TESTAMENTUAREN ERAGINGABETASUNA Bosgarren gaia TESTAMENTUA. KONTZEPTUA ETA EGITURA Laburpena: §12. Testamentuaren kontzeptua.— 35. Testamentuaren definizioa eta edukia.— 36. Izaera.— 37. Ezaugarriak: A) Alde bakarrekoa; B) Formala. Testamentuzko memoriak; C) Pertsona batek bakarrik egindakoa. Testa mentu mankomunatua; D) Bereberezkoa; E) Ezeztakorra. Ad cautelam klausulak.— 38. Testamentua egiteko gaitasuna: A) Gaitasun orokorra; B) Gaitasunik gabeko subjektuak: a) Adina; b) Zentzutasuna; c) Testamentua egiteko ezintasuna duten subjektuak; d) Gaitasunaren balorazioa eta ho rren agerpena; C) Ezgaituaren testamentua.— 39. Testamentu borondatea eta horren akatsak: A) Testamentu borondatea; B) Akatsak: a) Bortxa eta beldurtarazpena; b) Doloa; c) Okerra; d) Aitorpenaren akatsak; C) Testa mentugileak duen askatasunaren aurka atentatzen duen gainontzekoari ezarritako zehapena.— §13. Testamentuaren interpretazioa.— 40. Tes tamentua interpretatzeko irizpideak.— 41. Interpretazio bideak. Kan potiko froga.— §14. Testamentuaren formari buruzko erregelak.— 42. Testamentuaren solemnitateak.— 43. Testamentu motak, formaren arabera.— 44. Formari buruzko erregela orokorrak: A) Testamentu egiles penean esku hartzen duten pertsonak: a) Notarioa; b) Lekukoak; c) Testa mentu egilespenean esku hartzen duten beste pertsona batzuk; B) Tes tamentugilearen identifikazioa; C) Testamentuan erabilitako hizkuntza.
§12. TESTAMENTUAREN KONTZEPTUA 35. Testamentuaren definizioa eta edukia KZren 658. art.ak, edu kritikagarrian bada ere, agerian jartzen du zein tzuk diren mortis causa oinordetza gauzatzeko bideak; bide horien artean, gi zakien borondatea aipatzen du (borondatezko oinordetza), borondate hori testamentuaren bidez adierazten dela. Espainiako Zuzenbidean, testamentua ez da mortis causa oinordetzari buruzko borondatea adierazteko bide bakarra; dena den, testamentuaren definizioa emateko, kontutan izan behar da KZren