Marc de promocion dera Administracion Electronica en Aran
Prepausa Conselh d’Alcaldes Vielha, 20 de deseme de 2018
1
INDÈX (tag)
2
Programa “Govèrn Dubèrt” deth Conselh Generau d’Aran En encastre dera Lei 1/2015, de 5 de hereuèr, deth Règim Especiau d’Aran, eth sòn article 67.4 cite: “Eth Conselh Generau d’Aran a de crear era Oficina de Govèrn dubèrt tamb es objectius següenti: a) Promòir era transparéncia e er accès ara informacion publica. b) Potenciar era participacion dera ciutadania aranesa enes politiques publiques c) Garantir era rendicion de compdes des Institocions Araneses. d) Vetlhar pera melhora dera qualitat democratica.” Eth Programa “Oficina de Govèrn Dubèrt” siguec aprovat eth passat 20 de hereuèr de 2018 peth Conselh de Govèrn en tot obedir ath mandat dera Lei d’Aran atau coma d’un hilat d’objectius que le ne son complementaris e que son es que seguissen:
Dar compliment ath manament sorgit dera Lei 1/2015, de 5 de hereuèr, deth Regim Especiau d’Aran. Iniciar era modernizacion deth servici public dera Institucion Aranesa Melhorar es canaus de relacion tamb era ciutadania d’Aran Fomentar un cambi de gestion publica basat prioritàriament enes positius elements dera tecnologia. Potenciar era Transparéncia coma eth pretzhèt dera accion publica dera Institucion Potenciar es dus elements claus de tota gestion publica, eficàcia e eficiéncia. Implantar era Administracion Electronica dera Institucion Aranesa Dessenhar eth camin des cambis procedimentaus e metodologics intèrns dera Institucion.
En dia d’auè, e a mòde de resum, era huelha de trebalh implementada ei era següenta:
SubPrograma Administracion Electronica SubPrograma Oficina d’Atencion ath Ciutadan SubPrograma Comunica en Digitau SubPrograma Workers SubPrograma Share
Enes pròplèus setmanes se sotmeterà a aprovacion es següenti SubProgrames:
SubPrograma Donades Dubèrtes SubPrograma Ciutadania Digitau SubPrograma Canau Ciutadania
3
Paralellament tanben auem aprovat marcs metodologics de trebalh deth Pròpi Programa. Ara seguida les nomentam: -
Manual d’Atencion Ciutadana Reglament d´ús des Tecnologies e era Informacion en Conselh Generau d’Aran Guida de Hilats Sociaus de Govèrn Dubèrt deth Conselh Generau d’Aran
Enes pròplèus setmanes se sotmeterà a aprovacion, en aguest sens, es següentes accions: - Libre d’Estil deth Programa Govèrn Dubèrt deth Conselh Generau d’Aran - Identitat grafica deth Programa Govèrn Dubèrt - Web pròpia deth Programa - Dossier de conceptualitzacion deth Programa Govèrn Dubèrt deth Conselh Generau d’Aran Entà portar a tèrme eth desvolopament deth trebalh, s’a compdat tamb era incorporacion de dus joeni ena tipologia de contracte en practiques remunerades deth Programa Garantia Juvenil.
En cas que se desire mès informacion deth Programa “Oficina de Govèrn dubèrt” e/o de quinsevolha des accions portades a tèrme, o ben que s’amiaràn a tèrme, mos plaçam ara vòsta disposicion ben sigue per via presenciau, telefonica o telematica.
4
Er encastre Era tecnologia enes AAPP a vengut entà demora-i indefinidament. Aguesta, a mès, cada viatge pren un papèr preponderant e mès important ena gestion dera pròpia administracion publica. Per un aute costat cadua des Administracions Publiques Araneses, en exercici dera sua obligacion e des sues competéncies, amien a tèrme eth desplegament e implementacion dera Administracion Electronica. Cadua tamb es sues limitacions e tamb era sua prioritat. Paralellament auem en marc legislatiu que impause per un costat Drets ara ciutadania, aguesta cada viatje mès instrumentalitzada tamb er ús electronic, e per un aute costat, aguest madeish marc legislatiu, impause un hilat de obligatorietats as Ajuntaments e AAPP que hèn cada viatge mès ample eth camín d’ua uniformitzacion procedimentau electronica. Auem diuèrsi exemples, en trebalh diari dera administracion, que mos presenten indicis clars deth camín que dejà a començat e cada viatge serà mès vincolant. Era ciutadania, peth sòn biais, lhèue era exigéncia as sòns governants entà que qu’aguesti formulen e creen er ecosistema de servicis tecnologics públics entà facilitar-i era sua relacion. Non podem descuedar es institocions de governança globau, es sòns memoràndums, es sues prioritats e es directives de servicis (en cas dera Union Europèa), d’obligat compliment entàs estats membres que diboishen, clarament, eth camín referenciat abantes e ua integracion cada viatge mès potent dera tecnologia enes servicis, ben siguen públics coma privats. Conceptes coma administracion electronica, govèrn electronic, govèrn dubèrt, dades dubèrtes, innovacion dubèrta, co-creacion de politiques publiques, Inteligéncia Artificiau, era tecnologia 5G, protocòtles tecnologics, regulacions diuèrses, sancions a empreses tecnologiques, era regulacion des donades personaus, eth Big Data e d’auti, dejà formen part des agendes mondiaus e de plans estrategics que en quauqui indrets dejà s’estàn implementant e en d’auti ac haràn ben lèu. Tot aguest ecosistema, de variables, esturments e indicadors, mos presenten un desafiament majúscul as administracions locaus e a un País coma eth nòste. Aguest ei eth gran repte qu’auem per deuant. En aguest sens se presente era prepausa entà qu’eth conjunt des Institocions Araneses establisquen critèris comuns e accions concretes e consensuades, gestionades per un únic òrgan de coordinacion e vincolant que permeterà hèr arribar ara ciutadania era naua relacion ciutadan-administracion (per miei des servicis electronics de que dispause cadua des administracions) en tot optimitzar es recorssi economics que se i deriven e arténher ua optimitzacion de critèris que van ena linha de melhorar eth conjunt des servicis públics en País.
5
6
7
FAQ’S Què se prepause? Que un solet òrgan executiu promòigue, coordine, ensamble e uniformitze era accion/actuacion, difosion e messatge que pòrten a tèrme es administracions locaus en País respecte dera Administracion Electronica. Quines ventatges comportarà? - Auer un messatge tècnic, administratiu e tecnologic únic entà totes es administracions de cara ara ciutadania. - Promocionar era Administracion electronica coma ua un hilat de servicis, des autonòmes AAPP araneses, que placen a disposicion dera ciutadania e non sonque coma accion governamentau. - Redusir despenes de promocion dera administracion electronica enes AALL d’Aran s’ac hènt cadua per separat. Limite era accion governamentau des AALL? En cap cas. Cada Ajuntament pòt auançar en tant sigue era sua velocitat e pòt crear es servicis que desire tamb era maxima autonomia sense mès incidéncia dera accion plantejada qu’era pròpia administracion desire. Era ventatja, entàs AALL, ei sonque economica? A cuert tèrme òc. Mès, se em capaci d’unificar protocòtles, metodologies, procediments, accions e actuacions ath torn deth concèpte Govèrn Dubèrt toti amassa artenharam tamb eth temps variables conjuntes, assessorament tecnic compartit, accions cofinançades, creacion de linhes estrategiques consensuades que enfortiràn era tecnologia e melhoraràn era prestacion des servicis que son a disposicion dera ciutadania sense mès esfòrç qu’eth trebalh hèt enquiath moment que se desire. Comportarà mès trebalh entàs AALL? Ben ath contrari. Era tecnologia que s’aplique de manera compartida e dubèrta, en temps, permeterà redusir es carregues en tot eth sòn conjunt. Açò ei mès que demostrat. I a ua estratègia definida darrèr de tot aguest trebalh? Òc. Hèr des AALL d’Aran un exemple d’adaptacion e proximitat a trauèrs des tecnologies dera Informacion e Comunicacion. Era ciutadania ac exigís. Es AALL, donques, perderàn eth protagonisme en ahèrs tecnologics? Ben ath contrari. Cadua prenerà mès protagonisme en politiques tecnologiques sa’c hèm toti amassa, tanben, aprofitaram era inteligéncia colectiva (staff polític + comandament tècnic + supòrts administratius + agents extèrns + ciutadania) entà lheuar eth nivèu e adaptar tota accion publica locau tecnologica fòrça mès reau e adaptada as besonhs dera ciutadania e empreses deth País.
8
Qui portarà a tèrme eth trebalh? Eth trebalh serà gestionat peth Programa Govèrn Dubèrt deth Conselh Generau d’Aran en ua relacion colaboratiua, cooperatiua e participativa des AALL d’Aran. Es AALL participaràn deth trebalh que se pòrte a tèrme des deth Programa Govèrn Dubèrt? Eth concèpte ei gestion dubèrta, govèrn dubèrt, cultura dubèrta. Per tant, poderàn participar deth trebalh totes es persones fisiques e/o juridiques qu’ac desiren. Era metologia de trebalh serà sustentada en base tecnologica e tamb es protocòtles establerts en Programa. Era base deth trebalh dubèrt ei: collaboracion, cooperacion e participacion, tostemp dubèrt. Coma se finançarà aguest SubPrograma de Promocion dera Administracion Electronica en Aran? Calerà establir e definir en Acòrd Marc, des AALL d’Aran, que se signe ar efecte de compliment d’aguest SubPrograma, se cau, es linhes e hònts de finançament.
9
Crèdits 01. Aguesta trebalh a estat confeccionat per Alex Moga tamb era collaboracion de Alejandra Escuín e Mikel Martínez, integrants deth Programa Govèrn Dubèrt. S’a recebut eth supòrt deth Secretari Generau deth Conselh Generau d’Aran. 02. S’an emplegat 35 ores de jornada laborau entà portar a tèrme eth trebalh que se presente; tamb un còst de 476 € (en tot compdar es quate documents). 03. Es mieis utilitzadi entà portar a tèrme eth trebalh an estat: Hardware (estacion de trebalh basica) e software (ofimàtic e de dessenh gràfic). 04. Era metodologia de trebalh emprada a estat era preestablerta en Programa de Govèrn Dubèrt. 05. Era finalitzacion e presentacion d’aguest document compòrte poder-le hè públic en portaus de publicacions digitaus e/o espacis der ecosistèma web, tostemp que non contravengue eth marc legislatiu existent. Era motivacion, entara sua publicacion, se sustente ena conceptualitzacion dera linha de trebalh que potencie eth Programa Govèrn dubèrt que ei: era transparéncia, es donades dubèrtes e eth “compartir” (coma element participacion) ena recèrca dera melhora colectiva.
10