Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:25 PM
Page 408
katika Uislamu
Lakini hata kama tungekubaliana na kigezo cha ‘mwezi mpya wa kifalaki’ kuwa sahihi, si lazima kuwa kila mwezi mpya unastahili kuonekana Saudi Arabia peke yake! Sasa ni kwa nini tukubaliane na Saudi Arabia hata kama vituo vya uchunguzi wa anga vyenye usahihi vinaonyesha uwezekano wa kuona mwezi mara ya kwanza sehemu nyinginezo duniani! Baada ya kutokea kasoro hii, Waislamu wa nje ya Saudia, walianza kuhoji msimamo wa chombo cha juu cha masuala ya dini hapo Saudia, kijulikanacho kama Majlis al-Ifta’al-Aala. Chombo hicho ni jopo la maulamaa viongozi. Viongozi hao ni vibaraka wa watawala. Mojawapo ya waliohoji msimamo huo potofu wa Saudia ni taasisi ya The Jordanian Astronomical Society kutoka nchi ya Jordan. Hilo jopo la maulamaa wa Saudia walijibu kuwa, ‘Tunataka kuwakumbusha kuwa kigezo cha kuamua siku ya kwanza ya mwezi wa kiislamu ni sawa na nyakati za Swala na kwa hiyo lengo la Mwenyezi Mungu lilikuwa ni taarifa tu na siyo tulichukulie kama ibada! Maana yao ni kwamba siku ya mwezi mpya wa kiislamu inaweza kupangwa kama tunavyobadili nyakati za Swala majira mbalimbali! Hata hivyo, nyakati hizo hubadilika kufatana na mahali linapokuwepo jua kuhusiana na dunia, yaani, kwa mfano tafsiri ya kivuli cha mtu kutoonekana akiwa amesimama wima, kuwa ndio wakati wa Adhuhuri, hubadilika miezi mbalimbali mwaka mzima na wala siyo muda wote huwa ni saa ileile, na ndio maana saa za Swala hubadilika sambamba na saa ambayo jua huwa utosini au jua kuchwa au kuchomoza. Kupanga saa za Swala kuna vigezo na sio uamuzi tu. Kwa jibu hilo la unafiki wa Saudia kuhusu kalenda yao potofu, sisi tunabakia kujiuliza kwamba, ni vipi tutaendesha Uislamu usiozingatia amri za Mtume (s.a.w.w.) na Mwenyezi Mungu? Waislamu tuwe macho na hujuma kama hizi pia tuache kasumba ya kukumbatia kila kitokacho Makkah na Madina kuwa ni sahihi bila kupata elimu kwa kurejea vitabu muhimu vyenye mafunzo sahihi ya Uislamu.
408