Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:19 PM
Page 49
katika Uislamu
Aya hii ilishuka mnamo mwezi 18 Dhul Hajj (Mfunguo tatu) mwaka wa 10 A.H. wakati Mtume (s.a.w.w.) akitokea Hijja yake ya mwisho, miezi mitatu tu kabla hajafariki. Mtume (s.a.w.w.) akiwa katika safari hiyo, alijiwa na Malaika Jibril mara kadha, kumletea amri ya Mwenyezi Mungu kwamba, afikishe ujumbe muhimu ambao umuhimu wake, iwapo hataufikisha kwa watu, itakuwa kama kazi nzima ya Utume hakuitekeleza. Ndugu Waislamu, huo ndio uzito wa tukio hilo ambalo wengi wetu hatulijui kabisa. Kwa hiyo Mtume (s.a.w.w.) alipofika mahali hapo paitwapo Ghadir Khum, Malaika Jibril akamjia tena na kumtaka asipite zaidi ya hapo bila kutoa ujumbe huo. Mahali hapo ni jangwani katikati ya Makka na Madina. Ilimbidi Mtume (s.a.w.w.) kusimamisha msafara wa watu wote alioandamana nao. Aliamuru waliotangulia warejeshwe, na walio nyuma wahimizwe kufika hapo. Mahali hapo palisafishwa miiba na ikatengenezwa mimbari kwa kukusanya na kurundika matandiko ya ngamia. Ndipo Mtume (s.a.w.w.) akapanda hapo katika jua kali na kutoa hotuba ifuatayo mbele ya masahaba wapatao 140,000. Hotuba hiyo nimeifupisha kwa sababu ni ndefu sana. Hapa tunaeleza maneno muhimu sana kufuatana na somo letu - Hotuba kamili itaelezwa katika Sura ya 3. “Enyi watu, fahamuni kuwa Malaika Jibril amenijia mara nyingi akiniletea amri toka kwa Mwenyezi Mungu, Mkarimu, kwamba nisimame hapa nakuwaeleza watu wote kwamba Ali, mtoto wa Abu Talib ni ndugu yangu na wasii wangu, khalifa na Imam baada yangu. Nafasi yake kwangu ni sawa na ile ya Harun kwa Nabii Musa isipokuwa kwamba hapana nabii mwingine baada yangu. “Enyi watu, hakika Mwenyezi Mungu amemchagua awe Imam wenu na mtawala. Kumtii kwenu ni wajibu, muwe Ansari au Muhajirina, watumwa au waungwana, Waarabu au wengineo, weusi au weupe, wazee au vijana. Amri yake lazima itekelezwe. Neno lake lisipuuzwe na amri yake ni wajibu kwenu Waumini wote. Amelaaniwa yule asiyemtii Ali na ame49