Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:22 PM
Page 214
katika Uislamu
(1) Wanaume wasioweza kumudu gharama za kuoa na kutunza familia: Hili ni kundi la kwanza la wanaume ambao ni wazima kimaumbile na wanataka kutimiza haja zao za mwili lakini hawana uwezo wa kiuchumi wa kuoa kwa ndoa za kawaida. Katika kundi hili twaweza pia kuunganisha wanawake ambao wanataka kukutana na wanaume lakini hawajapata nafasi ya kuolewa ndoa ya kudumu. Watu hawa wote wanaruhusiwa kufunga ndoa hii ya Mut’ah ili wasizini. Kwa masharti ya ndoa hii, iwapo watazaliwa watoto watakuwa halali kwa sababu masharti ya ndoa hii ni sawa na yale ya ndoa ya kudumu, kasoro tu unafuu wa mume kutowajibika ki-shariah kumtunza mke kwa sababu si lazima mwenye kuhitaji ndoa hii awe mume tu! Bali hata mke anawajibika kutafuta mume wa halali amwoe ili asizini. Kwa hiyo yawezekana pia ikawa huyo mama ana uwezo kiuchumi kuliko mwanamume! Hata hivyo kabla ndoa hiyo haijafungwa, ni lazima mke aridhike kuwa hatamtegemea mume kimaisha. Vinginevyo asiporidhika itabidi mume awajibike kumtunza au vinginevyo wasioane. Faida yake ni kwamba mume asiye na uwezo kiuchumi anaweza akaoa mke na kutimiza haja zake bila kuzini, kwa sababu kuzini ni dhambi kubwa kwa kadri ya adhabu ya mzinifu kwa hukumu za Mwenyezi Mungu. Mtoto anayezaliwa katika ndoa hii lazima atunzwe na mume. Leo hii tunawaona, kwa mfano, wanawake wasioolewa maisha yao yote, na wanaume wasiooa maisha yao yote, lakini wanazini na kuzaa ovyo nje ya ndoa. Iwapo wangetumia ndoa hii bila shaka wasingeingia dhambi ya kuzini kwa wale wanaotaka kumtii Mwenyezi Mungu. Zaidi ya hayo kwa matumizi ya ndoa hii, kusingetokea migogoro ya watoto haramu wasio na baba zao. Kwa vyovyote vile kwa ndoa hii, kila mwanamke angepata mume wa kukidhi haja zake bila kuzini hata kama hataolewa ndoa ya kudumu. Isitoshe hakuna muda maalumu (wa kiwango cha juu) wa ndoa hii bali ni maelewano kati ya wahusika. Lakini mke lazima awe na mume 214