Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:24 PM
Page 352
katika Uislamu
katika kiarabu, kiswahili na kiingereza. Kwa maagizo ya Mtume (s.a.w.w.) juu ya hotuba yake hiyo, ni kwamba, ni wajibu kwa aliyeisikia kufikisha ujumbe huo kwa wale wasiowahi kuusikia. Sote tunafahamu kuwa kazi ya Mtume (s.a.w.w.) ilikuwa ni kufikisha ujumbe na siyo kuwalazimisha watu kuupokea na kuufuata. Waislamu tutafute elimu zote: Katika mijadala mbali mbali ya kidini na kidunia, ni wazi kwamba Waislamu wa hapa kwetu elimu yetu ni ndogo sana. Hali hii ni ya kusikitisha kwa sababu ulimwengu wa leo unaendelea haraka sana. Elimu zote zinazidi kurahisishwa kutokana na maendeleo makubwa ya ugunduzi na uendelezaji wa vyombo vya kompyuta n.k. Hivi sasa utaona kuwa kwa kutumia mfumo wa upashanaji habari wa Baruapepe (E-Mail) na Mtandao wa Internet ni rahisi kupata habari unazozitaka, dakika hiyo hiyo kutoka popote duniani! Habari kama hizo zimehifadhiwa katika kompyuta dunia nzima na wala huhitaji kuongea na mtu ili kupata habari hizo unazozitaka! Mnamo tarehe 24/10/99 saa kumi jioni, shirika la habari la BBC, Idhaa ya kiingereza, lilitangaza kuwa tayari walikuwepo watumiaji (wamiliki) wa vifaa vya Mtandao wa Internet wapatao milioni mia moja hamsini duniani kote na kwamba wanaongezeka kwa kasi sana. Baadaye shirika hilo lilitangaza pia kuwa, Encyclopedia Britanica tayari imewekwa katika Mtandao wa Internet. Maana yake ni kwamba mtu yeyote popote duniani anaweza kupata maarifa yaliyomo katika kitabu hicho maarufu, bila ulazima wa kukinunua kwa gharama kubwa sana au kwenda maktaba! Kitabu hicho kinayo maelezo ya wazi juu ya asili ya imani kadhaa muhimu za Kikristo ambazo Wakristo hudhani kuwa zilifundishwa na Nabii Isa (a.s.) kumbe sivyo! Je, sisi Waislamu tutaendelea kuyaficha yaliyomo katika vitabu vyetu vikuu kama Sahih Muslim na Sahih Bukhari n.k., mpaka lini? Hizi ni zama za ukweli na uwazi.
352