Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:22 PM
Page 241
katika Uislamu
kuandika barua miji yote kuleta suluhu lakini bila kuchukua hatua ya kuwadhibiti maofisa wake waovu au kuyabadili yale yanayowakera raia. Katika hali hiyo, watu wachache kutoka Misri walimletea malalamiko Uthman kuhusu gavana wa huko, Ibn Abi Sarah. Uthman aliwasikiliza kwa makini na kumkaripia Abi Sarah huku akiahidi kuchukua hatua. Uthman alimwandikia barua Abi Sarah na kumtaka ajirekebishe, la sivyo angemwadhibu. Marwan Ibn Hakam hakutaka msimamo huo wa Uthman. Mara watu hao walipotoka kwa Uthman ikawa Marwan ametoka na kuwakaripia na kusisitiza kuwa Uthman asitimize ahadi alizotoa za kumdhibiti Abi Sarah. Wamisri walimpelekea Abi Sarah hiyo barua toka kwa Uthman. Alipoisoma alikasirika na hakujali amri ya Uthman ya kumtaka ajirekebishe! Badala yake alimuua kiongozi wa ujumbe huo! Dharau hiyo ya Abi Sarah inatokana na uhusiano wake na Uthman wa undugu (kaka wa kunyonya) na ndiyo sifa pekee ya kumpa ugavana huo wa Misri. Wamisri walichukizwa na tabia hiyo ya Abi Sarah na waliamua kumtumia Uthman ujumbe mwingine wa watu 1,000. Watu hao walifikia katika msikiti wa Mtume (s.a.w.w.). Viongozi wao walikutana na masahaba maarufu wa Mtume (s.a.w.w.) ili kuwaeleza maovu ya Abi Sarah. Masahaba hao walikutana na Uthman kumweleza hali hiyo ya Misri. Vile vile watu wengine wakiongozwa na Imam Ali (a.s.) walikutana na Uthman na kumshauri achukue hatua upesi. Uthman aliapa mbele ya watu na kuwahakikishia kuwa atajitahidi kurekebisha hali hiyo. Aliwataka pia wapendekeze jina la gavana mpya wa Misri, nao walipendekeza mtoto wa Abu Bakr yaani Muhammad bin Abu Bakr. Uthman alimteua kuwa gavana wa Misri na pia kuteua kamati ya Ansar na Muhajirun kuchunguza maovu ya Abi Sarah. Muhammad bin Abu Bakr na watu wake wakaondoka kuelekea Misri. Katika siku ya tatu ya safari yao wakiwa njiani, walimwona mtumwa mwenye asili ya Ethiopia akiendesha ngamia kwa kasi kuelekea Misri. Walishangaa na kumtilia shaka kisha kumsimamisha na kumwuliza 241