Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:25 PM
Page 407
katika Uislamu
Kwa kutumia takwimu (data) za vituo hivyo, sisi Shia Ithna’asheri hutumia wataalamu kufanya mahesabu ya kutusaidia kujua nyakati sahihi za Swala na mwisho wa kula daku, kutegemea tupo sehemu gani duniani au kama ni hapa Tanzania tupo mkoa gani; kwani kila mkoa una nyakati zake tofauti, japo tofauti hiyo iwe ni dakika tatu! Ndiyo maana mara nyingine nyakati za adhana kati ya Shia na Sunni hutofautiana! Kwa maelezo haya machache nataka kuonyesha kuwa sisi Shia hutumia takwimu za vituo vya uchunguzi wa anga kujua ni sehemu gani ya dunia na ni muda gani ambapo mwezi unaweza kuonekana, na wala siyo Saudia peke yake kila mwaka! Kukubali kuwa lazima kila mara mwezi utangulie kuonekana Saudia, ni sawa na kulazimisha kuwa kila mwezi au jua likipatwa litapatwa katika anga ya Tanzania tu milele! Hata hivyo takwimu hizo toka vituo vya uchunguzi zinatusaidia tuweze kufahamu sehemu ya dunia inayofaa kuangalia mwezi lakini kuonekana kwa mwezi tukiwa ardhini, kunategemea anga isiyo na mawingu. Katika Hadithi niliyotaja nyuma, Mtume (s.a.w.w.) anatuamuru kuwa tufunge siku thalathini iwapo mwezi haukuonekana na siyo zaidi. Kalenda ya Saudia wanayoifanya kuwa kalenda ya kiislamu ijulikanayo kama Umm-ul-Qura ni kalenda potofu isiyohusiana na Uislamu hata kidogo kwa kadri ya Hadithi ya Mtume (s.a.w.w.) ya kufunga na kufungua kwa kuona mwezi. Kwa miaka mingi sasa, kalenda hiyo hutegemea tu mahesabu ya mwezi mpya wa kifalaki, kwa maana kwamba vituo vya uchunguzi wa anga kwa kutumia mitambo yao, wanafahamu siku na muda na mahali pa kuonekana mwezi mpya. Lakini mwezi mpya hauwezi kuonekana kwa macho ya binadamu duniani mpaka upite muda wa masaa 20! Katika masuala ya kuangalia mwezi hatuwezi kutegemea mwezi mpya wa kifalaki kuwa ndiyo mwezi umeonekana! Ni lazima tuone mwezi kwa macho au zipite siku 30 kabla ya kuanza mwezi wowote mpya wa kiislamu.
407