Llegal: AS - 5444-2007 Nb. Exemplares: 1.000 Direutor: Fernán González Lechosa
www.andecha.org Andecha@astura.org
UVIÉU - Lorenzo Abruñedo 8 baxu -33012 XIXÓN - Prendes Pando 11 baxu - 33207 Tfnu.- 985 39 94 44 NOREÑA- Javier Lauzurica Baxu
Por qué los y les asturianes queremos votar l’estatutu Mariu Arbesú. Secretariu d’Organización d’Andecha Astur
Lo primero qu’habría que dicir nesti asuntu ye que los y les asturianes tenemos drechu a decidir sobre lo que mos afecta. Tolo que nun podamos decidir por nós mesmos ye impuesto. Esta reforma del «Estatuto de Autonomía para el Principado de Asturias» afita un marcu políticu nel que’l conxuntu la sociedá asturiano va vese obligao a movese nel futuru más inmediatu. Cuestiones importantes como la istitución del «Principado», la definición d’Asturies como «comunidá hestórica» o la «non oficialidá de la llingua d’Asturies» quedarán afitaes por años ensin que’l Pueblu Asturianu tuviere, nin siquier, la oportunidá de poder refrendar el so Estatutu. Poro, l’alderique de fondu nes-
ta reforma l’Estatutu ye esi: ¿qué capacidá tenemos los y les ciudadanes d’Asturies pa decidir sobre les cuestiones coleutives que mos afeuten como Pueblu?. Esto ye tanto como dicir: ¿qué poder políticu tien Asturies pa poder decidir por sigo mesma?. Si mos detenemos nel casu flagrante de la «non oficialidá» del asturianu ye fácil dase cuenta. Nun ye una cuestion sólamente de conflictu llingüísticu por mor d’una mayoría castellanofalante que s’impón a una minoría asturfalante. Rialmente’l conflictu llingüíticu ye una espresión más del conflictu políticu o conflictu democráticu que carecemos n’Asturies. L’asturianu nun ye oficial non porque los asturfalantes seyamos menos o porque nun seyamos quien a convencer a la otra parte. Nun hai naide a quien convencer. Los y les asturianes tan mayoritariamente a favor de la ofi-
Info
8
cialidá. L’asturianu nun ye oficial porque’l Pueblu Asturianu nun tien la soberanía política que-y permita decidir por sigo mesmu. La istitución «Principado» y l’Estatutu son impuestos. Andecha Astur vien proponiendo públicamente que los asturianos y asturianes podamos votar la institución, el «Principado», y la reforma l’Estatutu. Si una vuelta más nun mos permitieren facelo espeyaráse a les clares la enorme incongruencia que supón que dientru’l mesmu Estáu español andaluces, gallegos, vascos, catalanes… puedan refrendar el so Estatutu y los asturianos non. Dende Andecha Astur entamamos una campaña baxo’l llema «¡Queremos votalu!»; trátase, a la fin, d’asoleyar el braeru conflictu de fondu: la falta de soberanía del Pueblu Asturianu.