Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:19 PM
Page 33
katika Uislamu
Misafara ya biashara ilikutana hapo kabla ya kuanza safari zao. Quraish alianzisha utaratibu wa ‘Siqayah’ (kuwapatia maji mahujaji) na utaratibu wa ‘Rifada’ (kuwalisha mahujaji) siku hizo. Utaratibu huo kwa kadri ya Tarikh Tabari uliendelea kwa miaka 500 baada ya kufariki Quraish. Vile vile ni huyo Quraish aliyefanya matayarisho kuwawezesha mahujaji kulala usiku pale Mash-a’rul-Haram katika ibada ya Hijja. Alikuwa akimulika bonde hilo kwa taa (mioto) nyingi usiku ili mahujaji wasipate taabu. Ni huyo Quraish aliyejenga upya Al-Kaaba na kuchimba kisima cha kwanza cha maji hapo Makka kwa sababu wakati huo kisima cha Zamzam kilishafukiwa muda mrefu kisijulikane mahali kilipokuwa tena. Wanahistoria wanakiri kwamba huyo Quraish alikuwa Mkarimu, shujaa na mwenye huruma. Mawazo yake yalikuwa safi na tabia yake ya kuvutia. Neno lake liliheshimiwa na kutekelezwa kama dini hata alipokwishafariki. Watu walizoea baadaye kuzuru kaburi lake huko Hajun mahali ambapo leo panaitwa Jannatul-Maala. Quraish alikuwa kiongozi mkuu (chief) wa kabila lake ambalo liliitwa jina hilo hilo kwa heshima yake ya uongozi mwema. Alibeba majukumu yote yaliyoinua hadhi ya kabila hilo yaani dhamana ya Al-Kaaba (Hijaba), kunywesha na kulisha mahujaji yaani (Rifada na Siqaya). Alikuwa mshika bendera ya vita (Liwa) na alikuwa Amiri Jeshi Mkuu wakati wa vita (Qiyada). Hizi ndizo sifa kuu zilizowafanya kabila la Quraish kuheshimiwa na makabila mengi ya Waarabu. Huyu Quraish alipata watoto 6 wa kiume na mtoto mmoja wa kike. Katika watoto wa kiume Abdud-Dar alikuwa mkubwa zaidi akifuatiwa na Mughira (aliyejulikana kama Abd Munaf). Lakini Quraish alimpenda sana Abdud-Dar na hivyo alipokaribia kufariki alimkabidhi Abdud-Dar majukumu yote makuu sita ya kabila la Quraish yaliyotajwa hapo juu. Hata hivyo Abdud-Dar hakuwa mwenye uwezo wa kuongoza, wakati ambapo Abd Munaf alionekana mwenye sifa zote za uongozi na hivyo 33