Lehenengo gaia OINORDETZA OROKORREAN Laburpena: §1. Oinordetza orokorrean.— 1. Banakako oinordetza eta oinordetza unibertsala.— 2. Inter vivos eta mortis causa oinordetza.— §2. Mortis causa oinordetza eta Oinordetza zuzenbidea.— 3. Kokaera sistema tikoa.— 4. Jabetza, familia eta jaraunspena.— 5. Jaraunspenari buruz Konstituziora bildutako arauketa.— §3. Oinordetza zuzenbidearen bila kaera historikoa.— 6. Bilakaeraren lerro desberdinak.— 7. Oinordetza zuzenbidearen etorkizuna.
§1. OINORDETZA OROKORREAN 1. Banakako oinordetza eta oinordetza unibertsala Oinordetza dela bide, subjektu bat jartzen da beste subjektu baten lekuan, hain zuzen ere, azken horrek harreman juridiko batzuetako edo harreman ju ridikoen multzo bateko alderdi aktiboan zein pasiboan duen lekuan. Sub jektuen aldaketa horrek ez du eraginik harreman juridikoen (edo harreman ju ridikoen multzoak duen) edukian, eduki horrek bere horretan dirauela. Oinordetza gertatzeko baldintzak oso desberdinak dira eta, antolamendu juridikoaren arabera, oinordetza baliozko eta eragingarria izateko betekizunak ere mota anitzekoak dira, kasuankasuan. Oinordetza kontzeptuaren itxura keta anitz horretara garamatza, lehenengo eta behin, banakako oinordetzaren eta oinordetza unibertsalaren arteko bereizketak. Bereizketa hori da, izan ere, Oinordetza zuzenbide izeneko jakintzagaiari buruzko azterketaren muina. Oi F. CAPILLA RONCERO