Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:21 PM
Page 175
katika Uislamu
masahaba walielezea kutoridhika kwao kwa madai kuwa mapenzi ya Mtume (s.a.w.w.) kwa Imam Ali (a.s.) yamezidi na amepoteza fahamu na kuacha njia ya haki. Hapo ndipo ziliposhuka Aya hizo nne za kwanza za Sura hiyo. Hadithi ya pili inaeleza kuwa anakaririwa Ibn Abbas akisema kuwa, “Tuliswali Swala ya Isha na Mtume (s.a.w.w.) ambaye baada ya Swala hiyo alitugeukia na kusema, ‘Asubuhi nyota itateremka kutoka angani na itatua juu ya nyumba ya mtu ambaye atakuwa mrithi wangu, khalifa wangu na Imam nyuma yangu.’ Masahaba wote walikaa wakisubiri nyota hiyo. Abbas ammi yake Mtume (s.a.w.w.) alikuwa na matumaini makubwa kuwa ni yeye ambaye nyota hiyo itatua juu ya nyumba yake. Hata hivyo nyota hiyo ilitua juu ya nyumba ya Imam Ali (a.s.)!’” Mtume (s.a.w.w.) alimweleza Ali (a.s.) kuwa ‘Ewe Ali, kwa jina la Yule aliyenifanya Mtume Wake, nasema kuwa umeteuliwa na Allah kuwa mrithi na khalifa na Imam.’ Wanafiki ambao hawakupenda kusikia hivyo, walisema kuwa Mtume amevuka mipaka ya kumpenda Ali na amepoteza fahamu (busara) na ameacha njia ya haki (amepotoka)! Na hapo ndipo zikashuka Aya hizo kuwakosoa wanafiki hao. Maelezo yote haya yanaonyesha jinsi ambavyo suala hili la uongozi wa Waislamu lilishawekwa wazi na Mtume (s.a.w.w.) mwenyewe mapema kabisa. Lakini mara tu alipofariki Mtume (s.a.w.w.) ikawa Waislamu wamempa mgomgo Imam Ali (a.s.)! Ukweli upo wazi kwa wale wanaoupenda. Tukio hilo linaongeza ushahidi kwamba mrithi halali wa kwanza wa Mtume (s.a.w.w.) ni Imam Ali (a.s.) na alichaguliwa na Mwenyezi Mungu na kwamba uchaguzi huo hauwezi kufanywa na watu. Lakini pamoja na muujiza huo, utaona kuwa katika vita vya Siffin kulitokea askari wa Imam Ali (a.s.) waliokataa kumtii kwa ubishi; na matokeo yake ikawa Muawiyah amenusurikia kwa kutumia ulaghai wa kuwagawanya askari wa Imam Ali 175