Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:22 PM
Page 202
katika Uislamu
kunahitaji awepo Abul Hasan (Imam Ali).� Huo ni ushahidi mwingine wa kuonyesha jinsi ambavyo Ahlul-Bayt wa Mtume (s.a.w.w.) ndio pekee waliokuwa na ujuzi wa kuifasiri Qur’ani kwa usahihi na kuelewa matumizi sahihi ya hukumu za dini. Leo hii Uislamu unatukanwa kutokana na watawala wa kiislamu ambao hupotosha hukumu za dini ama kwa ujinga wao au ubinafsi wao. Sheria ya uzinifu huko nchini Pakistan imepindishwa kinyume na kanuni za dini, hadi kuwadhalilisha akina mama kwa kuwahukumu vifungo batili vinavyotokana na tuhuma bandia za uzinifu. Yote haya ni matokeo ya kuachana na msingi wa uongozi wa Ahlul-Bayt wa Mtume (s.a.w.w.).
Talaka tatu kwa mpigo!: Wakati wa uhai wa Mtume (s.a.w.w.) mwanamke alipewa talaka moja kwa wakati mmoja na kufuatiwa na eda ya talaka, ya miezi mitatu. Ina maana kwamba katika muda wa eda hiyo mwanamke alipaswa kuishi kwa mume na kupewa mahitaji yake yote hadi eda iishe. Iwapo katika muda huo wa eda, mume ataamua kumsamehe mkewe, au iwapo atamwingilia kabla eda haijaisha, ina maana kwamba amemsamehe na talaka imefutika (imebatilika). Lakini iwapo muda wa eda utaisha, basi itahesabika talaka moja ambayo hata hivyo haiwazuii wahusika kurudiana. Na kama mwanamke atapatikana na kosa la pili siku nyingine, na ikabidi apewe talaka, itakuwa talaka ya pili. Iwapo talaka hiyo ya pili itafuata utaratibu huo huo na kukamilika, basi itahesabiwa ni talaka ya pili. Kama mwanamke huyo atapewa talaka ya tatu siku zifuatazo katika ndoa yake, na iwapo talaka hiyo itakamilika, basi hapo mke na mume watalazimika kutengana kabisa baada ya eda ya talaka hiyo. Iwapo watataka kurudiana, itabidi mke aolewe na mume mwingine kwanza na aachike kihalali na mume huyo, ndipo anaweza kumrudia mume wake wa zamani tena kwa kufunga ndoa upya. Hata hivyo haikatazwi mume kumwacha kabisa mke wake kwa talaka ya kwanza au ya pili. Kinachokatazwa ni kumpa talaka tatu kwa mpigo! Hiyo 202