Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:21 PM
Page 158
katika Uislamu
niliyotaja hapa juu kuhusu wafuasi wa Imam Ali (a.s.), inapatikana katika vitabu vya:Al-Durr al-Manthur fiy al-Tafsir bi-al Ma’thur, cha as-Suyuti, toleo la Cairo, mwaka 1313 A.H. Jz. 6, uk. 379 pia kitabu cha Ghayat al-Maram, uk. 326.
DEMOKRASIA AU SHURA? Huko nyuma nimetangulia kueleza msimamo wa Sunni kuhusu mfumo uliotumika kumchagua khalifa wa kwanza, wa pili na wa tatu. Tumeona kuwa baadhi ya mashekhe wanadai kuwa ilitumika Shura. Wengine wanadai kuwa ilitumika Demokrasia ya kiislamu! Hoja zote mbili nimezikataa kwa ushahidi wa Qur’ani na historia sahihi ya Uislamu. Zaidi ya hayo katika Sura ya saba nimeelezea jinsi Abu Bakr alivyopata ukhalifa pale Saqifah Bani Sa’idah. Hata kama tungekubaliana na matumizi ya ‘Demokrasia ya kiislamu’ katika dini, sidhani kama kuna demokrasia iliyotumika pale Saqifah kwa sababu watu wengi sana au tuseme Waislamu wote na sahaba wengi sana maarufu, walikuwa kwenye msikiti wa Mtume (s.a.w.w.) wakisubiri mazishi ya kiongozi wao mpendwa. Demokrasia katika misingi ya kisiasa, hushirikisha watu wote na hutegemea maamuzi ya walio wengi. Lakini hapo Saqifah hatuoni ushirikishwaji wa watu wengi! Tukijadili hoja ya Shura hatuoni ushahidi wowote wa kujumuika kwa wawakilishi wa Waislamu kutoka sehemu mbali mbali za taifa kubwa la kiislamu la wakati huo! Kwa kweli hata masahaba maarufu kama Ali Ibn Abi Talib, Abbas, Usama bin Zayd, Az-Zubair, Salman Farsi, Abu Dharr al-Ghifari, Miqdad Ibn al-Aswad, Ammar Ibn Yasir, Hudhaifa Ibn alYaman, Khuzayma Ibn Thabit, Abu Burayd al-Aslami, Al-Buraa Ibn Azib, Abu Kaab, Sahl Ibn Hanif, Qays Ibn Saad, Abu Ayyub al-Ansari, Jabir Ibn Saad, Khalid Ibn Saad n.k. Hawa wote pamoja na umaarufu wao hawakuwepo Saqifah! Sasa hayo matokeo ya Saqifah yatachukuliwaje kuwa katika misingi ya Shura?
158