12 hún líka eina gatan á landinu þar sem sjá mátti hinn útdauða geirfugl uppstoppaðan sem Íslendingar söfnuðu fyrir og keyptu á uppboði í Lundúnum. Hverfisgatan er eina gatan þar sem Þjóðleikhúsið stendur hnarreist og nútímalegt manngert fjall okkur til stöðugrar áminningar um að Ísland er lýðveldi og þarf sitt þjóðleikhús eins og öll önnur sjálfstæð lönd. Hún er eina gatan í Reykjavík þar sem sjálfur Indiana Jones kemur þegar hann á frí og fær sér íslenskindverskan mat, að sögn hérlendra blaða. Hverfisgata er líka gatan þar sem nettur lítill hvítur kastali stendur hógvær og er það eina sem eftir lifir af margra alda dönskum yfirráðum á Íslandi. Í janúar 2009 kom aldrei þessu vant mikill fjöldi manns á Hverfisgötuna og kveikti elda rétt hjá Safnahúsinu og Þjóðleikhúsinu og þá heyrðist þar óreglulegur bumbusláttur sem markaði nýja tíma á Íslandi. Þar kom líka fólk sem býr á Hverfisgötunni og er stolt af því að fólk komi þangað þegar það vill gera byltingu. Fyrsti forsætisráðherra Íslands átti heima við Hverfisgötu. Seinasti konungur Íslands gisti þar árið 1926. Lögum og reglu er haldið uppi frá Hverfisgötunni; lögreglustöðin og Ingólfur mynda rammann utan um þessa annars tilkomulitlu götu. Kannski er engin furða að fólk fælist Hverfisgötuna. Frá Hverfisgötunni var gasi miðlað áratugum saman, áður en lögreglan festi þar rætur.
THE GARDEN PROJECT