Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:25 PM
Page 390
katika Uislamu
kwetu bali ni wa tangu zamani sana. Tunasoma kwamba Nabii Nuhu (a.s.) katika umri wake mrefu wa miaka 2,500 alijitahidi sana kuwahubiria watu wafuate njia ya haki, lakini watu wake hao walimpiga mawe na kumfunika na takataka huku wakiongozana na watoto wao, ili utamaduni wa kumpiga Nabii Nuhu (a.s.) uendelee! Kila Nabii Nuhu (a.s.) alipopigwa na kufunikwa na takataka, Malaika Jibril alifika na kumwondoa na kuponya vidonda vyake. Kisha Nabii Nuhu (a.s.) aliendelea na kazi yake ya tabligh kwa watu wake kwa miaka 900 lakini watu wake hao hawakubadilika! Hapo ndipo Nabii Nuhu (a.s.) alipowalaani watu hao hadi wake zao wakawa wagumba. Mifugo yao ilikufa, na mashamba yao yalikauka. Kwa miaka 40-70 mfululizo kulitokea ukame mkubwa. Nabii Nuhu (a.s.) aliwataka watu wake wamwamini Mungu wa kweli na wabadili tabia zao mbaya ndipo adhabu hiyo itawaondokea, lakini walikataa ushauri wake. Nabii Nuhu (a.s.) aliamrishwa na Mwenyezi Mungu kujenga Safina ambayo ilichukua miaka 80 kuikamilisha, huku watu wake wakimwambia kuwa ana wazimu kwa kujenga hiyo Safina. Baada ya kukamilika hiyo Safina, ndipo adhabu ya gharika ilipowashukia watu wa Nabii Nuhu (a.s.) kama tunavyofahamu. Kwa hiyo tufahamu kuwa, kukataa kwetu kutii wasia huo wa Mtume (s.a.w.w), laana ya Mungu itadumu juu yetu kama Mtume (s.a.w.w.) alivyoeleza katika hotuba yake hiyo. Tumeona muda mrefu sana ambao Mwenyezi Mungu aliwavumilia watu wa Nabii Nuhu (a.s.) hadi akakasirika na kuwaangamiza kwa gharika. Katika uhai wa Mtume (s.a.w.w.), wakati Quraysh walipokuwa wanakataa kupokea Uislamu, Mwenyezi Mungu aliwaletea ukame wa miaka saba. Katika ukame huo, walikula mizoga ya mbwa na hata kutwanga na kula mifupa ya wanyama waliokufa, wakaoza na kukauka. Walikula pia ngozi zilizokauka za wanyama waliokufa. Mwisho walimwendea Mtume (s.a.w.w.) na kumtaka awaombee waondolewe adhabu hiyo. Hizo ni baadhi tu ya laana. 390