Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:23 PM
Page 246
katika Uislamu
Mama Aisha alisema maneno hayo pale Uthman alipokataa kuwapa urithi toka kwa Mtume (s.a.w.w.) Rejea: Sahih al-Bukhari, Jz. 3, uk. 39. Masahaba maarufu waliokuwa mstari wa mbele kwenye mauaji hayo ni Talha Ibn Ubaidullah, Zubair Ibn al-Awam na Muhammad Ibn Abu Bakr na wengineo wengi kama nilivyoeleza na wala siyo Imam Ali (a.s.). Baada ya kuuawa Uthman, watu wenye hasira walizuia asizikwe kwa muda wa siku tatu! Mwisho walimzika bila kumkafini wala kumwosha, na kwamba alizikwa eneo la Hashsh Kawkab ambalo lilikuwa eneo la kuwazika makafiri wa Kiyahudi! Ukweli huu wa kuzikwa Uthman katika hali hiyo ni kweli kabisa na hauhitaji vitabu vya historia kwa ushahidi! Leo hii ukifika Madina utaona kuwa kaburi la Uthman lipo mwisho kabisa mwa Janatul Baqi. Janatul Baqi ni eneo la makaburi ya Waislamu tangu wakati wa uhai wa Mtume (s.a.w.w.) na ndiko walikozikwa watu wote mashuhuri. Wakati huo wa kufariki Uthman Ibn Affan, hiyo Janatul Baqi ilikuwa haijajaa makaburi! Kwa hiyo hakuna sababu kwa nini Uthman asizikwe hapo wakati ambapo alikuwa Kiongozi wa Taifa la Waislamu! Badala yake akazikwa kwenye eneo la makafiri kwa kadri ya maelezo yafuatayo! Kwa hiyo hakuna sababu, na haingii akilini kabisa, kwa nini kaburi la Uthman liwe mwishoni mwa makaburi, ukitilia maanani muda aliofariki! Ukweli ni kuwa, ni kweli Uthman alizikwa katika eneo la makaburi ya makafiri wa Kiyahudi kwa sababu hapo lilipo kaburi lake, haikuwa sehemu ya kuzika Waislamu wakati huo! Kilichotokea ni kwamba wakati wa utawala wa Muawiya, aliweka mkazo mkubwa kuwatukuza Bani Umayyah na kuwadhalilisha Bani Hashim. Kwa hiyo katika kuinua heshima ya Uthman, Muawiyyah alinunua eneo hilo la Wayahudi makafiri, na kuliunganisha na Janatul Baqi kwa sababu maeneo hayo yalipakana! Vinginevyo mpaka leo ushahidi huo ungebakia wazi na watu wangekuwa wanajiuliza ilikuwaje ‘Kiongozi wa Waumini’ akazikwa kwa makafiri? Ni mgogoro gani ulikuwepo? Hiyo ndiyo namna ya kufanya utafiti kisayansi.
246