Hogeita zortzigarren gaia BANAKETAREN ERAGINGARRITASUN ETA ERAGINGABETASUNA Laburpena: §92. Banaketaren ondoreak.— 320. Jaraunspeneko erkidegoa azkentzea eta horren ondoreak.— 321. Ondasun adjudikatuen saneamendua egiteko, jaraunslekideek duten elkarrekiko betebeharra: A) Aldez aurreko oharbi deak; B) Saneamenduaren oinarria, jaraunspenaren banaketan; C) Sanea menduaren eraentza: faseak eta edukia; res evicta baloratzeko unea; D) Saneamenduaren salbuespenak, jaraunspenaren banaketan; E) Saneamen duaren eraentza, kredituen adjudikazioan.— 322. Jaraunspeneko zorren ordainketa: A) Banaketa eta zorren ordainketa; B) Zorren ordainean egin dako adjudikazioa.— §93. Banaketaren eragingabetasuna eta horren osagarria.— 323. Aldez aurreko oharbideak, banaketaren eragingabeta sunari buruz.— 324. Banaketaren deuseztasuna eta deuseztakortasuna.— 325. Banaketaren hutsalketa.— 326. Hutsalketaren eraentza juridikoa eta ondoreak.— 327. Banaketaren osagarria.
§92. BANAKETAREN ONDOREAK 320. Jaraunspeneko erkidegoa azkentzea eta horren ondoreak Banaketaren esangurari heldurik, haren ohiko ondorea da jaraunspeneko erkidegoak sortzen duen indibiso egoerari amaiera ematea. Ikusmolde horre tatik abiatuta, ezin ahantz daiteke jaraunspenaren banaketa kontzeptuak berak dakarrela oinordetza berean jaraunsle bat baino gehiago pilatzea, bakoitza ius hereditario izenekoaren kuota edo zati baten titularra izanik. Horrenbestez, jaraunspenaren banaketa erabilita, jaraunslekideek indibiso egoeratik irten daitezke, horretarako KZren 1051 eta 1052. art.etan xedaturiko ahalmena egi karituz. Jaraunspenaren banaketa, bestalde, eredu gisa hartzen da beste indi biso kasu batzuetan. Ondasun erkidegoan, berbarako, bide hori erabiltzen da (KZren 406. art.), baita sozietate arloan ere, bazkideen arteko banaketaren in