Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:24 PM
Page 365
katika Uislamu
Siku hizi wafanyakazi wengine hutumia muda mrefu kazini kiasi ambacho kuunganisha Swala kungewasaidia kupata ruhusa ya kuswali mara moja mchana badala ya ruhusa mbili zinazopoteza muda mrefu zaidi. Hata mkulima anaweza kutumia muda wake vizuri kwa kuswali kwa wakati mmoja mchana. – Cha ajabu ni kwamba, mfanyakazi ama mkulima huyo, utamuona jioni anaswali kadhaa nyingi kwa wakati mmoja! Je, hajaunganisha Swala hapo?. Ni kweli kwamba Mwenyezi Mungu aliufanya Uislamu kuwa dini nyepesi lakini Uislamu wa kweli hatujaufahamu bado. Tumebeba Uislamu wa kiutamaduni yaani wa urithi! (6) Maulidi na sherehe zake za Dufu: Shia Ithna’asheri husoma maulidi ya Mtume (s.a.w.w.) pamoja na maulidi ya Ahlul-Bayt wake (a.s.) wote 13; na ndiyo maana sisi Shia Ithna’asheri lazima tuhakikishe tarehe ya kuandama kwa kila mwezi wa kiislamu, ili tarehe zinazohusika na matukio muhimu ya kiislamu ziwe sahihi. Ndugu zetu Sunni wao huadhimisha maulidi ya Mtume (sa.w.w.) peke yake. Sisi Shia huadhimisha pia na vifo vya watukufu hao. Katika kusoma maulidi, sisi Shia Ithna’asheri hatukubaliani na kupiga dufu na zumari kwa sababu vifaa hivyo ni vyombo vya muziki vya Waarabu! Nimetangulia kueleza huko nyuma kwamba Uislamu wa leo umechanganyika kwa kiwango kikubwa na mila mbali mbali, kutegemea wanakoishi Waislamu wanaohusika. Waarabu walipotuletea Uislamu, walituletea na ngoma zao za utamaduni yaani dufu. Dufu siyo dini hata kama zinapigwa katika ‘Qasida’ zenye maneno ya kidini! Kama tutahalalisha dufu ya Mwarabu; hakuna sababu za msingi kwa nini tusihalalishe ngoma ya mdundiko, ilimradi wacheza mdundiko waimbe Qasida! Nataka kusisitiza kwamba Dufu ni ngoma ya utamaduni na mila ya Waarabu. Kama kila Waislamu wataamua waingize ngoma zao katika dini, sijui tutakuwa na Uislamu wa namna gani! Katika wakati huu wa maonyesho ya mikanda ya video, utawaona Waarabu katika sherehe zao za kimila wamevaa makanzu yao na majoho, huku 365