Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:26 PM
Page 431
katika Uislamu
kuwa siku moja atatokea mtu na kudai kuwa kutokana na shughuli nyingi zitokanazo na maendeleo makubwa duniani, tupunguze Swala tano ziwe Swala tatu au mbili au moja kwa kutwa! Kwa mfano nchi za Ulaya utakuta mtu mmoja ana kazi mbili. Akirejea toka kazi ya kwanza hapo hapo anajitayarisha kuanza kazi ya pili, yaani waajiri tofauti. Kwa mtu kama huyo mwenye lengo la kupata mishahara miwili, ili aweze kumudu gharama kubwa za maisha, huenda akapendekeza kuwa Swala tano zipunguzwe ili apate muda wa kuinua kipato chake. Kwa kuwa dunia inazidi kusonga mbele, na maisha yanazidi kuwa magumu, tutapunguza na kuongeza mambo mangapi hadi Siku ya Kiyama? Na Uislamu utakuwaje dini iliyokamilika iwapo hauna kanuni maalumu? Nimeeleza huko nyuma kuwa, ‘Alilohalalisha Mtume (s.a.w.w.) ni halali hadi Siku ya Kiyama na aliloharamisha ni haramu hadi Siku ya Kiyama.’ Je, pana haja ya kufafanua Hadithi hiyo maarufu ya Mtume (s.a.w.w.). Mfano mwingine ni kwamba nimeeleza huko nyuma migogoro ya kuandama kwa mwezi. Iwapo tutadai kuwa siku hizi ni enzi za sayansi na teknolojia, na kwa hiyo tusiangalie mwezi tena, bali tutumie vituo vya ‘uchunguzi wa anga’ na kupanga kalenda yetu ya kiislamu. Matokeo yake ni kwamba tutajikuta na mwezi mmojawapo wa kiislamu wenye siku zaidi ya thalathini; jambo ambalo halistahiki. Sunna zote za wazi za Mtume (s.a.w.w.) zinabakia vile vile kama Qur’ani kwa sababu ni kitu kimoja. Masuala mapya miongoni mwa Waislamu ambayo Mtume (s.a.w.w.) hakuwahi kuyatolea hukumu, ndiyo pekee yatatafutiwa ufumbuzi na viongozi halali. Uislamu hauathiriki na nyakati bali huathiri nyakati zote hadi Kiyama. Ni lazima kwa Waislamu waaminifu kuupokea na kuutimiza Uislamu kama ulivyo. (27) Mila katika misiba na matanga: Kuzaliwa na kufariki ni jambo la kawaida kwa kila kiumbe. Lakini kwa sisi Waislamu tunatambua kwamba maisha ya duniani ni ya kimwili na ni ya muda mfupi sana. Maisha ya akhera ndiyo kituo cha kudumu cha safari 431