Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:25 PM
Page 388
katika Uislamu
Maneno haya ya Qur’ani tunayakuta tena sehemu nyingine: “Kwa hiyo kwa yule ambaye Mwenyezi Mungu amekusudia kumwongoa, Humpanulia kifua chake kwa Uislamu .......” (Qur’ani 6:125)* Maelezo: Katika Aya zote hizi; 94:1; 20:25; na 6:125; neno lililokusuduwa hasa, mwote humo ni Kifua, wala sio moyo. Hapa tunaona wazi kuwa, kupanuliwa kifua maana yake ni kuongezwa elimu kwa sababu mtu yeyote hawezi kuongozwa katika Uislamu bila mtu huyo kupata elimu ya kumwezesha kufahamu dini ya haki. (17) Tahadhari kwa sisi Shia: Ukichunguza vitabu vya dini vya Shia Ithna’asheri, huwezi kukuta mafunzo au hukumu zinazohitilafiana au kugongana. Hali hii inatokana na Shia kumtegemea kiongozi mmoja (Mujitahid) kama nilivyoeleza huko nyuma. Lakini inasikitisha kuona kuwa, kuna baadhi ya Shia wanakiuka mafunzo ya dini hali ya kuwa baadhi yao ni wajuzi wa dini! Lengo la kitabu hiki ni kukemea imani na matendo ambayo ni kinyume na mafunzo ya Mtume (s.a.w.w.) na Qur’ani; bila kujali kama yanatendwa na Sunni au Shia. Nakumbuka katika semina moja ya Shia mwaka 1991, alitokea mtoa mada mmoja ambaye alidai kuwa kutokana na Hadithi ya Mtume (s.a.w.w.), Shia wote, wafuasi wa Imam Ali (a.s.) ni watu wa peponi! Hoja hiyo ilizua mabishano makali kwa sababu ingawa kweli Hadithi hiyo ipo lakini kuwa mfuasi kwa maneno bila vitendo hakuwezi kumpeleka mtu peponi. Yawezekana mtu akawa na elimu zote za uongofu lakini vitendo vyake vikawa vya upotofu. Hali hiyo haitamsaidia kitu. Siku moja Imam Ali (a.s.) aliliona kundi la watu wamesimama mlangoni kwake, akamwuliza mtumishi wake Qambar ni watu gani hao. Mtumishi wake akajibu kuwa hao ni Shia wake (Imam). Imam Ali (a.s.) aliposikia hivyo alibadilika uso (alikunja uso) na kusema, “Kwa nini wanaitwa Shia? Hawana alama za Ushia.” Hapo ikawa Qambar ameuliza, “Ni alama gani za Ushia?” Imam Ali (a.s.) alijibu, “Matumbo yao yamerudi ndani kwa 388